سالىق ورگانى «ازيا اۆتو» اق جانە «بيپەك اۆتو قازاقستان» اكتسيالار پاكەتىنىڭ يەسى اناتولي بالۋشكينگە ىزدەۋ جاريالادى.

باس پروكۋراتۋرا پورتالىنىڭ مالىمەتىنە سايكەس، بيزنەسمەن تەرگەۋدەن جاسىرىنىپ جۇرگەندەر تىزىمىندە تۇر.

بالۋشكيندى شىعىس قازاقستان وبلىسى مەملەكەتتىك كىرىستەر دەپارتامەنتى ىزدەستىرىپ جاتىر.

Forbes اقپاراتى بويىنشا 2020 جىلدىڭ جەلتوقسان ايىنا دەيىن 65 ميلليارد تەڭگە جيناقتاعان.

وتكەن جىلى قازاقستاننىڭ يندۋستريا جانە ينفراقۇرىلىمدىق دامۋ مينيسترلىگى بالۋشكين باسقارعان اۆتوموبيل كونتسەرنىمەن ىنتىماقتاستىقتى توقتاتقاندىقتان جانە كومپانيانىڭ 10 جىل ىشىندە العان پرەفەرەنتسيالارى مەن جەڭىلدىكتەرىن 405 ميلليون دوللار مولشەرىندە قايتارۋدى تالاپ ەتكەندىكتەن داعدارىسقا تاپ بولدى. يندۋستريا جانە ينفراقۇرىلىمدىق دامۋ مينيسترلىگى مالىمدەگەندەي، كومپانيا ءوندىرىستى جاڭعىرتۋ بويىنشا ءوز مىندەتتەمەلەرىن ورىنداماعان. سوت تالقىلاۋلارىنان كەيىن LADA جانە Kia شەتەلدىك سەرىكتەستەرى «ازيا اۆتو» كاسىپورنىندا ءوز اۆتوموبيلدەرىن قۇراستىرۋدى توقتاتتى. زاۋىتتىڭ 2 مىڭعا جۋىق قىزمەتكەرى جۇمىسسىز قالدى.

Abai.kz