ءماجىلىس توراعاسى نۇرلان نىعماتۋلين بارشا قازاقستاندىقتاردى ەرلىك پەن باتىرلىقتىڭ جانە وتانسۇيگىشتىكتىڭ سيمۆولىنا اينالعان وتان قورعاۋشىلار كۇنىمەن  قۇتتىقتادى.

- Cوعىس ارداگەرلەرىن، قازاقستان اسكەرى قاتارىندا قىزمەت اتقارىپ جۇرگەن ازاماتتاردى ەلىمىزدە ەرەكشە قۇرمەتپەن اتالىپ وتەتىن 7 مامىر مەرەكەسىمەن قۇتتىقتايمىن. بۇكىل قازاقستاننىڭ، ءاربىر وتباسىنىڭ، ءاربىر ادامنىڭ قاۋىپسىزدىگى مەن تىنىشتىعىن ساقتاۋ جولىندا كۇندىز-ءتۇنى ايانباي ەڭبەك ەتكەن ارداگەرلەرگە العىس بىلدىرە وتىرىپ، اسكەري بولىمشەلەردە لايىقتى قىزمەت اتقارىپ جۇرگەن ەرجۇرەك تە جىگەرلى ساربازدارعا ابىرويلى، تابىستى قىزمەت تىلەيمىن, - دەدى ءماجىلىس توراعاسى.

نۇرلان نىعماتۋلين قاي داۋىردە، قاي زاماندا بولماسىن وتاندى قورعاۋ قاسيەتتى بورىش ەكەنىن العا تارتىپ، تۇڭعىش پرەزيدەنت، ەلباسى نۇرسۇلتان ءابىشۇلى نازارباەۆتىڭ تاۋەلسىزدىك العان جىلداردان باستاپ، ءاردايىم ەلىمىزدىڭ قارۋلى كۇشتەرىنە ەرەكشە نازار اۋدارىپ، ونىڭ نىعايۋى مەن دامۋىنا ءمان بەرەتىنىن ايتتى.

سونىمەن قاتار، نۇرلان نىعماتۋلين وسى جولدا مەملەكەت باسشىسى قاسىم-جومارت كەمەلۇلى توقاەۆتىڭ ەلباسىنىڭ اسكەري سالاعا دەگەن وڭ باعىتىن جالعاستىرىپ، قازاقستاننىڭ قارۋلى كۇشتەرى ارقاشاندا تاۋەلسىزدىكتىڭ، قوعامداعى تاتۋلىق پەن كەلىسىمنىڭ  مىزعىماس تىرەگى بولاتىنىنا سەنىم بىلدىرگەنىنە توقتالدى.

ءماجىلىس توراعاسى بارلىق قازاقستاندىقتارعا مىقتى دەنساۋلىق، باقىت جانە اماندىق تىلەدى.

Abai.kz