الەمدە فەيك اقپاراتپەن كۇرەستىڭ شۇعىل قاجەتتىلىگى تۋىنداۋدا، XVII "ەۋرازيالىق مەديافورۋم" وسى باعىتتا اعىمداعى تەندەنتسيالار مەن تاسىلدەردى تالقىلاۋعا تاماشا مۇمكىندىك بەرەدى. بۇل تۋرالى قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ ءىس-شاراعا قاتىسۋشىلارعا ارناعان قۇتتىقتاۋ سوزىندە ايتىلدى.

مەملەكەت باسشىسى جان-جاقتى جاھاندىق ترانسفورماتسيا، ىرگەلى وزگەرىستەر، الەۋمەتتىك پروتسەستەر كەزەڭىندە ءيمپۋلستى قاداعالاپ وتىرۋ، ەڭ وزەكتى ماسەلەلەردى اشىق تالقىلاۋ جانە ولاردى بىرلەسە شەشۋ جولدارىن تابۋ بۇرىنعىدان دا ماڭىزدى ەكەنىن اتاپ ءوتتى.

"كوروناۆيرۋستىق داعدارىستىڭ باستالۋىمەن بۇكىل الەمدە حالىقتىڭ ساپالى اقپاراتقا دەگەن سۇرانىسى ارتتى. جاساندىلىقپەن كۇرەستىڭ شۇعىل قاجەتتىلىگى تۋىندادى. فورۋم وسى باعىتتا اعىمداعى ۇردىستەر مەن تاسىلدەردى تالقىلاۋعا تاماشا مۇمكىندىك بەرەدى. تسيفرلاندىرۋ ۇدەرىسى ايتارلىقتاي جەدەلدەدى، اۋديتوريانىڭ قالاۋى تەز وزگەرۋدە، اقپاراتتى ۇسىنۋدىڭ جاڭا فورماتتارى پايدا بولىپ، الەۋمەتتىك جەلىلەر ترانسفورماتسيالانۋدا" دەدى پرەزيدەنت.

قازاقستان پرەزيدەنتى بۇل ماسەلەنى كاسىبي تۇردە تالقىلاۋ بۇقارالىق اقپارات قۇرالدارىنىڭ دامۋىنا جاڭا سەرپىن بەرەتىنىنە سەنىمدى.

Abai.kz