رەسەي پرەزيدەنتى ۆلاديمير پۋتين مەملەكەتتىك دۋماعا رەسەي مەن تاجىكستان اراسىنداعى اۋە شابۋىلىنا قارسى قورعانىستىڭ بىرىڭعاي جۇيەسىن قۇرۋ تۋرالى كەلىسىمدى راتيفيكاتسيالاۋعا ۇسىندى. ءتيىستى قۇجات پارلامەنتتىڭ تومەنگى پالاتاسىنىڭ ەلەكتروندى بازاسىندا ورنالاستىرىلدى.

«ايماقتاعى اۋە شابۋىلىنا قارسى قورعانىس ماسەلەلەرىن شەشۋدىڭ تيىمدىلىگىن ارتتىرۋ ماقساتىندا رەسەي مەن تاجىكستاننىڭ بىرىڭعاي ايماقتىق اۋە شابۋىلىنا قارسى قورعانىس جۇيەسىن قۇرۋدا. ول رەسەي فەدەراتسياسى مەن تمد-عا مۇشە مەملەكەتتەردىڭ اۋە شابۋىلىنا قارسى قورعانىسىنىڭ بىرلەسكەن جۇيەسىنىڭ قۇرامداس بولىگى بولىپ تابىلادى»، - دەلىنگەن قۇجاتتا.

كەلىسىمدە ەكى ەلدىڭ اۋماقتارىنىڭ بىرتۇتاستىعىن ەسكەرە وتىرىپ، كەلىسىمگە قاتىسۋشىلار تاجىكستان اۋماعى مەن اۋە كەڭىستىگىندە ايماق شەگىندە جەكە ۇجىمدىق قاۋىپسىزدىك ايماعىن بولەتىنى كورسەتىلگەن. بۇل رەتتە تاجىكستان اۋماعىنداعى رەسەيلىك كۇشتەردى باسقارۋدى رەسەي ورتالىق اسكەري وكرۋگى اسكەرلەرىنىڭ قولباسشىسى جۇزەگە اسىرادى.

رەسەي ۇكىمەتى اعىمداعى جىلدىڭ 15 قاراشاسىندا ءتيىستى كەلىسىمدى ماقۇلداپ، كەيىن ونى راتيفيكاتسيالاۋعا ۇسىنۋ ءۇشىن پرەزيدەنتكە جىبەرگەن ەدى.

Abai.kz