جۇما, 2 جەلتوقسان 2022
ساڭلاق 2866 1 پىكىر 25 ماۋسىم, 2021 ساعات 17:53

شاۆكاتتىڭ جەكپە-جەگىن وتكىزىپ الماڭىز

قازاقستاندىق بوكسشى شاۆكات راحمونوۆ (13-0) 26 ماۋسىمدا UFC-دە ەكىنشى جەكپە-جەگىن وتكىزەدى. ونىڭ قارسىلاسى برازيليالىق ميشەل پرازەريس بولادى. جەكپە-جەك لاس-ۆەگاستا (اقش) UFC Fight Night 190 تۋرنيرىندە وتەدى.

تۋرنير نۇر-سۇلتان ۋاقىتىمەن 23.00-دە باستالادى. باستى جەكپە-جەك 27 ماۋسىمدا تۇنگى ساعات 2-گە جوسپارلانعان. راحمونوۆتىڭ جەكپە-جەگى تۇنگى 12.30-دان 1.30-عا دەيىن ءوتۋى مۇمكىن.

UFC Fight Night 190 كورسەتىلىمىن UFC Fight Pass اقىلى سەرۆيسىنەن جانە UFC تۆ رەسمي ارناسىنان كورۋگە بولادى (قازاقستاندا تەك tvcom-دا كورسەتىلەدى).

39 جاستاعى ميشەل پرازەريس UFC-دەگى سوڭعى جەكپە-جەگىن 2019 جىلى وتكىزگەن. سول كەزدە تورەشىلەردىڭ ءبىراۋىزدى شەشىمىمەن اۆستريادان كەلگەن برازيليالىق يسمايل ناۋرديەۆتەن جەڭىلىپ قالعان.

2019 جىلدىڭ ناۋرىزىندا پرازەريس امەريكالىق USADA دوپينگكە قارسى اگەنتتىگى تىيىم سالعان انابوليكالىق پرەپاراتتارعا ەكى رەت سىناما تاپسىرىپ وڭ ناتيجە كورسەتكەن. 2021 جىلدىڭ ناۋرىزىندا ميشەلدىڭ تىيىم سالىنعان مەرزىمى اياقتالدى.

راحمونوۆتىڭ قارسىلاسى 26 جەڭىسكە جەتكەن. سونداي-اق، ميشەلدىڭ اكتيۆىندە ءبىر نوكاۋت جانە تورەشىلەردىڭ شەشىمىمەن 14 جەڭىس بار. 11-ىندە قارسىلاسى بەرىلگەن.

شاۆكات راحمونوۆ بىلتىر قازاندا UFC 254 تۋرنيرىندە دەبيۋت جاساعان بولاتىن.

Abai.kz

1 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 1375
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 658
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 835