ء"بىز ءوزىمىز قازاق ءتىلىن مەنسىنبەگەن سوڭ، باسقا ۇلتتار دا سولاي قارايدى". بۇل قر پارلامەنت ءماجىلىسىنىڭ دەپۋتاتى بەرىك ابدىعاليدىڭ ءسوزى. بەلگىلى ساياساتتانۋشى ەسەن ەلەۋكەنمەن “Yesti Podcast”-تا ءتىل توڭىرەگىندەگى تالاي وزەكتى ماسەلەنىڭ باسىن قوزعادى. بۇل سۇحباتتا ۇلتارالىق قاقتىعىس تۋرالى اڭگىمە دە تىس قالمادى.

"بۇعا بەرسەڭ، سۇعا بەرەدى دەيدى. ءبىز قازاق تىلىنە باسىمدىق بەرەمىز دەپ ءبىراز مۇمكىنشىلىگىمىزدى جوعالتىپ الدىق. ەندى كۇشەيتەيىك دەسەك قارسىلىق ءبىلدىرىپ جاتىر. ءبىرىنشى - ءوزىمىزدىڭ ىشىمىزدەگى قازاقتار. حالىققا، ەلىمىزدەگى وزگە ۇلت وكىلدەرىنە دە قازاق ءتىلى - تۇراقتىلىقتىڭ كەپىلى ەكەنىن ءتۇسىندىرۋ كەرەك", - دەيدى بەرىك ابدىعاليۇلى.

ونىڭ ويىنشا قازاقتاردىڭ ءوزى قازاق ءتىلىن مەنسىنبەگەسىن، ەلىمىزدەگى وزگە ۇلتتار دا سولاي نەمقۇرايلى قارايدى ەكەن. قاقتىعىس سودان باستالادى دەيدى. ساياساتتانۋشى بۇل ماسەلەنىڭ جالعىز شەشىمى رەتىندە ءوز ىشىمىزدەگى ۇلتتىق ساياساتتى، ءتىل ساياساتىن رەتكە كەلتىرۋدى ۇسىندى.

ء"ار ازامات ءوزى تۇراتىن ەلدىڭ ءتىلىن ءبىلۋى كەرەك. ءبىزدىڭ ىشىمىزدە بالەن جىلدان باۋىر بوپ كەتكەن، قازاقشا سويلەيتىن وزگە ۇلت وكىلدەرى بار. ولار بۇدان قازاق بولىپ كەتكەن جوق. تەك قازاقشا تۇسىنگەن سوڭ، ءبىزدىڭ ءدىنىمىزدى، ءدىلىمىزدى تۇسىنەدى. ەگەر ءبارى وسىنداي بولعاندا بۇل ماسەلە تۋىنداماس تا ەدى، رەسەي دە ءبىزدىڭ ىشكى ماسەلەمىزگە ارالاسا الماس ەدى. بار ماسەلە ءوز ىشىمىزدە بوپ تۇر", - دەپ قورىتتى ءماجىلىس دەپۋتاتى.

سونىمەن قاتار بەرىك ابدىعالي ەلباسى ۇسىنعان “رۋحاني جاڭعىرۋ” باعدارلاماسى اياسىندا قولعا الىنعان "ساكرالدى قازاقستان" جوباسى، پارلامەنت ماجىلىسىندەگى مىندەتتەرى تۋرالى دا كەڭىرەك ايتىپ بەردى.

بۇل تۋرالى تولىعىراق “Yesti Podcast”-تان كورە الاسىزدار.

Abai.kz