قازاقستاننىڭ ەكونوميكا ءمينيسترى اسەت ىرعاليەۆ جۋرناليستەردىڭ سۇراقتارىنا جاۋاپ بەردى. ول اي سايىن ازىق-تۇلىككە قانشا قارجى جۇمسايتىنىن دا ايتا كەتتى. 

"باعانىڭ وسۋىنە كەلسەك، ماۋسىمدىق باعا ءوسۋ بار، بارلىعىمىز بىلەتىندەي جەلتوقساندا مەيرامدار بولادى، ازىق-تۇلىككە باعا وسەدى. بارلىعىمىز جاڭا جىلعا دايىندالامىز، باعا وسە باستايدى. ەڭ ءبىرىنشى ازىق-تۇلىك قىمباتتايدى", – دەدى ول.

مينيستر وتباسىنا ازىق-تۇلىك الۋ ءۇشىن ايىنا 50-60 مىڭ تەڭگە جۇمسايتىنىن ايتتى.  "بارلىق ادام سياقتى نان، ءسۇت، قانت ساتىپ الامىز. بۇل جەردە نە ايتۋعا بولادى؟ ءبىزدىڭ وتباسىمىز بارلىق ادامنىڭ وتباسى سياقتى", – دەيدى مينيستر.

Abai.kz