ۋكراينانىڭ قورعانىس ءمينيسترى الەكسەي رەزنيكوۆ كرەملدىڭ كسرو-نى قايتا قۇرعىسى كەلەتىنىن ايتادى.  بۇل تۋرالى ءوزىنىڭ Facebook پاراقشاسىندا جاريالادى.

"كرەمل كەڭەس وداعىن قۇرۋعا تاعى ءبىر قادام جاسادى. قول قويىلعان، مويىندالعان جەرلەردى ءبولىپ تۇرعان جالعىز نارسە بار. بۇل – ۋكراينا مەن ۋكراينا اسكەرى", – دەدى ول رەسەيدىڭ دونەتسك جانە لۋگانسك حالىق رەسپۋبليكالارىنىڭ (دحر جانە لحر) تاۋەلسىزدىگىن مويىنداۋىنا بەرگەن پىكىرىندە.

رەزنيكوۆ الدا اۋىر سىناقتار كۇتىپ تۇرعانىن ايتتى.

"شىعىن بولادى. قيىندىقتان ءوتىپ، ىشتەگى ۋايىم-قايعىنى جەڭۋىمىز كەرەك. بىراق ءبىز جەڭىسكە جەتەمىز. سەبەبى، ءبىز ءوز جەرىمىزدەمىز ءارى شىندىق ءبىزدىڭ جاقتا،- دەدى قورعانىس ءمينيسترى.

21 اقپاندا رەسەي پرەزيدەنتى ۆلاديمير پۋتين دحر مەن لحر دەربەستىگىن تانۋ تۋرالى جارلىققا قول قويدى. ول سىرتقى ىستەر مينيسترلىگىنە ولارمەن ديپلوماتيالىق قاتىناس ورناتۋ تۋرالى كەلىسسوزدەر جۇرگىزۋدى، ال رەسەي فەدەراتسياسىنىڭ قارۋلى كۇشتەرىنە مويىندالعان رەسپۋبليكالاردا بەيبىتشىلىكتى ساقتاۋدى قامتاماسىز ەتۋدى تاپسىردى.

Abai.kz