قازاقستاندا حالىق ساناعى 1 قىركۇيەك پەن 15 قازان ارالىعىندا sanaq.gov.kz سايتىندا ونلاين رەجيمدە وتەدى. بۇل تۋرالى ۇلتتىق ستاتيستيكا بيۋروسى مالىمدەدى.

جۇيە تاۋلىگىنە 24 ساعات بويى قولجەتىمدى بولادى. رەسپوندەنت ساناققا قاتىسۋ ءۇشىن وزىنە ىڭعايلى كەز كەلگەن ۋاقىتتى تاڭداي الادى، سونداي-اق سايتتا بلانكتى تولتىرۋدى توقتاتۋ جانە ونى تولتىرۋدى كەيىن قايتا جالعاستىرۋ مۇمكىندىگى بولادى.

سونىمەن قاتار egov.kz ەلەكتروندى ۇكىمەت پلاتفورماسىندا sanaq.gov.kz سايتىنىڭ قوسىمشا پاراعى ورنالاستىرىلادى، ول ارقىلى ەلەكتروندى تسيفرلى قولتاڭبانى (ەتسق) قولدانىپ، ساناققا قاتىسۋعا بولادى.

«Aitu» ءموبيلدى قوسىمشاسى ارقىلى ۇلتتىق ساناققا قاتىسۋ مۇمكىندىگى ۇسىنىلماق.

Abai.kz