تءۇركىمەنستان, ءوزبەكستان جءانە رەسەي ديپلوماتتارىنان تۇراتىن دەلەگاتسيالار قاتاردا تءالىپتەردىڭ ساياسي مءاسەلەلەر جءونىندەگى كوميسسياسى باسشىسىمەن كەلىسسءوز ءوتكىزدى.تءالىپتەر اۋعانستاندا كءوپ جەردى باسىپ الىپ جاتقاندىقتان, ايماق حالقىنىڭ الاڭداۋشىلىعى ءۇدەپ بارادى.

قوزعالىس باسشىلارىنىڭ ءبىرى ابدۋل عاني بارادار سارسەنبىدە ەلدەگى جاعدايدى تالقىلاۋ ماقساتىندا قاتاردا تۇركىمەنستان سىرتقى ىستەر ءمينيسترىنىڭ ورىنباسارى ۆەپا حادجيەۆپەن جانە وزبەكستان پرەزيدەنتىنىڭ اۋعانستانداعى ۋاكىلى يسماتۋللا يرگاشەۆپەن كەزدەسكەن. بۇل جونىندە 12 تامىزدا "تاليبان" قوزعالىسىنىڭ رەسمي وكىلى زابيۋللا مۋدجاحيد ازاتتىققا حابارلادى.

ءمۋدجاحيدتىڭ ايتۋىنشا، كەلىسسوز كەزىندە ايماقتىق ماسەلەلەر، سونىڭ ىشىندە اۋعانستان مەن ورتالىق ازيانىڭ بۇرىنعى سوۆەتتىك رەسپۋبليكالارى اراسىنداعى ساۋدا جايى تالقىعا تۇسكەن.

تالىپتەر كەلىسسوزشىلەرىنىڭ قاتار استاناسى دوحاداعى وكىلى 11 تامىزدا Twitter-دە بارادار مەن حادجيەۆتىڭ "ەكىجاقتى ماسەلەلەردى، شەكارا جايىن، ەكونوميكالىق جوبالاردى جانە تۇركىمەنستاننىڭ اۋعانستانداعى ديپلوماتيالىق ميسسياسىنىڭ قاۋىپسىزدىگىن" تالقىلاعانىن جازدى.

Twitter-دەگى باسقا ءبىر حابارلاماسىندا تالىپتەردىڭ وكىلى سۋحايل شاحين باراداردىڭ رەسەي پرەزيدەنتىنىڭ اۋعانستان بويىنشا ارنايى ۋاكىلى زامير كابۋلوۆپەن كەزدەسكەنىن حابارلادى.

وتكەن ايدا "تاليبان" وكىلى ازاتتىققا قوزعالىس دەلەگاتسياسى اشعاباتقا بارىپ، تۇركىمەن رەسمي تۇلعالارىمەن "ەكى ەل اراسىنداعى ەكونوميكالىق جانە ساياسي بايلانىستار، قاۋىپسىزدىك جانە شەكارا ماسەلەلەرىن" تالقىلاعانىن ايتقان.

تۇركىمەنستان مەن اۋعانستان اراسىنداعى شەكارا ۇزىندىعى – 800 كيلومەتر.

بۇدان بۇرىن اقش پرەزيدەنتى دجو بايدەن اۋعانستانداعى امەريكا اسكەرى قىركۇيەككە دەيىن بۇل ەلدەن كەتەتىنىن مالىمدەگەن. وسى كۇن جاقىنداعان سايىن تالىپتەر اۋعانستاننىڭ اسكەري كۇشتەرىنە شابۋىلدى ۇدەتىپ، ايماقتارعا جانە شەكارا وتكەلدەرىنە باقىلاۋ ورناتىپ جاتىر.

اقپارات كوزدەرىنىڭ حابارلاۋىنشا، جۇزدەگەن اۋعان، سونىڭ ىشىندە اسكەريلەر مەن پوليتسەيلەر ورتالىق ازيانىڭ كورشىلەس ەلدەرىنە قاشىپ كەتكەن.

سوعىستا تالىپتەردىڭ جەڭىسكە جەتۋى كابۋلداعى باتىس قولداۋىنا سۇيەنەتىن ۇكىمەت قۇلاۋى مۇمكىن دەگەن قورقىنىشتى ۇدەتە ءتۇستى.

دەرەككوز: Centralasian

Abai.kz