دۇنيەجۇزىلىك دەنساۋلىق ساقتاۋ ۇيىمىنىڭ (ددسۇ) باسشىسى تەدروس گەبرەيەسۋس كوروناۆيرۋستىڭ وميكرون جانە دەلتا شتاممدارى الەمدە پاندەميانىڭ جاڭا تولقىنىن تۋدىرۋى مۇمكىن دەپ مالىمدەدى.

ول «دەلتا» جانە «وميكرون» شتاممدارىنان كوروناۆيرۋستىق ينفەكتسيانى جۇقتىرۋ جاعدايلارىنىڭ كوبەيۋى جانە اۋرۋحاناعا جاتقىزىلعاندار مەن كوز جۇمعاندار سانىنىڭ ارتۋى تۋرالى ايتتى. ددسۇ باسشىسى وميكروننىڭ كۇشتى جۇقپالىلىعىنا ەرەكشە نازار اۋداردى.

«بۇل جاڭا تولقىنعا اكەلۋى مۇمكىن، بۇل بۇكىل الەمدەگى دەنساۋلىق ساقتاۋ جۇيەسىنە قىسىمدى ايتارلىقتاي ارتتىرۋى مۇمكىن», - دەدى ول.

جاڭا B.1.1.529 شتامى قاراشادا بوتسۆانا مەن وڭتۇستىك افريكادا تابىلدى. ونىڭ قۇرامىندا S-بەلوكتىڭ ونداعان مۋتاتسيالارى بار، بۇل ۆيرۋسقا پاتوگەن جاسۋشالاردى جۇقتىرۋ ءۇشىن قاجەت.

Abai.kz