سەنبى, 19 ماۋسىم 2021
1892 3 پىكىر 17 مامىر, 2021 ساعات 13:48

انتيكوردىڭ جاڭا باسشىسى قانشا جالاقى الادى؟

سىبايلاس جەمقورلىققا قارسى ءىس-قيمىل اگەنتتىگى وكىلدەرى مەملەكەتتىك ورگاننىڭ ءبىرىنشى باسشىلارى مەن ولاردىڭ ورىنباسارلارىنىڭ جالاقىسى مەملەكەتتىك بيۋدجەت ەسەبىنەن الىناتىن بارلىق مەملەكەتتىك ورگان ءۇشىن بەكىتىلگەن ەڭبەكاقى تولەۋدىڭ بىرىڭعاي جۇيەسىنە سايكەس بەلگىلەنەتىنىن ايتتى.

«سىبايلاس جەمقورلىققا قارسى ءىس-قيمىل اگەنتتىگىنىڭ توراعاسى لاۋازىمى ساياسي مەملەكەتتىك قىزمەتشىلەر ساناتىنا جاتادى جانە ونىڭ لاۋازىمدىق جالاقىسى 1 208 882 تەڭگە. ال اگەنتتىك توراعاسىنىڭ ءبىرىنشى ورىنباسارىنىڭ جالاقىسى 911 041 تەڭگە, ال اگەنتتىك توراعاسى ورىنباسارلارىنىڭ جالاقىسى 852 287 تەڭگە», – دەلىنگەن Tengrinews.kz رەسمي ساۋالىنا جاۋاپتا.

تالاپتارعا سايكەس، اگەنتتىك توراعاسىنىڭ ورىنباسارلارىن قىزمەتكە تاعايىنداۋ جانە قىزمەتتەن بوساتۋ پرەزيدەنت جانىنداعى قۇقىق قورعاۋ ورگاندارىنداعى كادر ساياساتى ماسەلەلەرى جونىندەگى كوميسسيانىڭ كەلىسىمى بويىنشا اگەنتتىك توراعاسىنىڭ ۇسىنۋى نەگىزىندە قازاقستان پرەزيدەنتىنىڭ وكىمىمەن جۇرگىزىلەتىنى دە حابارلاندى.

قۇقىق قورعاۋ ورگاندارىندا قىزمەتكە تاعايىنداۋ، اۋىستىرۋ، قىزمەت بويىنشا ۇسىنۋ جانە جۇمىستان شىعارۋ ءتارتىبىن قازاقستاننىڭ قۇقىق قورعاۋ جانە مەملەكەتتىك قىزمەت تۋرالى زاڭنامالارى رەتتەيدى. بۇل شەشىمدەردى قۇقىق قورعاۋ ورگانىنىڭ باسشىلىعى قىزمەت بارىسىندا كادرلىق جوسپارلاۋ نەگىزىندە قابىلدايدى.

Abai.kz

3 پىكىر