تاڭىردەن تىلەك
جاراتقانعا جالبارىنۋ نەمەسە تاڭىردەن تىلەك
تاقىر جەردە تايعاق بار، ۋا ءتاڭىرىم، سودان ساقتاي گور،
باتۋ جەردە پالە بار، اۋليەلەر، سودان ساقتاي گور،
شۇڭقىر جەردە شايتان بار، انبيەلەر، سودان ساقتاي گور،
بۇلتتىڭ الاسىنان، ادامنىڭ جالاسىنان، ءتۇرلى-ءتۇرلى
كوزگە كورىنەر-كورىنبەس مىڭ دا ءبىر پالەسىنەن
ۋا، جاراتقان يەم، بارشامىزدى ءوزىڭ قامقورلىعىنا الا گور.
تۇنەرىپ اتقان تاڭىڭنان ساقتا،
جاڭبىرسىز وتەر جازىڭنان ساقتا،
تامۇقتا جانعان وتتان ساقتا،
قاڭعىپ جۇرگەن وقتان ساقتا،
ءزىل-زالا مەن وتتان ساقتا،
دالاقتاعان داۋدان ساقتا،
جالاقتاعان جاۋدان ساقتا،
تاتىمسىز-ءدامسىز تۇزىڭنان ساقتا،
كورگەنسىز وسكەن قىزىڭنان ساقتا،
كوزىڭە كۇلگەن سۇمنان ساقتا،
اڭدىپ جۇرگەن جىننان ساقتا،
باس كەتىرەر جالادان ساقتا،
جالعاسىپ كەلەر پالەدەن ساقتا،
جاقسىلىعى ءوز باسىنان اسپايتىن جاماننان ساقتا،
اقيقاتتىڭ اق جولىنان اۋىتقىپ
جانىنا بۇرا تارتقان ناداننان ساقتا،
توتەنشە ناۋبەتتەن ساقتا،
مىندەتشىل جەكجاتتان ساقتا،
قاراجۇرەك ەسەردەن ساقتا،
ناندى تەپكەن كەسىردەن ساقتا،
اشىققان ۇرىدان ساقتا،
قۇلقىنى قۇرىدان ساقتا،
اۋىزى قاندى بورىدەن ساقتا،
سۇراپىل داۋىلدىڭ كارىنەن ساقتا،
جىلاننىڭ ۋلى زارىنەن ساقتا،
جاراتقانعا جالبارىنۋ نەمەسە تاڭىردەن تىلەك
تاقىر جەردە تايعاق بار، ۋا ءتاڭىرىم، سودان ساقتاي گور،
باتۋ جەردە پالە بار، اۋليەلەر، سودان ساقتاي گور،
شۇڭقىر جەردە شايتان بار، انبيەلەر، سودان ساقتاي گور،
بۇلتتىڭ الاسىنان، ادامنىڭ جالاسىنان، ءتۇرلى-ءتۇرلى
كوزگە كورىنەر-كورىنبەس مىڭ دا ءبىر پالەسىنەن
ۋا، جاراتقان يەم، بارشامىزدى ءوزىڭ قامقورلىعىنا الا گور.
تۇنەرىپ اتقان تاڭىڭنان ساقتا،
جاڭبىرسىز وتەر جازىڭنان ساقتا،
تامۇقتا جانعان وتتان ساقتا،
قاڭعىپ جۇرگەن وقتان ساقتا،
ءزىل-زالا مەن وتتان ساقتا،
دالاقتاعان داۋدان ساقتا،
جالاقتاعان جاۋدان ساقتا،
تاتىمسىز-ءدامسىز تۇزىڭنان ساقتا،
كورگەنسىز وسكەن قىزىڭنان ساقتا،
كوزىڭە كۇلگەن سۇمنان ساقتا،
اڭدىپ جۇرگەن جىننان ساقتا،
باس كەتىرەر جالادان ساقتا،
جالعاسىپ كەلەر پالەدەن ساقتا،
جاقسىلىعى ءوز باسىنان اسپايتىن جاماننان ساقتا،
اقيقاتتىڭ اق جولىنان اۋىتقىپ
جانىنا بۇرا تارتقان ناداننان ساقتا،
توتەنشە ناۋبەتتەن ساقتا،
مىندەتشىل جەكجاتتان ساقتا،
قاراجۇرەك ەسەردەن ساقتا،
ناندى تەپكەن كەسىردەن ساقتا،
اشىققان ۇرىدان ساقتا،
قۇلقىنى قۇرىدان ساقتا،
اۋىزى قاندى بورىدەن ساقتا،
سۇراپىل داۋىلدىڭ كارىنەن ساقتا،
جىلاننىڭ ۋلى زارىنەن ساقتا،
جاعىمپاز-جانتىق شالدان ساقتا،
قايىرى جوق مالدان ساقتا،
ساناسىز وسكەن ۇلىڭنان ساقتا،
ۇياتى كەتكەن قىزىڭنان ساقتا،
وتپەيتىن پىشاق، شابان اتىڭنان ساقتا،
كوكدولى شايپاۋ قاتىننان ساقتا،
ەسىكتەن كىرىپ، تورگە ۇمتىلعان كەلىمسەك جاتىڭنان ساقتا،
كەۋدەسىن كەرگەن كەلىننەن ساقتا،
مەزگىلسىز كەلەر ولىمنەن ساقتا،
اعايىننىڭ الاسىنان ساقتا،
ۇلكەننىڭ نالاسىنان ساقتا،
جاماننىڭ جالاسىن ساقتا،
دۇشپاننىڭ تاباسىنان ساقتا،
ىنتىماقسىز - الاۋىز قىرقىستان ساقتا،
«ارى تارت» تا، «بەرى تارت» - جۇلقىستان ساقتا،
ءبىرىن-ءبىرى اڭدىعان ەلدەن ساقتا،
نامىسى جوق ماڭگىرگەن ەزدەن ساقتا،
پالە مەن باتەردەن ساقتا،
قاۋىپ پەن قاتەردەن ساقتا،
كەزەنگەننىڭ كەزىنەن ساقتا،
كوز-وقتىنىڭ كوزىنەن ساقتا،
ەڭسەسى كەتكەن ەسەردەن ساقتا،
ەسەلەپ كەلەر كەسەلىڭنەن ساقتا،
ەل ىشىنەن جاۋ شىققاننان ساقتا،
ەتەك استىنان داۋ شىققاننان ساقتا،
كۇلە كىرىپ كۇڭىرەنە شىققاننان ساقتا،
تىرناعىن ىشىنە بۇككەننەن ساقتا،
ءتۇن ءجۇرىپ ءتۇسى قاشقاننان ساقتا،
اي ءجۇرىپ ارىپ-اشقاننان ساقتا،
مەيىرىمسىزدىڭ مەكەرىنەن ساقتا،
قايىرىمسىزدىڭ قاھارىنان ساقتا،
جىن-شايتاننىڭ شارىنەن ساقتا،
قانىشەر پاتشانىڭ كارىنەن ساقتا،
قويدان جۋاس قازاعىمدى ۇلاڭعايىر دالاسىمەن ساقتا،
حالقىمدى داناسىمەن ساقتا،
سابيلەردى اناسىمەن ساقتا،
ازاماتتى ساناسىمەن ساقتا،
ۇلكەنىندە ءپاتۋا جوق، جاستارىندا ادەپ-يبا جوق،
قۇر ايعاي-شۋىلدان ساقتا،
الدىمىزدان قۇت-بەرەكە اشىلسىن،
جەر يەسى قىدىر بابام بار پالەنى قاشىرسىن،
التى الاشتىڭ - قازاعىمنىڭ بىرلىگى ارتىپ،
دۇشپاننىڭ كوڭىلى قارا جەردەي باسىلسىن
يللاھي ءامين!
ەل اۋزىنداعى جالبارىنۋ تىلەكتەرىن جيناقتاپ، جۇيەلەپ حاتقا تۇسىرگەن ءسوز مۇرالارىن جيناقتاۋشى شەجىرەشى، «ماڭعىستاۋ اۋدانىنىڭ قۇرمەتتى ازاماتى»، زەينەتكەر
جەتىباي جىلقىشىۇلى تىلەۋنياز
ماڭعىستاۋ وبلىسى،
ماڭعىستاۋ اۋدانى،
شەتپە كەنتى
"اباي-اقپارات"
