الماتى قالاسى بويىنشا Pfizer ۆاكتسيناسىن قايدا الۋعا بولاتىنى ايتىلدى. بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى ناريمان تابىنباەۆ حابارلادى. 

بۇگىندە الماتىدا 137 ۆاكتسيناتسيالاۋ پۋنكتى ورنالاستىرىلعان.

"ۇكىمەت ءبىرىنشى كەزەڭدە ۆاكتسيناتسيالاناتىن ءۇش باسىم توپتى انىقتادى. 12 جاستان 18 جاسقا دەيىنگى بالالارعا، سونداي-اق جۇكتى جانە بالا ەمىزەتىن ايەلدەردى ۆاكتسيناتسيالاۋ ءۇشىن Pfizer پرەپاراتىن اكەلۋ جوسپارلانۋدا. مەكتەپكە بارىپ، ۆاكتسينا سالۋدى دا ۇيىمداستىرۋعا بولادى. قازىرگى ۋاقىتتا الماتىدا وسى جاستاعى 174 600 بالا ۆاكتسيناتسيالاۋعا جاتادى. شامامەن 67000 بالا ەمىزەتىن ايەلدەر، 20 500 جۇكتى ايەلدەر بار. بىزدە بۇل تىزىمدەر بار. ۆاكتسيناتسيا ەرىكتى تۇردە جانە اتا-انالاردىڭ كەلىسىمىمەن جۇرگىزىلەدى", - دەدى دسب باسشىسى ءباسپاسوز ءماسليحاتىندا.

دەنساۋلىق ساقتاۋ باسقارماسى ۆاكتسينانى ساقتاۋعا قاتىستى ناقتى نۇسقاۋلار بار ەكەنىن ايتتى. Pfizer ۆاكتسيناسى 60-90 گرادۋس ارالىعىندا ساقتالۋى كەرەك. بۇل ازىرلەۋشىلەردىڭ باستى تالابى.

Abai.kz