1748 جىلى، 12-تامىز قازاقتىڭ 19-حانى ابىلقايىر مۇحاممەد قازى ءباھادۇر حان ءوزىنىڭ تۋىسى شىڭعىس تۇقىمى باراق سۇلتاننىڭ قولىنان قاپىدا مەرت بولدى.

ابىلقايىر 1729 جىلى جوڭعار اكۋپانتتارىنا قارسى اڭىراقاي شايقاسىندا قول باستاپ تاماشا جەڭىسكە قول جەتكىزدى. ول ەلدىگىمىزدىڭ ساقتالۋى جولىندا ولشەۋسىز ەڭبەك سىڭىرگەن بىرەگەي تۇلعا. ورىستىڭ قولتىعىنا ءبىرىنشى بارىپ كىردىڭ دەپ كىنا تاققىش ءبىزدىڭ شالا ساۋاتتار جاعدايعا سول زاماننىڭ كوزىمەن قاراۋ دەگەندى ۇمىت قالدىرسا كەرەك.

1730 جىلى ورىستىڭ قاتىن پاتشاسى اننا مەن بولعان ديپلوماتيالىق قاتىناس امالسىزدان جاسالعان ساياسي شارا ەكەنىن ۇمىتپاعان ءجون.
ياعني اننانى پايدالانىپ جوڭعاردى قۇرتۋ بولاتىن بۇل ساياسات ءوزىنىڭ جەمىسىن بەردى.

الدىمەن 1745 جىلى قالدان-سەرەن قايتىس بولدى. ۇرىمتال ءساتتى پايدالانعان قازاقتار جوڭعاردىڭ ىشكى ساياساتىنا ارالاسىپ جاعدايدى ءوز مۇددەسىنە پايدالانىپ كەتتى.

تاق تالاسىندا ابىلايدىڭ قولداۋىنا سۇيەنگەن ءامىرسانا جەڭىسكە جەتىپ قىتايعا قارسى تاۋەلسىزدىك جولىندا قۇربان بولدى.

1748 جىلى 12 تامىز كۇنى كەڭ دالادا كەزدەسىپ شەكىسىپ قالعان ەر ابىلقايىر ەڭ وكىنىشتىسى ءوزىنىڭ اتالاس تۋىسى باراق سۇلتاننىڭ قولىنان كوز جۇمدى. ال بۇل باراق سۇلتاننىڭ الاش كوسەمى ءاليحاننىڭ ارعى اتاسى ەكەنىن بىرەۋ بىلسە بىرەۋ بىلمەس. تاستا تامىر تورەدە تۋىس جوق دەگەن قازاق ماقالى ەرىكسىز ەسكە تۇسەدى.

ادىلەت ءابساتتارۇلى

Abai.kz