بەيسەنبى, 2 جەلتوقسان 2021
بيلىك 1187 0 پىكىر 13 قازان, 2021 ساعات 15:54

جۇمىس ىستەيتىن جاستارعا جالعا بەرىلەتىن پاتەردى جەڭىلدەتۋ ۇسىنىلدى

جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىنجاي بەرۋدى جەڭىلدەتۋ تۋرالى ۇسىنىستار ايتىلدى. ارنايى دەپۋتاتتىق ساۋالدى «Nur Otan» پارتياسىنىڭ دەپۋتاتى عاني تاشقاراەۆ جاسادى. دەپۋتاتتىق ساۋالدىڭ ءماتىنى تومەندەگىدەي: 

قازاقستان رەسپۋبليكاسى پارلامەنتى ءماجىلىسىنىڭ دەپۋتاتى، «Nur Otan» پارتياسى فراكتسياسىنىڭ دەپۋتاتى عاني تاشقاراەۆتىڭ قازاقستان رەسپۋبليكاسى پرەمەر-ءمينيسترىنىڭ ورىنباسارى ەرالى توعجانوۆقا دەپۋتاتتىق ساۋالى

مەنىڭ دەپۋتاتتىق ساۋالىم «جۇمىس ىستەيتىن جاستارعا ساتىپ الۋ قۇقىعىنسىز جالعا بەرىلەتىن تۇرعىنجاي بەرۋ» باعدارلاماسى تۋرالى.

«Nur Otan» پارتياسىنىڭ «وزگەرىستەر جولى: ءار ازاماتقا لايىقتى ءومىر» سايلاۋالدى باعدارلاماسىندا سۇرانىسقا يە ماماندىق بويىنشا جۇمىس ىستەيتىن جاستارعا جالعا بەرىلەتىن ءۇي بەرۋ ارقىلى جاس مامانداردى قولداۋ كوزدەلگەن.

وسى باعىتتا ەلباسى ن.ءا.نازارباەۆتىڭ باستاماسىمەن 2019 جىلى «جاستار جىلى»-نىڭ اشىلۋىندا رەسپۋبليكانىڭ ءۇش ءىرى مەگاپوليستەرىندە (نۇر-سۋلتان، الماتى، شىمكەنت) جۇزەگە اسىرىلادى، اتالعان قالالاردا جىل سايىن 1000 پاتەر جاستارعا ارنالىپ تاپسىرىلادى.

سونىمەن قاتار، «جۇمىس ىستەپ جۇرگەن جاستارعا ساتىپ الۋ قۇقىعىنسىز جالعا بەرىلەتىن تۇرعىنجاي بەرۋ قاعيدالارىن بەكىتۋ تۋرالى» قازاقستان رەسپۋبليكاسى اقپارات جانە قوعامدىق دامۋ ءمينيسترىنىڭ 2019 جىلعى 29 تامىزداعى № 318 بۇيرىعىنا سايكەس ءوتىنىش بەرۋشىنىڭ اي سايىنعى تابىسىن كەمىندە 40 (قىرىق) ايلىق ەسەپتىك كورسەتكىش مولشەرىندە راستايتىن سوڭعى التى اي ىشىندەگى تابىسى تۋرالى انىقتاما كورسەتۋدى تالاپ ەتەدى. ەگەر باعدارلامانىڭ باسىندا بۇل سومما 101 000 تەنگەنى قۇراسا، 2021 جىلدان باستاپ بۇل 116 600 تەنگەنى قۇرادى.

ۇلتتىق ستاتيستيكا بيۋروسىنىڭ مالىمەتى بويىنشا رەسپۋبليكادا 20-29 جاستاعى ازاماتتارىمىزدىڭ سانى 2 537 252 جەتتى. قالادا تۇراتىن جاستاردىڭ ۇلەسى 1 510 892 قۇرايدى. بۇل كورسەتكىش جىلدان جىلعا ارتىپ كەلەدى.

وسى باعدارلاما ىسكە اسىپ جاتقان قالالار بويىنشا حالىقتىڭ ورتا ەسەپپەن جان باسىنا شاققانداعى اتاۋلى اقشالاي تابىستارىن باعالاۋ بويىنشا سالىستىراتىن بولساق، 2021 جىلدىڭ 1 توقسانىنا شىمكەنت قالاسىندا 76 982 تەڭگە، الماتى قالاسىندا 166 554 تەڭگە، نۋر-سۋلتان قالاسىندا 179 722 تەنگەنى قۇراپ وتىر.

وڭىرلەرگە جۇمىس ساپار بارىسىندا جاستارمەن كەزدەسۋدە جاستار تاراپىنان بىرقاتار ماسەلەلەر مەن ۇسىنىستار ايتىلدى. اتاپ ايتقاندا، جالدامالى پاتەرلەردى الۋ كونكۋرسىنا قاتىسۋ ءۇشىن تۇرعىن ۇيگە مۇقتاج جاس ماماندار ءۇشىن جالاقى مولشەرى تىم جوعارى ەكەندىگى ايتىلدى. جالعا بەرىلەتىن تۇرعىن ءۇيدى كونكۋرس بويىنشا الۋ قيىن.

جۇمىسشى جاستاردىڭ ايتۋىنشا، پاتەر ا لۋ ءۇشىن ايلىق كورسەتكىشتى (40 - تان 25 اەك-كە دەيىن ) تومەندەتۋ-بۇل ءبىزدىڭ مەگاپوليستەردەگى ەڭبەگى وتە قاجەت جاس وتباسىلار مەن جاس ماماندارعا ۇلكەن كومەك.

جوعارىدا ايتىلعانداردىڭ نەگىزىندە جاستاردى قولداۋ ماقساتىندا جالعا بەرىلەتىن تۇرعىن ۇيگە ارنالعان كونكۋرستارعا قاتىسۋشىلارعا قويىلاتىن تالاپتاردى وزگەرتۋ مۇمكىندىگىن قاراۋدى سۇرايمىن.
بۇل باعدارلامانىڭ ماقساتى مەگاپوليستەردەگى سۇرانىسقا يە ماماندىقتاردىڭ جاس ماماندارىمەن قامتاماسىز ەتۋ ەكەنىن ەسكە سالعىم كەلەدى.

وسىعان بايلانىستى جاس مامانداردىڭ تابىستارىنا قويىلاتىن تالاپتاردىڭ جوعارىلىعى تۇرىندەگى توسقاۋىلداردى بەلگىلەۋ ورىنسىز دەپ سانايمىز جانە جاستاردى جالعا بەرىلەتىن تۇرعىن ءۇي كونكۋرسىنا قاتىسۋعا جول بەرەتىن سومالاردىڭ، تابىستاردىڭ ەسەلىگىن ازايتۋدى ۇسىنامىز.
وسى ساۋالدى قاراۋ ناتيجەلەرى تۋرالى زاڭنامادا بەلگىلەنگەن مەرزىمدە حابارلاۋىڭىزدى سۇرايمىز.

Abai.kz

 

 

0 پىكىر