بەيسەنبى, 28 ناۋرىز 2024
بۇ نە مازاق؟ 13761 44 پىكىر 12 تامىز, 2021 ساعات 13:47

اقورداعا قىسىم: رەسەي نەگە اشۋلى؟..

رەسەيدىڭ مەملەكەتتىك دۋماسى تاعى دا تۋلاپ جاتىر. بۇل جولعى ماسەلە «ورتالىق ازياداعى ورىستىلدىلەردىڭ قۇقىعىن قورعاۋ» ەكەن. ورتالىق ازيادا ورىس تىلدىلەردىڭ قۇقىعى تاپتالىپ جاتپاعانىن ولار جاقسى بىلەدى. كەرىسىنشە ايماق حالقىنىڭ باسىم بولىگى ءوز جەرىندە وگەي تىلدە سويلەپ ءجۇر. الايدا ماسكەۋ ءۇشىن بۇل قىسىم كورسەتۋ امالى بولىپ قالا بەرمەك. سەبەپ جوق جەردەن سەبەپ ىزدەۋگە تاپتىرماس تاقىرىپ.

رەسەي ارنالارى توقتاۋسىز شابۋىلدى باستاپ كەتتى. رەسەيلىك سايتتار جاپپاي قازاقستانداعى ۇلتشىلدار ورىستىلدىلەردى قىسپاققا الۋدا دەپ شۋلاسا جازۋدا. ارينە، اقپاراتتى بۇرمالاپ، رەسەي اۋديتورياسىنا ىڭعايلاپ بەرۋدە. كرەملدىڭ پروپاگاندالىق Lenta.ru سايتى كەشە «ۆ كازاحستانە ناتسيوناليستى ورگانيزوۆالي «يازىكوۆىە پاترۋلي» اتتى ماقالا جاريالادى.

وندا سايت باسشىلىعى «قازاقستاندا ورىستىلدىلەردى قىسپاققا الاتىن ارنايى توپتار پايدا» بولۋدا دەگەن جالعان اقپاراتتى جازادى. YouTube-تاعى «Til Maydani ونلاين پارتياسىنىڭ» روليكتەرىن كورسەتىپ، «مىنە قىسىم» دەگەن نەگىزدە كورسەتەدى. ال ول بار بولعانى تۇتىنۋشىنىڭ مەملەكەتتىك ءتىلدى تالاپ ەتكەن روليكتەرى عانا بولاتىن.

رەسەي بيلىگى ءتىپتى، ارى كەتىپ، باس ارناسىنان 5 مينۋتتىق سيۋجەت تە كورسەتتى. سيۋجەت تاقىرىبى بىلاي: «گاستاربايتەرى س ۆورونەجا»: ناتسيوناليستى كازاحستانا نانەسلي ۋدار پو رۋسسكومۋ يازىكۋ» دەپ اتالادى. بارلىق سوعىس پەن اگرەسسيانى اقتاپ الۋدىڭ، رەسەيدەگى شوۆينيستىك كوزقاراستىڭ دامۋىنىڭ نەگىزى بولىپ تابىلاتىن «روسسيا 24» ارناسىنىڭ ءدال وسىنداي دۇنيەنى شىعارۋىنىڭ استارىندا ۇلكەن ءمان جاتىر. بۇل ءبىر جاعىنان رەسەي قوعامىنا قازاقستاندى قارسى پوزيتسيادا كورسەتۋ بولسا، ەكىنشى تۇستان بۇل اقورداعا اقپاراتتىق قىسىم ەكەنى انىق.

رەسەيدىڭ مەملەكەتتىك دۋما دەپۋتاتى لەونيد كالاشنيكوۆ بىلاي دەيدى: «بىرىنشىدەن، ءبىز وتانداستارىمىزدى ەلگە قايتارۋ تۋرالى زاڭدى قابىلداۋعا كىرىسۋىمىز كەرەك. ءبىز قازىردىڭ وزىندە ءۇش زاڭنامالىق اكتىنى قابىلدادىق، بىراق ءار ءتۇرلى دەڭگەيدەگى شەنەۋنىكتەرمەن كۇرەسۋ ءۇشىن ءتورت جىل قاجەت بولدى. ءبىز، مىسالى، لنر، دنر (سەپاراتيستىك ايماقتى ايتۋدا), ۋكراينا تۇرعىندارىنا بىرىنشىسىنەن باس تارتپاي ەكىنشى ازاماتتىق بەرۋ تۋرالى ايتىپ وتىرمىز. ەگەر بۇل زاڭ 90 -شى جىلدارى قابىلدانعان بولسا، قازىر ۋكراينا مەن قازاقستاننىڭ جارتىسى بىزبەن بىرگە بولار ەدى. سوندىقتان گەرمانيا، يزرايل سياقتى ورالمان تۋرالى زاڭ قاجەت. حالىقتى قورعاۋ ءۇشىن. سونىمەن قاتار، مەملەكەت پرەزيدەنت اكىمشىلىگى دەڭگەيىندەگى ەكونوميكالىق جانە ساياسي شارالار قابىلداۋى كەرەك»، - دەيدى.

ياعني، رەسەي بيلىگى اشىقتان-اشىق قوس ازاماتتىق ماسەلەسىن قوزعاپ وتىر. قازاقستاندا وعان تىيىم سالىنعانىن بىلەسىزدەر. وسىلايشا ولار جوق ماسەلەنى ۋشىقتىرىپ جاتىر.

رەسەي بيلىگىن قازاقستاننىڭ لاتىن الىپبيىنە ءوتۋى، تاريحي وقيعالاردى قايتا زەرتتەۋگە ىنتاسى قاتتى الاڭداتادى. ولار ەڭ سوڭعى سەنىمدى وداقتاستارىنىڭ ءبىرى ۋىسىنان شىعىپ كەتەتىنىنە الاڭدايتىنداي.

كا مىرزا

Abai.kz

44 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1562
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2256
عيبىرات

قايسار رۋحتى عازيز جان

مۇحتار قۇل-مۇحاممەد 3531