سەنبى, 31 شىلدە 2021
2017 4 پىكىر 16 ماۋسىم, 2021 ساعات 12:36

مۇمكىندىگى شەكتەۋلى جاندار تالابى: «مينيستر كەتسىن!»

قازاقستانداعى مۇگەدەكتىگى بار ازاماتتاردىڭ 70 پايىزىندا باسپانا جوق. جىلداپ كەزەكتە تۇراتىنداردىڭ ىشىندە ءومىرىنىڭ سوڭىنا دەيىن باسپانا الماي كەتەتىندەر دە بار ەكەن، - دەپ جازادى arasha.kz. 

ۇكىمەت بۇل توپتاعى ازاماتتارعا مەملەكەتتىك باعدارلاماعا قاتىسۋعا مۇمكىندىك بەرگەن. الايدا 30-40 مىڭ جاردەماقىعا قاراپ وتىرعان مۇمكىندىگى شەكتەۋلى ادامداردىڭ يپوتەكالىق نەسيە راسىمدەۋگە قاراجاتى جەتپەيدى. «قازاقستاندا قۇقىعىمىز ابدەن تاپتالىپ ءبىتتى» دەگەن توپ ەندى ۇكىمەتكە وزدەرىنىڭ قۇقىقتارىن قورعايتىن ومبۋدسمەن تاعايىنداۋ كەرەك دەگەن تالاپ قويدى. بۇل تۋرالى ينفورمبيۋرو جاڭالىقتار باعدارلاماسى.

ء“بىز باسپانا ماسەلەسىن تۇرعىن ءۇي تولەمى ارقىلى شەشۋدى ۇسىنىپ وتىرمىز. دامىعان ەلدەر مۇقتاج ازاماتتارعا تەك ءۇي بەرىپ ەمەس، تولەم ارقىلى دا كومەكتەسەدى. ال بىزدە مۇنداي اقشا پوليتسەيلەر مەن اسكەريلەرگە بەرىلەدى”، – دەدى بەلسەندى بولاتبەك ءبىلالوۆ.

“وتباسىندا اۋرۋ بالاسىنا قاراپ وتىرعان اناسى، اجەسى، اعاسىنا تەك قانا جاردەماقى ەمەس، ودان بولەك جۇمىس ءوتىلىن زاڭ جۇزىندە ەنگىزۋىڭىزدى وتىنەمىن. ويتكەنى زەينەتكە شىققان كەزدە زەينەتاقى قاراستىرىلماعان”، – دەدى قۇقىق قورعاۋشى عازيزا امىربەك.

جينالعاندار مۇمكىندىگى شەكتەلگەندەردىڭ جىل سايىن اۋرۋحانا ارالاپ مۇگەدەكتىگىن دالەلدەۋىن دە توقتاتۋ كەرەك دەيدى. دەنساۋلىعى قايتىپ قالپىنا كەلمەيتىندەر ءۇشىن بۇل قاعازباستىلىقتىڭ ەش قاجەتى جوق. ال مۇگەدەكتىگى بارلاردىڭ ماسەلەسىن شەشپەك تۇگىلى كەزدەسۋگە دە شىقپايتىن مينيستر سەرىك شاپكەنوۆتى جۇمىستان بوساتۋ كەرەك دەگەن تالاپ ايتتى.

Abai.kz

4 پىكىر