پولشا پرەزيدەنتى اندجەي دۋدا گرۋزياعا ساپارى كەزىندە رەسەيگە قاتىستى پىكىر ءبىلدىردى. دۋدا گرۋزيادا سۇحبات بەرىپ، رەسەيدىڭ ارەكەتتەرىن "اگرەسسيۆتى" جانە "يمپەرشىل" دەپ اتادى.

"رەسەيدىڭ ارەكەتتەرى اگرەسسيۆتى، يمپەرشىل بولىپ تابىلادى. ولار ادامداردىڭ ءومىرىن قيىپ، مەملەكەتتەردىڭ جويىلۋىنا اكەلەتىن، اسكەري جاعدايعا نەگىزدەلگەن ساياسات ۇستانادى. بۇل حالىقارالىق قاۋىمداستىققا قارسى ارەكەتتەر بولىپ تابىلادى. رەسەي - ەسى اۋىسقان ەل", - دەدى دۋدا.
ول رەسەيدىڭ "قالىپتان تىس مەملەكەت" ەكەنىن بىرنەشە رەت قايتالاپ، سوڭىندا: "رەسەي - اگرەسسور" دەدى.

بۇلاي دەۋىنە رەسەيدىڭ قىرىمداعى، شىعىس ۋكرايناداعى ارەكەتىن دالەلگە كەلتىردى. سونىمەن قاتار بەلارۋس ەلىنىڭ جولاۋشىلار ۇشاعىن توقتاتۋىنا دا رەسەيدىڭ تىكەلەي قاتىسى بار بولۋى مۇمكىندىگىن ايتتى.

Abai.kz