سەنبى كۇنى پرەزيەنت توقاەۆ ۇكىمەت جيىنىن ونلاين فورماتتا وتكىزىپ، مينيسترلەردىڭ جۇمىسىن سىنعا الدى. اۋىل شارۋاشىلىق ءمينيسترى ساپارحان وماروۆتى ورنىنان الىپ تاستادى. قۋاڭشىلىقتان مال قىرىلىپ، سورەلەردە ازىق-تۇلىك باعاسى شارىقتاپ كەتكەن ساتتە بۇل ورىندى شەشىم. "اۋىل شارۋاشىلىق مينيسترىنە كىم لايىقتى" دەگەن ساۋال ەل ىشىندە تالقىلانىپ جاتىر. بولات جۇگىنىسوۆ يسلام ءابىشتى مينيستر بولۋعا لايىقتى دەيدى. 

"يسلام ءابىش وتە مىقتى ادال باسشى بالعان ازامات. يسلام ابىشەۆ سۋ ماسەلەسىنىڭ مارشالى. ودان ارتىق ەشكىم بىلمەيدى. بۇل ماسەلەنىڭ كوپ جىلدار مايىن ىشكەن ادام. جەمقورلارمەن كۇرەسەمىن دەپ ءوزى بالەگە قالدى. سوتتالدى. اقتالىپ شىقتى. سول كىسىنى اۋىل شارۋشىلىعى ءمينيسترى ەتىپ، وعان سۋ شارۋاشىلىعىن دا قوسا بەرۋ كەرەك.قۇزىرىن سوعىس مينيسترىمەن تەڭ ەتۋ كەرەك.

يسلام ابىشەۆ ءوندىرىس قولباسشىسى بولىپ شىنىققان، ءوز سالاسىن جاقسى مەنگەرگەن ادام.وتىرىك اقپارات پەن جەمقورلىقتىڭ ءوازيسى (يرانباعى) بولعان ەلىمىزدىڭ سۋ شارۋاشىلىعىن 2014 جىلداردان باستاپ اجەپتاۋىر جونگە كەلتىرگەن وسى كىسى. سۋ ماسەلەسى مەن اۋىلشارۋاشىلىعىن جەتىك بىلەتىن قابىلەتتى باسشى تاپ قازىر وتە قاجەت.

سەبەبى: ازىق-تۇلىكتى جەمقورلار قىمباتتاتىپ جىبەردى. قازاق جەرىنىڭ 70 % ءشول مەن شولەيت. سۋ ماسەلەسى، مال ازىعىنىڭ جەتكىلىكسىزدىگى ەلىمىز ءۇشىن كۇردەلەنبەكشى. جامان ايتپاي جاقسى جوق، اشارشىلىقتىڭ جولىن كەسەتىن يسلام ابىشەۆ سياقتى ازامات ءدال قازىر كەرەك" دەپ جازىپتى.

اۋىل شارۋاشىلىق ءمينيسترىنىڭ ۋاقىتشا مىندەتىن ۆيتسە-مينيستر ەربول قاراشۇكەەۆ اتقارۋدا.

Abai.kz