سوڭعى كەزدەرى «حابار» ارناسىندا ارمان دۇيسەنوۆ، مۇقاسان شاحزاداەۆ، نۇرجان تولەنديەۆ باستاپ، ءازىل-سىقاققا قۇرىلعان باعدارلاما جۇرگىزىپ ءجۇر. اتالمىش باعدارلامانىڭ تۇساۋىن كەسكەنىنە دە كوپ بولعان جوق. ماسەلە، ول باعدارلامانىڭ جارىققا شىققاندىعى ەمەس، ءبىزدى مازالايتىنى كەيبىر ازاماتتاردىڭ بىرەسە انا باعدارلامادا، بىرەسە مىنا باعدارلامادا جىلتىڭداپ، ءجيى كورىنەتىنى.
ۇمىتپاساق، وسىدان ءبىر-ەكى جىل بۇرىن «قىز زورلادى» دەگەن اتپەن نۇرجان تولەنديەۆتىڭ اتى داۋعا ىلىككەن ەدى. ءتىپتى، كەيبىر اقپارات كوزدەرىندە ونى ىشكى ىستەر قىزمەتكەرلەرىنىڭ وقيعا بولعان كۇنى ۇستاپ العاندىعى تۋرالى دا جازىلدى. ارينە، «جەل تۇرماسا، ءشوپتىڭ باسى قيمىلدامايتىنى» بەلگىلى. كەيىنىرەك، ول جىگىت ءوز اتىن اراشالاپ الۋ ءۇشىن، بۇل ءسوزدىڭ ءبارىنىڭ داقپىرت ەكەنىن ايتىپ اقتالعان ەدى. قالاي دەسەك تە، سول وقيعادا نۇرجاننىڭ ءبىر شيكىلىگى بولعان سياقتى. ول داۋدان باسىن قالاي اقتاپ الدى، ماسەلە وندا ەمەس.

سوڭعى كەزدەرى «حابار» ارناسىندا ارمان دۇيسەنوۆ، مۇقاسان شاحزاداەۆ، نۇرجان تولەنديەۆ باستاپ، ءازىل-سىقاققا قۇرىلعان باعدارلاما جۇرگىزىپ ءجۇر. اتالمىش باعدارلامانىڭ تۇساۋىن كەسكەنىنە دە كوپ بولعان جوق. ماسەلە، ول باعدارلامانىڭ جارىققا شىققاندىعى ەمەس، ءبىزدى مازالايتىنى كەيبىر ازاماتتاردىڭ بىرەسە انا باعدارلامادا، بىرەسە مىنا باعدارلامادا جىلتىڭداپ، ءجيى كورىنەتىنى.
ۇمىتپاساق، وسىدان ءبىر-ەكى جىل بۇرىن «قىز زورلادى» دەگەن اتپەن نۇرجان تولەنديەۆتىڭ اتى داۋعا ىلىككەن ەدى. ءتىپتى، كەيبىر اقپارات كوزدەرىندە ونى ىشكى ىستەر قىزمەتكەرلەرىنىڭ وقيعا بولعان كۇنى ۇستاپ العاندىعى تۋرالى دا جازىلدى. ارينە، «جەل تۇرماسا، ءشوپتىڭ باسى قيمىلدامايتىنى» بەلگىلى. كەيىنىرەك، ول جىگىت ءوز اتىن اراشالاپ الۋ ءۇشىن، بۇل ءسوزدىڭ ءبارىنىڭ داقپىرت ەكەنىن ايتىپ اقتالعان ەدى. قالاي دەسەك تە، سول وقيعادا نۇرجاننىڭ ءبىر شيكىلىگى بولعان سياقتى. ول داۋدان باسىن قالاي اقتاپ الدى، ماسەلە وندا ەمەس.
ءتىپتى، ءبىز ءوزىمىز ازعىنداعان، ۇياتسىزدىق بەل العان دەپ ايىپتايتىن باتىس ەلدەرىنىڭ وزىندە اتى مۇنداي داۋعا ىلىگىپ، مورالدىق تۇرعىدان ايىپتالعان ادامداردىڭ ەل الدىندا، جۇرت الدىندا پىكىر ايتۋىنا جول بەرىلمەيدى ەكەن. ءوزىن سىيلايتىن، مادەنيەتتى ادامدار وندايلارمەن بىرگە ونەر كورسەتۋ بىلاي تۇرسىن، قول بەرىپ امانداسپايتىن دا كورىنەدى. ال بىزدە قالاي؟ مۇلدەم كەرىسىنشە، كەيبىرەۋلەردىڭ اتى داۋعا ىلىگىپ، ماسقاراسى شىعىپ جاتسا دا، تۇك بولماعانداي، ەلدىڭ الدىندا، كوپشىلىككە ارناپ، مورال سوعىپ وتىرعاندارى... جارايدى، تالانتتى ازامات دەلىك، بىراق ارتىنان ورەسكەل ءسوز ەرگەندەردى دە «سۇتتەن اق، سۋدان تازا» سەكىلدى كەيىپ كورسەتىپ، وتىرىك ۇيالعانسي قالامىز. وسى ارقىلى جاس ۇرپاقتاردى دا وتىرىككە، ەكىجۇزدىلىككە باۋلىپ جۇرگەن جوقپىز با؟ ولاردى دا «قولىڭنان كەلسە، قونىشىڭنان باس» دەگەن ەڭ ماسقارا مورالعا تاربيەلەپ جۇرگەن سياقتىمىز...

قانات قاھار
الماتى وبلىسى

«تۇركىستان» گازەتى