قازاقستاندىق پوليتسەيلەر تۇڭعىش رەت مەملەكەتتىك تىلدەن بەينەەمتيحان تاپسىردى. بۇل تۋرالى قازاقستان رەسپۋبليكاسى ىشكى ىستەر مينيسترلىگىنىڭ ءباسپاسوز قىزمەتى حابارلادى.

قازاقستاندىق پوليتسەيلەر تۇڭعىش رەت مەملەكەتتىك تىلدەن بەينەەمتيحان تاپسىردى. بۇل تۋرالى قازاقستان رەسپۋبليكاسى ىشكى ىستەر مينيسترلىگىنىڭ ءباسپاسوز قىزمەتى حابارلادى.
- ىشكى ىستەر ورگانى سالاسىندا ءتىل ساياساتىن جۇزەگە اسىرۋعا ىشكى ىستەر مينيسترلىگى بارىنشا كوڭىل ءبولىپ كەلەدى. وسى باعىتتا اتقارىلعان ءىس-شارالاردىڭ ءبىرى مەملەكەتتىك ءتىلدى ءتيىمدى جانە ساپالى قولدانۋ ءۇشىن ىشكى ىستەر ورگاندارىنىڭ قىزمەت­كەرلەرىن جىل سايىن مەملەكەتتىك تىلگە ۇيرەتۋ بولىپ تابىلادى، - دەلىنگەن مينيسترلىكتىڭ ءباسپاسوز قىزمەتى تاراتقان حاباردا. بۇگىنگى كۇنى رەسپۋبليكا بويىنشا مەم­لەكەتتىك ءتىلدى وقۋعا ىقىلاسى ارت­قاندار كوبەيدى، قازىردىڭ وزىندە ولاردىڭ جالپى سانى 15 مىڭنان استام قىزمەتكەردى قۇراپ وتىر. وسىعان بايلانىستى وقىعان ساباقتى قورىتىندىلاۋ جانە مەملەكەتتىك ءتىلدى ءبىلۋ دەڭگەيىن انىقتاۋ ماق­ساتىندا اعىمداعى جىلعى 21-ما­مىرىنان باستاپ ىشكى ىستەر مي­نيسترلىگىندە اۋماقتىق ىشكى ىستەر ورگاندارىنىڭ قىزمەتكەرلەرىنەن ەڭ العاش رەت ناقتى ۋاقىت رەجيمىندە بەينەەمتيحان قابىلداندى. وسى ءىس-شارا بارىسىندا پوليتسيا قىز­مەتكەرلەرى بيلەت الىپ، ىشكى ىستەر مينيسترلىگىنىڭ باسشىلىعى تاراپىنان قويىلعان قوسىمشا سۇراقتارعا جاۋاپ بەردى، وزدەرىنىڭ قىزمەتىندە ءجيى قولدانىلاتىن تەرميندەردى جانە ءسوز تىركەستەرىن پايدالانا وتىرىپ، سويلەم، ديا­لوگتار قۇردى. اتالعان ءىس-شاراعا ىشكى ىستەر ءمينيسترىنىڭ ورىنباسارى، گەنەرال-مايور ا.كۇرەڭبەكوۆ قا­تىستى، ول بەينەەمتيحان قابىل­داۋ­داعى باستى ماقسات - پوليتسيا قىز­مەتكەرلەرىنىڭ مەملەكەتتىك ءتىلدى ۇيرەنۋگە ءارى ونى كۇندەلىكتى قىز­مەتىندە قولدانۋعا اسقان جاۋاپ­كەرشىلىكپەن قاراپ جانە تالاپ ەتۋ قاجەتتىلىگىن باسا ايتتى. سونىمەن قاتار ىشكى ىستەر ءمينيسترىنىڭ ورىن­باسارى، گەنەرال-مايور ا.كۇرەڭ­بە­كوۆ مەملەكەتتىك ءتىلدى كوركەيتۋگە قاتىس­تى مينيسترلىكتە جۇزەگە اسىپ جاتقان يگى ءىس-شارا الداعى ۋاقىتتا دا ءوز جال­عاسىن تاباتىنىن ايتتى.
بەرىك بەيسەنۇلى
«ايقىن» گازەتى