ۇكىمەتتىڭ شەشىمىمەن 2022 جىلدىڭ 1 قاڭتارىنان باستاپ شىعىس قازاقستاننان قىتايعا گاز ەكسپورتتاۋ توقتاتىلادى.

سارىبۇلاق كەن ورنىندا قالعان 500 ميلليون تەكشە مەترگە جۋىق گاز قازىر زايسان ءوڭىرىنىڭ تۇرعىندارىنا ارنالعان. وسى كۇنگە دەيىن وبلىس ورتالىعىنىڭ ءوزى جانە اۋدانداعى 9 اۋىل گازبەن قامتىلعان.

تاعى 8 ەلدى مەكەندى جۇيەگە قوسۋ جوسپاردا بار. ماگيسترالدىق جەلىلەر جۇرگىزىلدى، ەندى توقسان ىشىلىك جەلىلەرگە كونكۋرس جاريالاندى. كوگىلدىر وتىن قورى تاۋسىلۋدا. 2013 جىلدان بەرى كەن ورنىندا شامامەن 3,4 ميلليارد تەكشە مەتر گاز ءوندىرىلدى. ونىڭ ۇستىنە ونىڭ 95 پايىزدان استامى قحر-عا ەكسپورتتالدى.

«ەنەرگەتيكا مينيسترلىگىنىڭ بولجامى بويىنشا، قازىر ءوندىرىلىپ جاتقان گاز قورى زايسان وڭىرىنە 10-15 جىلعا جەتەدى. قازىر جالپى زايسان اۋدانىندا 20 مىڭعا جۋىق ابونەنت گازبەن قامتىلعان»، – دەدى شىعىس قازاقستان وبلىسىنىڭ ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باسشىسىنىڭ ورىنباسارى نۇرلان رامازانوۆ.

Abai.kz