كانادا ۇكىمەتى قىرعىزستان بيلىگىنىڭ "قۇمتور" كەن ورنىن كانادالىق Centerra Gold كومپانياسىنان تارتىپ الۋ ارەكەتىنە الاڭداۋشىلىق ءبىلدىردى. بۇل تۋرالى كانادانىڭ سىرتقى ىستەر ءمينيسترى مارك گارنو مەن شاعىن بيزنەس، ەكسپورتتى دامىتۋ جانە حالىقارالىق ساۋدا ءمينيسترى مەري نگتىڭ بىرلەسكەن مالىمدەمەسىندە ايتىلعان.

«قىرعىزستاننىڭ ماڭىزدى ينۆەستيتسيالىق سەرىكتەسى رەتىندە كانادا تاۋ-كەن سالاسىنىڭ دامىتۋعا قاتىستى ءىس-ارەكەتتەرگە قاتتى الاڭدايدى. 17 مامىردا وتكەن قىرعىز پارلامەنتىنىڭ كەزەكتەن تىس ماجىلىسىندە «قۇمتور گولد كومپانيدى» ۋاقىتشا سىرتقى باسقارۋ تۋرالى شەشىم قابىلداعانىنا نارازى»، - دەلىنگەن حابارلامادا.

رەسمي وتتاۆا قىرعىز بيلىگىنىڭ مۇنداي ارەكەتتەرى ەلدەگى بولاشاق شەتەلدىك ينۆەستيتسيالار كولەمىنە كەرى اسەر ەتۋى مۇمكىن، ال ول ءوز كەزەگىندە قىرعىزستان حالقىنىڭ ءال-اۋقاتىنا كەرى اسەر ەتەدى دەپ ەسكەرتەدى.

«قۇمتور» ءىرى التىن كەن ورنىن كانادالىق Centerra Gold كومپانياسى يگەرۋدە. قازىر قىرعىزستاننىڭ جاڭا بيلىگى كەنىشتى مەملەكەت مەنشىگىنە الۋعا تىرىسۋدا. كانادالىق ينۆەستوردىڭ جۇمىسىنداعى كوپتەگەن زاڭ بۇزۋشىلىقتار انىقتالىپ، قىلمىستىق ءىس قوزعالىپ، سىرتقى باسقارۋ ەنگىزىلگەننەن كەيىن، ەكى ەل اراسىندا تۇسىنبەۋشىلىك پايدا بولدى.

Abai.kz