ساقالدارى سالاڭداپ، دامبالدارى دالاڭداپ دۇعادا جۇرەتىندەردىڭ ارقاسىندا مەدالسىز قالدىق!

كەزىندە سپورتتى ءسالافيزم ءجايلاماي تۇرىپ، ۇلتتىق رۋح، نامىس قاندارىندا قايناپ تۇرعاندا سپورتشىلارىمىز جۇلدەمەن ورالعان ەدى.
سپورتقا “دۇعادا بولايىق” دەيتىندەر كىرگەلى، سپورتشىلار رۋحسىز بولىپ قالدى.

حالىقتىڭ ەمەس، اللانىڭ الدىندا جاۋاپ بەرەمىز جەڭىلسەك جەڭىلە بەرەيىك دەپ ويلايتىن شىعار!

“قاڭعىپ جۇرگەن وزبەكتەر” دەپ كورشىلەردى مەنسىنبەيتىن ەدىك، ساقالدىلاردى تۇبىمەن جويىپ، نامىسشىلدىق پەن وتانسۇيگىشتىكتىڭ ارقاسىندا وليمپيادا ويىندارىندا التىندار الىپ، بىزدەن وزىپ وتىر. الدىن بۇنداي بولعان ەمەس!
سپورت جايلى مۇرنىنا ءيسى بارمايتىن ادامدار، سپورت سالاسىن باسقارىپ وتىر. اۋىل ايماقتا نامىستى جاستار جوق ەمەس، بار. ولاردىڭ دارىنىن، نامىسىن وياتىپ جەتەلەيتىن چەمپيوندار مەن باپكەرلەردى باسشىلىق قىزمەتكە الىپ كەلمەيدى!

سەبەبى اكىمدەرگە سپورتتى دامىتاتىن ەمەس، سپورتتان پايدا كورەتىن ادامدار ىڭعايلى !

مىسالى رەتىندە، تۇركىستان وبلىسى سپورت باسقارماسىنىڭ بۇرىڭعى قىزمەتكەرلەرى سپورتشىلاردىڭ تاماعىنان، جارىستارعا ارنالعان قاراجاتتارىن جەگەن دەگەن ايىپپەن جاقىندا قاماۋعا الىندى!
تيىن تەبەن ەمەس، ميلليوندار جەلىنگەن…

شىمكەنتتە دە قالامىزدىڭ سپورت باسقارماسىن شەتەلدىڭ ازاماتىنا باسقارۋعا قۇزىرەت بەردى… شەتەل ازاماتى وتاندى سۇيەتىن رۋحتى سپورتشىلاردى تاربيەلەپ شىعارادى دەپ ويلادى مەكەن، سول ايتەنوۆ؟!
سپورت سالاسىندا وسىنداي ول قىلىقتاردى كورىپ جۇرىگەننەن كەيىن مەدال المايتىنىمىزدى سەزىپ ەدىم.

“دۇعادا بولايىق” دەيتىندەردى ەمەس، “وتانعا قىزمەت ەتەيىك” دەيتىن جاستاردى تاربيەلەيىك!

ايگۇل ورىنبەك

Abai.kz