ەستىگەن قۇلاققا ۇيات، ەكىباستۇز قالالىق مۋزىكا مەكتەبى بەسقاباتتى تۇرعىن ۇيلەردىڭ بىرىندە ورنالاسقان. ەكى پودەزىندە تۇرعىندار تۇرسا، سوڭعى پودەزى 1951 جىلى مۋزىكا مەكتەبىنە بەرىلەدى. جىلدار وتە مۋزىكا سىنىپتارى كوبەيىپ، ونەر ورداسى گلينكا ەسىمىن يەمدەنەدى. مۇندا رەسپۋبليكالىق دەڭگەيدەگى كونكۋرستارعا قاتىسۋعا جاعداي جاسالماسا دا، مۋزىكانى جانىنا سەرىك ەتكەن ەكىباستۇزدىقتار اتالمىش بايگەلەردەن قۇر الاقان قالعان ەمەس.

ەستىگەن قۇلاققا ۇيات، ەكىباستۇز قالالىق مۋزىكا مەكتەبى بەسقاباتتى تۇرعىن ۇيلەردىڭ بىرىندە ورنالاسقان. ەكى پودەزىندە تۇرعىندار تۇرسا، سوڭعى پودەزى 1951 جىلى مۋزىكا مەكتەبىنە بەرىلەدى. جىلدار وتە مۋزىكا سىنىپتارى كوبەيىپ، ونەر ورداسى گلينكا ەسىمىن يەمدەنەدى. مۇندا رەسپۋبليكالىق دەڭگەيدەگى كونكۋرستارعا قاتىسۋعا جاعداي جاسالماسا دا، مۋزىكانى جانىنا سەرىك ەتكەن ەكىباستۇزدىقتار اتالمىش بايگەلەردەن قۇر الاقان قالعان ەمەس.

حالىق ارقاشاندا ونەرگە جاقىن. رەسپۋبليكا بويىنشا بي ونەرىنەن قاراعاندىلىقتار الدىنا جان سالماسا، ەكىنشى ورىن ىلعي ەكىباستۇزدىقتاردىكى. ەكىباستۇز سەكىلدى وڭتۇستىك قازاقستاننىڭ جەتىساي، جەزقازعاننىڭ ساتپاەۆ سەكىلدى شاعىن قالالارىندا مۋزىكا مەكتەبى تۇرماق، دراما تەاترى بار. ءساتىن سالسا، بيىل قالامىزدا ۇزاق جىلدار بويى «انە اشىلادى، مىنە اشىلادى» دەگەن مۋزىكا مەكتەبى اشىلماق. بۇل جايىندا رەسپۋبليكالىق تەلەارنالار اقپارات تاراتتى دا. ەكىباستۇزدا مۋزىكا مەكتەبىن سالۋ سان مارتە قولعا الىنىپ، تۇرالاپ كەلدى. 2004 جىلى قالا اكىمى ۆ.نابيتوۆسكيدىڭ باسشىلىعىمەن ءماشھۇر ءجۇسىپ ورتالىق كوشەسىنەن مۋزىكا مەكتەبىن سالۋ جوسپارلانىپ، ونىڭ قۇرىلىسى باستالدى دا، اياقتالماي قالدى. بۇل قۇرىلىس ءالى كۇنگە دەيىن قالا ءسانىن كەتىرىپ تۇرعان جايى بار. رەسپۋبليكالىق بيۋدجەتتەن قاراجات بولىنگەن مۋزىكا مەكتەبىنىڭ قۇرىلىسىن بۇگىنگى قالا باسشىسى باسقا جەردەن سالىپ جاتىر. ۇكىمەتتىڭ قاداعالاۋىمەن قۇرىلىسى جۇرگىزىلىپ جاتقان جاڭا تيپتىك مەكتەپ ەكىباستۇزدا جوق باسقا ونەر وردالارىنىڭ ورنىن ون وراپ الادى دەگەن ۇمىتتەمىز. قۇرىلىس تاۋەلسىزدىك مەرەكەسىنىڭ قارساڭىندا تاپسىرىلادى دەپ جوسپارلانعان. «ەلۋ جىلدا - ەل جاڭا» دەمەكشى، جاعىمدى جاڭالىقتى ەل تاۋەلسىزدىگىنىڭ مىزعىماستىعىنىڭ ايشىقتى بەلگىسى رەتىندە قابىلداپ، ەلۋ جىل بۇرىن بەرىلگەن ەسىمىن وزگەرتكەن ءجون. جاڭا مۋزىكا مەكتەبى قازاق حالقىن قورلانىمەن سۇيسىندىرگەن ەستايدىڭ ەسىمىمەن اتالۋى ءتيىس دەپ بىلەمىز!

پەريزات ءامىر،

ەكىباستۇز قالاسى

"اباي-اقپارات"