الماتىدا اتىس بولىپ، بەس ادام قازا تاپتى. بۇل تۋرالى Tengrinews.kz-كە سىلتەمە جاساپ، Abai.kz حابارلايدى. 

پوليتسيا قىزمەتكەرلەرىنىڭ مالىمەتىنشە، 20 قىركۇيەكتە، ساعات 17.00-دە  "اقبۇلاق" شاعىن اۋدانىندا اتىس بولدى.

ۇيدەن شىعارۋ تۋرالى سوت قاۋلىسىن ورىنداۋ كەزىندە وسى ءۇيدىڭ تۇرعىنى - 1967 جىلى تۋعان ەر ادام وزبىرلىق كورسەتىپ، سوت ورىنداۋشىلارىنا، ۋچاسكەلىك پوليتسيا ينسپەكتورلارىنا، توتەنشە جاعداي قىزمەتكەرلەرىنە قارۋدان وق جاۋدىرعان. بەس ادام، ونىڭ ىشىندە قىزمەتتىك مىندەتتەرىن اتقارىپ جۇرگەن ەكى پوليتسيا قىزمەتكەرى وقتان جاراقات الىپ، قايتىس بولدى.

كۇدىكتى ۇستالدى. جاعداي باقىلاۋدا. قىلمىستىق ءىس قوزعالدى. تەرگەۋ شارالارى جۇرگىزىلىپ جاتىر.

قازا تاپقان پوليتسيا قىزمەتكەرلەرى:

الاتاۋ اۋداندىق پب جپقب ۋچاسكەلىك ينسپەكتورى، پوليتسيا مايورى سۇلەەۆ دارحان داۋىلبايۇلى 1982 جىلى تۋعان.

الاتاۋ اۋداندىق پب جپقب ۋچاسكەلىك ينسپەكتورى، پوليتسيا كاپيتانى بايعازيەۆ نۇربول نازاربايۇلى 1988 جىلى تۋعان.

الماتى قالاسى پوليتسيا دەپارتامەنتى باستىعىنىڭ ورىنباسارى رۋستام ابدراحمانوۆتىڭ ايتۋىنشا، وق اتقان ادام ءومىر بويىنا باس بوستاندىعىنان ايىرىلۋى مۇمكىن.

«ەكى نەمەسە ودان دا كوپ ادامعا قاتىستى كىسى ءولتىرۋ» بابى بويىنشا تەرگەۋ باستالدى. بۇل قىلمىس ءۇشىن 20 جىلعا دەيىن باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ جازاسى قاراستىرىلعان.

كۇدىكتى ارنايى جاساقتىڭ قاتىسۋىمەن ۇستالدى. قارۋ قولدانىلماعان، ويتكەنى ۇيدە ايەلدەر مەن كامەلەتكە تولماعان بالالار بولعان.

قازىر وقيعا ورنىن پوليتسەيلەر قورشاپ الدى. تۇرعىندار مەن ازاماتتارعا ەشقانداي قاۋىپ جوق»,- دەدى ءابدىراحمانوۆ.

سونداي-اق، ول ەر ادامنىڭ اڭشى مىلتىعىنان وق اتقانىن اتاپ ءوتتى.

Abai.kz