38 جاستاعى ۆاسيلي سكليار پاۆلودار وبلىسىنىڭ پوليتسيا دەپارتامەنتىنىڭ باسشىسى بولىپ تاعايىندالدى. «پرەزيدەنت اكىمشىلىگىمەن كەلىسە وتىرىپ، ىشكى ىستەر ءمينيسترى ەرلان تۇرعىمباەۆتىڭ بۇيرىعىمەن ۆاسيلي سكليار پاۆلودار وبلىسىنىڭ پوليتسيا دەپارتامەنتىنىڭ باستىعى قىزمەتىنە تاعايىندالدى»، - دەلىنگەن حابارلامادا.

بۇگىن پاۆلودار وبلىسى پوليتسياسىنىڭ جاڭا باسشىسى جەكە قۇرامعا تانىستىرىلدى. ۆاسيلي ۆاسيلەۆيچ سكليار قازاقستان رەسپۋبليكاسى ىشكى ىستەر مينيسترلىگىنىڭ قاراعاندى ​​زاڭ ينستيتۋتىن جانە ءىىم قاراعاندى ​​اكادەمياسىنىڭ ماگيستراتۋراسىن بىتىرگەن. 2019 جىلدىڭ قازان ايىنا دەيىن پاۆلودار وبلىسى اقسۋ قالاسىنىڭ ىشكى ىستەر ءبولىمىن باسقاردى، ودان كەيىن ەكىباستۇز قالاسىنىڭ ىشكى ىستەر ورگاندارىن باسقاردى، پاۆلودار وبلىسى بويىنشا پقب باستىعى بولىپ تاعايىندالعانعا دەيىن قىزمەت ەتتى. پولكوۆنيك شەنى بار.

بۇقارالىق اقپارات قۇرالدارىنىڭ حابارلاۋىنشا، ول ءبىرىنشى ۆيتسە-پرەمەر رومان سكلياردىڭ ءىنىسى.

Abai.kz