حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋدا ءجۇرىپ جاتقان سوت پروتسەسىنىڭ 7-مامىر كۇنى وتكەن 28-ءشى وتىرىسىندا ءىس ماتەريالدارىن جاريالاۋ جانە بەينەماتەريالدارمەن تانىسۋ جالعاسقان.

وتىرىس ادۆوكات جۋاسپاەۆانىڭ تالاپ-تىلەگىنەن باستالعان: قۇرمەتتى توراعالىق ەتۋشى، سوتتالۋشىلار ر.تولەتاەۆا مەن م.دوسماعامبەتوۆ سوتتىڭ ەسەبىندە، بىراق، بىزگە بەلگىلى بولعانى، سوت وتىرىستارى جابىلعاننان كەيىن بىرنەشە كۇن بويى ولارعا ۇقك، ءىىم قىزمەتكەرلەرى كەلىپ نەمەسە ولاردى وزدەرىنە شاقىرتىپ الىپ، ەكەۋىن دە كۋا قىلۋ ماقساتىندا قىسىم كورسەتىپ جاتىر.

سۋديا: قانداي ءىس بويىنشا؟

جۋاسپاەۆا: قر قك-ءنىڭ 164-بابىنا سايكەس قوزعالعان ءىس بويىنشا («الەۋمەتتىك ارازدىق قوزدىرۋ»، ياعني، ۆلاديمير كوزلوۆ، سەرىك ساپارعالي، ايجانگۇل ءامىروۆا جانە باسقالاردىڭ ۇستىنەن جۋىق ارادا باستالۋعا ءتيىس سوت پروتسەسىندە كۋا قىلۋ ماقساتىمەن. - ج.ق.).

سۋديا: جاقسى، كورەمىز.

ادۆوكاتتار باتيەۆا مەن سءارسەمبينا ءوز قورعاۋىنداعىلاردىڭ قوسىمشا قۇجاتتارىن (وتباسىلارىنىڭ قۇرامى تۋرالى جانە جۇمىس ورنىنان انىقتامالار) ىسكە قوسۋ جونىندە تالاپ-تىلەك جاساعان.

ودان سوڭ قىلمىستىق ءىس ماتەريالدارىن جاريالاۋ جالعاسىپ، تۇسكە دەيىن بارلىعى 93 توم قارالعان.

حالىقارالىق «جاڭاوزەن-2011» كوميتەتى مۇشەلەرىنىڭ حابارلاۋىنشا، اقتاۋدا ءجۇرىپ جاتقان سوت پروتسەسىنىڭ 7-مامىر كۇنى وتكەن 28-ءشى وتىرىسىندا ءىس ماتەريالدارىن جاريالاۋ جانە بەينەماتەريالدارمەن تانىسۋ جالعاسقان.

وتىرىس ادۆوكات جۋاسپاەۆانىڭ تالاپ-تىلەگىنەن باستالعان: قۇرمەتتى توراعالىق ەتۋشى، سوتتالۋشىلار ر.تولەتاەۆا مەن م.دوسماعامبەتوۆ سوتتىڭ ەسەبىندە، بىراق، بىزگە بەلگىلى بولعانى، سوت وتىرىستارى جابىلعاننان كەيىن بىرنەشە كۇن بويى ولارعا ۇقك، ءىىم قىزمەتكەرلەرى كەلىپ نەمەسە ولاردى وزدەرىنە شاقىرتىپ الىپ، ەكەۋىن دە كۋا قىلۋ ماقساتىندا قىسىم كورسەتىپ جاتىر.

سۋديا: قانداي ءىس بويىنشا؟

جۋاسپاەۆا: قر قك-ءنىڭ 164-بابىنا سايكەس قوزعالعان ءىس بويىنشا («الەۋمەتتىك ارازدىق قوزدىرۋ»، ياعني، ۆلاديمير كوزلوۆ، سەرىك ساپارعالي، ايجانگۇل ءامىروۆا جانە باسقالاردىڭ ۇستىنەن جۋىق ارادا باستالۋعا ءتيىس سوت پروتسەسىندە كۋا قىلۋ ماقساتىمەن. - ج.ق.).

سۋديا: جاقسى، كورەمىز.

ادۆوكاتتار باتيەۆا مەن سءارسەمبينا ءوز قورعاۋىنداعىلاردىڭ قوسىمشا قۇجاتتارىن (وتباسىلارىنىڭ قۇرامى تۋرالى جانە جۇمىس ورنىنان انىقتامالار) ىسكە قوسۋ جونىندە تالاپ-تىلەك جاساعان.

ودان سوڭ قىلمىستىق ءىس ماتەريالدارىن جاريالاۋ جالعاسىپ، تۇسكە دەيىن بارلىعى 93 توم قارالعان.

سۋديا 20-23 تومدارعا كىرەتىن قۇجاتتاردىڭ اتاۋلارىن جاريالاعان. ول قۇجاتتار (كۇدىكتىلەر رەتىندە جاۋاپتاۋلاردىڭ حاتتامالارى، ايىپتالۋشىلار ستاتۋسىنا اۋدارۋ تۋرالى قاۋلىلار، تۇتقىنداۋ تۋرالى قاۋلىلار، جۇمىس ورنىنان، ناركولوگيالىق، پسيحونەۆرولوگيالىق ديسپانسەرلەردەن انىقتامالار جانە تاعى باسقالارى) سوتتالۋشىلار وتكەلوۆ، بالۋانيازوۆ، مۇڭايتپاشەۆ، ءادىلوۆ، ءامينوۆ، امانجولوۆ، شاموۆ، ءابدىراحمانوۆ جانە باسقالارعا قاتىستى بولعان.

ادۆوكات الىبيەۆ: قۇرمەتتى سۋديا، 23-تومنىڭ 65-بەتىندەگى ءابدىراحمانوۆتىڭ ارىزىن وقىڭىزشى.

سۋديا: مۇندا تەك شاموۆتىڭ ارىزى.

الىبيەۆ: قۇجاتتار تىركەمەسىندە وندا ءابدىراحمانوۆتىڭ ارىزى بولۋعا ءتيىس دەپ جازىلعان.

سۋديا: مىنە، تاپتىم. بىراق بۇل 66-بەتتەگى ارىز، راس، مەرزىمى قويىلماعان.

سۋديا (قۇجاتتاردى اتاۋدى جالعاستىرىپ): 17-جەلتوقساندا ول كۇدىكتى رەتىندە كورسەتۋلەر بەرگەن.

الىبيەۆ: ونىڭ كۇدىكتى رەتىندە قانداي باپ بويىنشا جاۋاپتالعاندىعىن انىقتاي كەتىڭىزشى؟

سۋديا: ول جونىندە ايتىلماعان، باپ كورسەتىلمەگەن.

الىبيەۆ: ءابدىراحمانوۆتىڭ ءوز ەركىمەن كىناسىن مويىنداعان ارىزىن وقىڭىزشى.

سۋديا ءابدىراحمانوۆتىڭ 2012 جىلدىڭ 9-قاڭتارىندا جازعان ارىزىن وقىعان.

الىبيەۆ: ءابدىراحمانوۆتىڭ 116-بەتتەگى ارىزىن وقىڭىزشى.

سۋديا: 28.01.2012 جىلعى ارىزىندا ءابدىراحمانوۆ كورسەتۋ بەرۋدەن باس تارتقان.

24-25-تومداردا پوليتسەيلەردى (ءادىلوۆ، مەدەتباەۆ، مىلتىقوۆ، وتەشەۆ، شامسۋدينوۆ، توقسانوۆ، سارسەمباەۆ جانە باسقالار) وسى ءىس بويىنشا جابىرلەنۋشىلەر دەپ تانۋ جونىندەگى حاتتامالار تىگىلگەن. سونداي-اق، بۇل تومداردا - جابىرلەنۋشىلەردىڭ كورسەتۋلەرى، حاتتامالار، سوت-مەديتسينالىق ساراپتاما قورىتىندىلارى، فوتوكەستەلەر، پوليتسەيلەردىڭ بۇلىنگەن قالقاندارى مەن كاسكالارىن ساراپتاماعا جىبەرۋ جونىندەگى قاۋلى بولعان.

ءار تومدى جاريالاعان سايىن سۋديا: «سۇراقتار، وتىنىشتەر بار ما؟» - دەپ سۇراپ وتىرعان، ال سوتتالۋشىلار، ادۆوكاتتار مەن پروكۋرورلار ءبىر اۋىزدان: «جوق»، - دەپ جاۋاپ بەرگەن.

26-تومدا ساراپشىلاردىڭ مىناداي جاۋابى بار ەكەن: «قالقاندار اڭشى مىلتىعىنىڭ بىتىراسىنان زاقىمدالعان، ولار 15-25 مەتردەن اسپايتىن قاشىقتىقتان اتىلعان». (پوليتسەيدەردىڭ «ۆەرسياسى» بويىنشا، ولار الاڭعا تاڭەرتەڭگى پارادتان سوڭ، ەكىنشى رەت شىققان كەزدە وق اتىلعان. كوپتەگەن بەينەجازبالاردا برونەجيلەت، كاسكا كيىپ، قالقان ۇستاپ، اۆتوماتتى پيستولەت پەن كالاشنيكوۆ اۆتوماتتارىمەن قارۋلانعان 50-60 پوليتسەيلەر توبى بەينەلەنگەن. جانە، تاعى دا ءدال سول «ۆەرسياعا» سايكەس، جاپپاي تارتىپسىزدىكتەرگە قاتىسۋشىلار اراسىنان الدەكىمدەر پوليتسەيلەرگە 15-25 مەتر جاقىندىققا جۇگىرىپ كەلىپ، وق اتقان. البەتتە، وسىناۋ ەرجۇرەك اتقىشتاردىڭ ءبىر دە بىرەۋىن وسى كۇنگە دەيىن ەشكىم ۇستاي الماعان!).

سۋديا قۇجاتتار تاقىرىپتارىن جاريالاۋدى جالعاستىرعان: ...ءورت ءسوندىرۋ-تەحنيكالىق ساراپتاما حاتتامالارى; ورتەنىپ كەتكەن عيماراتتاردى قاراۋ حاتتامالارى; زارداپ كەلتىرۋلەردى راستايتىن قۇجاتتار; كۋالاردىڭ جاۋاپتارى; 16-17-جەلتوقسان وقيعالارى بويىنشا پوليتسەيلەردىڭ كورسەتۋلەرى; سوتتالۋشىلاردىڭ تۋىستارى بەرگەن كورسەتۋلەر; جاراقات العان ادامداردىڭ جاۋاپتارى; وقتى قارۋدان بولعان جاراقاتتار بويىنشا سوت-مەديتسينالىق ساراپتاما قورىتىندىلارى; كەيىن ولارعا قاتىستى ءوندىرىس توقتاتىلعان كەيبىر ادامداردى كۇدىكتىلەر دەپ مويىنداۋ جونىندەگى قاۋلىلار; تەرگەۋ شارالارىنىڭ حاتتامالارى; وقتى قارۋدان بولعان جاراقاتتار بويىنشا ىستەردى بولەك وندىرىسكە شىعارۋ تۋرالى تەرگەۋ توبىنىڭ قاۋلىلارى; ادامدار (ۇيالى بايلانىس وپەراتورلارىنىڭ مالىمەتتەرى بويىنشا), كيىز ۇيلەر، ءماشينالار، باسقا دا وبەكتىلەردىڭ الاڭدا ورنالاسۋ سىزبالارى (سحەمالارى); فوتوسۋرەتتەر; قازا بولعانداردى، ولاردىڭ كيىمىن قاراۋ كەزىندە تۇزىلگەن قۇجاتتار; تەلەفونمەن سويلەسۋلەر جونىندەگى ۇيالى بايلانىس وپەراتورلارىنىڭ انىقتامالارى; تەلەفون نومىرلەرىنىڭ تىزىمدەرى; ۇيالى تەلەفون ارقىلى سويلەسۋلەردىڭ ۇزاقتىعى تۋرالى انىقتامالار; پارادقا قاتىسقان وقۋشىلار، ستۋدەنتتەر مەن وقىتۋشىلاردىڭ ءتىزىمى; وسى ءىس بويىنشا جابىرلەنۋشىلەر بولىپ مويىندالعان زاڭدى تۇلعالاردىڭ قۇجاتتارى...

...92-93-تومداردى تۇگەل ايىپتاۋ قورىتىندىسى قۇراعان.

سوڭعى توم جاريالانىپ بولعان سوڭ پروكۋرورلار: قۇرمەتتى سۋديا، سەيداحمەتوۆ زاكاريانىڭ ارنايى قىزمەت جازىپ العان ءوزىنىڭ تەلەفون ارقىلى سويلەسۋلەرىنە قاتىستى كورسەتۋلەرىن وقىپ بەرۋىڭىزدى وتىنەمىز.

سۋديا: 2012 جىلدىڭ 20-اقپانىندا سەيداحمەتوۆ زاكاريا جاۋاپتاۋ ۇستىندە وعان بەرىلگەن تەلەفون ارقىلى سويلەسۋلەر جازباسىندا ءوز داۋىسىن تانىعاندىعىن راستاعان. سونداي-اق، سەيداحمەتوۆ 10-15-جەلتوقسان ارالىعىندا شابدال وتكەلوۆتىڭ كوتەرىلىسكە شاقىرعانىن ءوزىنىڭ ەستىگەندىگىن راستاعان (ودان ءارى سۋديا ىشىندە سەرىك ساپارعالي, جەرگىلىكتى ءماسليحاتتار سايلاۋى جونىندە اڭگىمەلەر بار سەيداحمەتوۆتىڭ كورسەتۋلەرىن ۇزاق وقىعان...).

پروكۋرورلار: كۋا جولامانوۆا ماقتاگۇل سوتقا كەلە الماعاندىقتان ونىڭ دا كورسەتۋلەرىن وقىپ بەرۋىڭىزدى وتىنەمىز.

سۋديا: كۋا جولامانوۆا، كۋا ەرلان نۇرجانوۆتىڭ اناسى، مەلس سارىباەۆتىڭ اناسىنىڭ: «ەگەر ەرلان مەلسكە قارسى كورسەتەتىن بولسا ويتەم، بۇيتەم»، - دەپ قورقىتقاندىعىن ايتقان.

سوتتالۋشى سارىباەۆ: قۇرمەتتى سۋديا، ەرلاننىڭ اناسىن سوتقا شاقىرۋدى وتىنەمىن.

سۋديا: جاقسى.

ادۆوكات الىبيەۆ: قۇرمەتتى سۋديا، «گەفەست» جشس-نىڭ («اتلانت» دۇكەنى) وكىلى تاپسىرىپ، ىسكە قوسىلعان قۇجاتتارمەن تانىستىرۋدى وتىنەمىن.

سۋديا: جاقسى.

ادۆوكات سانسىزبايۇلى: قۇرمەتتى سۋديا، سەگىز كۋا (فاميليالارىن اتاعان) بەرگەن كورسەتۋلەردى زاڭسىز دەپ مويىنداپ، ولاردى دالەلدەر قۇرامىنان شىعارىپ تاستاۋدى وتىنەمىن، ويتكەنى ول كۋالار مەنىڭ قوعاۋىمداعى قوسبارماقوۆ پەن نەپەستىڭ ءىس-ارەكەتتەرىن الدىمەن فوتو مەن بەينەجازبادان كورىپ الىپ، تەك سودان كەيىن عانا تەرگەۋشىلەر تاراپىنان سۇرالعان.

ادۆوكات الىبيەۆ: قۇرمەتتى سۋديا، «ورازباەۆ الماز» لاقاپ اتتى كۋاعا قاتىستى، قازىر اشىلعان كونۆەرت ىشىندەگى ماتەريالدارمەن تۇگەل ءبىزدى تانىستىرۋدى وتىنەمىن.

سۋديا: «جاقسى»،  - دەپ، ءۇزىلىس جاريالاعان.

تۇستەن كەيىن

سۋديا: قازىر ءبىز وتكەن جۇمادا قاراي الماعان ەكى ديسكىنى قارايمىز.

ك+ تەلەارناسىنىڭ جۋرناليستەرى 2011 جىلدىڭ 16-جەلتوقسان كۇنى الاڭدا تۇسىرگەن بەينەتاسپانى جانە جارالىلاردى جاڭاوزەننەن اقتاۋعا تاسىمالداۋ مەن ولاردى اۋرۋحانادا قابىلداپ الۋ ساتتەرىن كورسەتكەن.

كورۋ كەزىندە سوتتالۋشىلار: قۇرمەتتى سۋديا، مۇنىڭ ءبارىن ءبىز كوردىك قوي.

سۋديا: بۇرىن ءبىز قىسقاراتىلعان تۇرىندە كوردىك، قازىر تولىق نۇسقاسىن كورەمىز.

سۋديا (كورىپ بولعان سوڭ): ادۆوكات الىبيەۆ، ءسىز «گەفەست» جشس-نىڭ قۇجاتتارىمەن تانىستىڭىز با؟

الىبيەۆ: يا، بىراق بۇلىنگەن، ۇرلانعان تاۋاردىڭ تولىق ءتىزىمىن تابا المادىم. جانە، «گەفەست» جشس-نىڭ وكىلى «اتلانت» دۇكەنىنىڭ باقىلاۋ كامەراسى تۇسىرگەننىڭ ءبارىن قۇقىققورعاۋ ورگاندارىنا بەردىك دەگەن، الايدا بىزگە كورسەتىلگەن بەينەتاسپالار اراسىندا ولار جوق.

سۋديا: ىستە ولار جوق.

ودان سوڭ سۋديا كۋا جايلىحانوۆتىڭ («ورازباەۆ الماز» لاقاپ اتتى كۋا) كونۆەرتكە سالىنعان ارىزىن وقىعان. وندا ول ءوزىنىڭ جەكە قاۋىپسىزدىگى ءۇشىن الاڭداعاندىقتان وزىنە قر قپك-ءنىڭ 100-بابىن قولدانۋدى وتىنگەن.

سۋديا: جايلىحانوۆتىڭ قولى بار، بىراق مەرزىمى كورسەتىلمەگەن.

ودان ءارى ادۆوكاتتار سارسەمبينا، باتيەۆا، جۋاسپاەۆا سوتتالۋشىلار جارىلعاسىنوۆ، ەرعازەۆ، اسپەنتاەۆ، جۇماعاليەۆ جانە باسقالاردىڭ قوسىمشا قۇجاتتارىن - وتباسى قۇرامى، دارىگەرلىك انىقتامالاردى ىسكە قوسۋ جونىندە تالاپ-تىلەك جاساعان. ونىڭ ىشىندە اسپەنتاەۆتىڭ جۇبايى كۇيەۋىنىڭ تۇتقىندالۋىنان سوڭ باستان وتكەرگەن زوبالاڭدار سالدارىنان تۇسىك تاستاعاندىعى تۋرالى انىقتاما جانە 16-جەلتوقسانعا دەيىن قالالىق ءماسليحات دەپۋتاتتىعىنا تىركەلگەن كانديدات بولعان جۇماعاليەۆ مۇراتبايدىڭ سەنىمدى وكىلىن تىركەۋ جونىندەگى كۋالىك تە بولعان.

پروتسەسس تاراپتارى قارسى بولماعاندىقتان سۋديا ول تالاپ-تىلەكتەردى قاناعاتتاندىرعان.

ادۆوكات سارسەمبينا جابىرلەنۋشى پوليتسەيلەردى سۇراۋ بارىسىندا تەرگەۋشى ىسمايلوۆ جۇزەگە اسىرعان تەرگۋشىلىك ءىس-ارەكەتتەردى جارامسىز دەپ مويىنداۋ تۋرالى تالاپ-تىلەك جاساعان. مۇنى ول تەرگەۋشىنىڭ ءتيىستى پروتسەدۋرالاردى بۇزعاندىعىمەن نەگىزدەگەن، اتاپ ايتقاندا: جابىرلەنۋشىلەردىڭ ءوز ەركىمەن كورسەتۋلەر جاساۋ نيەتىن ناقتىلاماعان; ولارعا قۇقىقتارىن تۇسىندىرمەگەن; پروكۋراتۋراداعى بەينەتۇسىرۋلەردەن سوڭ ولاي ىستەۋگە قۇقىعى بولماسا دا، ولاردان: «سۇراقتار بار ما؟» - دەپ سۇراعان; جالعان كورسەتۋلەر بەرگەنى ءۇشىن قىلمىستىق جاۋاپكەرشىلىككە تارتىلاتىندىعى جونىندە ەسكەرتپەگەن; بەينەتۇسىرۋ جۇرگىزگەن وپەراتوردى تانىستىرماعان; بەينەتۇسىرۋ كەزىندە دىبىستىڭ ساپاسىن قامتاماسىز ەتپەگەن; حاتتامالار ءماتىنىن داۋىستاپ وقىماي، جابىرلەنۋشىلەر مەن كۋالارعا (پونياتويلارعا) بىردەن قول قويۋعا بەرگەن جانە ت.ب.

سونداي-اق، تەرگەۋشى بەكتەمىسوۆتىڭ ءىس ماتەريالدارىنا (1-توم، 1-بەت) اۆتوقالاممەن تۇزەتۋ ەنگىزىپ، 2 تسيفرىن 3-كە (قر قك-ءنىڭ باپتارى) اۋىستىرعاندىعىن ايتىپ، سارسەمبينا وسىعان بايلانىستى ءوز قورعاۋىنداعىلارعا تاعىلعان كىنالاردىڭ كۇشىن جويۋ جونىندە تالاپ-تىلەك جاساعان.

سۋديا تاراپتاردىڭ پىكىرىن سۇراعان..

ادۆوكات باتيەۆا: مەن ادۆوكات سارسەمبينانىڭ تالاپ-تىلەگىن قاناعاتتاندىرۋعا قارسىمىن، ويتكەنى جوعارىدا اتالعان تەرگەۋشىلىك شارالار بارىسىندا جازىلىپ الىنعان ءۇش جابىرلەنۋشىنىڭ كورسەتۋلەرى مەنىڭ قورعاۋىمداعى تەلەگەنوۆتىڭ پايداسىنا بەرىلگەن. تەرگەۋشى ىسمايلوۆقا قاتىستى جەكە ۇيعارىممەن شەكتەلۋدى سۇرايمىن.

سوتتالۋشىلار: ءبىز سارسەمبينانى قولدايمىز، باتيەۆانى قولدامايمىز.

پروكۋرورلار: ءبىز ادۆوكات باتيەۆانىڭ ۇسىنىسىن قولدايمىز. ىسكە ەنگىزىلگەن تۇزەتۋگە قاتىستى ايتارىمىز - قۇقىقتىق ستاتيستيكا مەن ارنايى ەسەپ جونىندەگى كوميتەتكە بۇل ءىس تۇزەتۋلەرسىز جونەلتىلگەن بولاتىن.

سۋديا: «ەكى تالاپ-تىلەكتى دە اشىق قالدىرامىن» - دەپ، 10-مامىر، ساعات 10:00-گە دەيىن ءۇزىلىس جاريالاعان.

جاسارال قۋانىشالين،

حالىقارالىق «جاڭاوزەن-2011» كوميتەتىنىڭ

اقپاراتتىق توپ جەتەكشىسى.

الماتى قالاسى،

2012 جىلدىڭ 07-مامىرى

«اباي-اقپارات»