باقىت سۇلتانوۆ "دامۋ" كاسىپكەرلىكتى دامىتۋ قورى" اق ديرەكتورلار كەڭەسىنىڭ توراعاسى بولىپ سايلاندى. بۇل تۋرالى قازاقستان قور بيرجاسىنىڭ (KASE) حابارلاماسىندا ايتىلعان. 

"دامۋ" كاسىپكەرلىكتى دامىتۋ قورى" اق KASE ديرەكتورلار كەڭەسىنىڭ 2022 جىلعى 4 اقپانداعى شەشىمى بويىنشا، باقىت سۇلتانوۆ قوردىڭ ديرەكتورلار كەڭەسىنىڭ توراعاسى بولىپ سايلاندى", - دەلىنگەن حابارلامادا.

"دامۋ" كاسىپكەرلىكتى دامىتۋ قورىنىڭ ديرەكتورلار كەڭەسى سەگىز ادامنان تۇرادى: باقىت سۇلتانوۆ، ەلەنا باحمۋتوۆا، رايىمبەك باتالوۆ، اسەم نۇرعاليەۆا، رۋستام ءجۇرسىنوۆ، تيمۋر جاقسىلىقوۆ، ءادىل مۇحامەدجانوۆ، گاۋحار بورىباەۆا.

باقىت سۇلتانوۆ 2022 جىلدىڭ 11 قاڭتارىنان باستاپ پرەمەر-مينيستر لاۋازىمىنا تاعايىندالعان ءاليحان سمايىلوۆتىڭ ورنىنا كەلدى. سونداي-اق سۇلتانوۆ قاڭتاردان باستاپ پرەمەر-ءمينيستردىڭ ورىنباسارى - ساۋدا جانە ينتەگراتسيا ءمينيسترى بولدى.

Abai.kz