ءماجىلىس توراعاسى نۇرلان نىعماتۋلين ۇلى وتان سوعىسىنىڭ ارداگەرلەرى مەن تىل ەڭبەككەرلەرىنە  مايدانداعى جەڭىستەرى ءۇشىن العىس ءبىلدىرىپ، ەرلىك پەن باتىرلىقتىڭ ۇلگىسىنە اينالعان 9 مامىر - جەڭىس كۇنىمەن قۇتتىقتادى.

 ​- قازاقستاندىقتاردى ۇلى جەڭىس كۇنى مەرەكەسىمەن شىن جۇرەكتەن قۇتتىقتايمىن! بۇل مەيرام - ەرەن ەرلىكتىڭ، اسقاق رۋحتىڭ جانە قاھارماندىق پەن قايسارلىقتىڭ، باتىلدىق پەن بىرلىكتىڭ سيمۆولى. وسىعان وراي، بولاشاق ۇرپاعىنا باقىت سىيلاپ، مايدان دالاسىندا ەرلىك تانىتقان جانە تىلدا قاجىرلى ەڭبەك ەتكەن ارداگەرلەرىمىزگە باس ءيىپ، تاعزىم ەتەمىز.

قازاقستاننىڭ تۇڭعىش پرەزيدەنتى-ەلباسى نۇرسۇلتان ءابىشۇلى نازارباەۆ جانە مەملەكەت باسشىسى قاسىم-جومارت كەمەلۇلى توقاەۆ ارقاشان سوعىس ارداگەرلەرى مەن تىل ەڭبەككەرلەرىنە قولداۋ كورسەتىپ، مايدانداعى جاۋىنگەرلەردىڭ ەرلىگى تۋرالى ماڭگى ەستە ساقتاۋعا ەرەكشە كوڭىل بولەدى.

​سوندىقتان دا، ءبىزدىڭ ارقايسىمىزدىڭ قاسيەتتى پارىزىمىز - ۇلى قۇندىلىقتار - بەيبىتشىلىك پەن كەلىسىمدى ساقتاۋ جانە نىعايتۋ، - دەدى ءماجىلىس توراعاسى.

سونىمەن قاتار، نۇرلان نىعماتۋلين ەلىمىزگە تىنىشتىق، بارشا حالىققا زور دەنساۋلىق، مول باقىت، بەيبىت ءومىر تىلەدى.

Abai.kz