ء"بىزدىڭ قۇراما مەدال سانىمەن تمد ەلدەرىنىڭ ىشىندەگى رەسەي مەن ۋكراينادان كەيىنگى ءۇشىنشى ورىن الدىق..." دەپتى دەيدى ۇوك-ءنىڭ جاۋاپتى باسشىلارىنىڭ ءبىرى.

ۇيالعان تەك تۇرماس دەپ، امالىن تاۋىپ ماقتانعان تۇرلەرى بولسا كەرەك. شىنتۋايتىنا كەلگەندە بىزدەر تمد ەلدەرىنىڭ اراسىندا 13-ءشى ورىندا تۇرمىز. بىزدەن كەيىن تەك قانا مولداۆا مەن تاجىكستان عانا. مەدالداردىڭ سانى بويىنشا دا 3-ءشى ورىندا گرۋزيا تۇر!

ال، وليمپياداداعى ەڭ سوڭعى ورىنداردىڭ بىرىندە قالۋىمىزدىڭ سەبەبى جايلى ازىرگە اۋىزدارىن دا اشقان جوق. ارتاەۆ پەن ساپيەۆ سەكىلدى بۇرىنعى سپورتشىلار عانا ونى-مۇنى ۇسىنىپ، ۇوك-ءنىڭ بولاشاققا دەگەن ءجوسپارلارىنىڭ(الى بەكىتىلمەگەن) شەتىن اشقانداي بولىپ جاتىر.
بىراق، بۇل سەبەپتى انىقتاۋ ەمەس - سەبەبىنەن جالتارۋ سەكىلدى.

قىتاي ۇوك وزدەرىنىڭ وليمپياداداعى ءساتسىز ونەر كورسەتىپ، اقش-تان كەيىنگى ەكىنشى ورىن الىپ قالعاندارىنىڭ سەبەبىن "بىزدەر ءوزىمىزدىڭ سپورتتىق مەديتسينا سالاسىنا عىلىمي پروگرەستى ۋاقتىلى ەنگىزبەۋىمىزدەن جانە سپورتشىلارعا جاتتىعۋلاردا قولدانۋدىڭ يننوۆاتسيالىق ادىستەرىن ءسال كەش ەنگىزۋدەن، ادىستەمەنىڭ جەتىلمەگەندىگىنەن جانە ت.ب...." سەبەپتەردىڭ سالدارىنان ۇتىلىپ قالدىق دەگەن مالىمدەمە جاساپتى. ياعني، ولار وليمپيادا ءوتىپ جاتقان كەزدە وزدەرىنىڭ كەمشىل تۇستارىن زەرتتەۋدى قاتار جۇرگىزىپ وتىرعان. سوندىقتان، وزدەرىنىڭ ەكىنشى ورىن الىپ قالۋلارىنىڭ سەبەبىن قىسقا ۋاقىتتا مالىمدەپ وتىر. سونداعىسى اقش-تان ءبىر عانا التىن كەم ءتۇسىپ وتىر.
قىتاي وسىلاي وزدەرىنىڭ كەمشىلىگىن اشىق جاريالاپ وتىرعاندا، بىزدىڭكىلەر ەبىن تاۋىپ قازاقستاندى ايتەۋىر ءبىر ءتىزىمنىڭ "ۇشتىگىنە كىرگىزىپ" قويىپ ءوز-وزدەرىمىزدى الداۋمەن اينالىسىپ وتىرعانى وتە كۇلكىلى.

وسى جاۋاپتارىن ەستىگەندە مىنا ءبىر انەكدوت ەسىمە ءتۇسىپ كەتتىعوي.
ىلگەرىدە ماقتانعىش بىرەۋ قۇشاعىن بارىنشا اشىپ تۇرىپ "وسىنداي قىرىق قۇلاش بالىق ۇستاپ الدىم" دەسە، اۋىلىنداعىلار كۇلىپ سەنبەستەن ء"سال قىسقارساي" دەپتى. سويتسە الگى ساباز "ماقۇل! بىراق، بالىقتىڭ اۋىزى مىنانداي ەدى" دەپ، قۇشاعىن تاعىدا ايقارا اشىپ كورسەتىپ تۇر دەيدى. سودان، اۋىلداستارى ء"اي! مىناۋ قويمايدى ەكەن. ەكى قولىن بىرىكتىرىپ بايلاپ تاستايىقشى. كورەيىك سوسىن قالاي كورسەتەر ەكەن وتىرىگىن" دەپ ەكى قولىن الدىعا بايلاپ قويسا، الگى ساباز بايلانعان قولدارىمەن فوتوداعىداي ەتىپ كورسەتىپ الىپ "سول بالىقتىڭ كوزدەرى مىنانداي ەدى!" دەپ تۇر دەيدى.

رۇستەم اشەتاەۆ

Abai.kz