ۋكرايناعا ارانىن اشقان ورىس ايۋى كەلەسى كەزەكتە وزدەرى «ورىس ءتىلدى ورتا ازيا ەلى» سانايتىن قازاقستان ەكەنىن اشىق بىلدىرە باستادى.

وعان ءبىر دالەل: «Regnum.ru» سايتىندا شىققان مىنا ءبىر ماقالا: «رۋكوۆودستۆو كازاحستانا ۆزيالو كۋرس نا «ۋكراينيزاتسيۋ». ماقالا اۆتورىنىڭ پىكىرىنە كەزەك بەرسەك، بىزدە ءتىل ءپاتۋرلى مۇشەلەرى، تۇركىستان لەگيونىن جاقتايتىن ۇلتشىلداردان تۇراتىن پارتيالار مەن قوزعالىستار «قاڭتار توڭكەرىسىن» جاساپ،  جۇرت اراسىندا ورىسقا قارسى كوڭىل-كۇي تۋعىزۋدا ەكەن-مىس.

«قازاقستانداعى ساياسي كوڭىل-كۇيدە رەسەيدەن بويدى اۋلاق سالاتىن اقپاراتتىق ءھام ساياسي ناۋقاندار ورىستەتىپ، اقىر-سوڭىندا دەسابەتتەندىرۋ (دەكوممۋنيزاتسيا), دەورىستاندىرۋ (دەرۋسيفيكاتسيا) ءوز سوڭىنا جەتەدى. بۇرىن ورىسقا بۇيرەگى بۇراتىن قىرىمبەك كوشەرباەۆتىڭ ورنىن باسقان «بوزعۇرت» ۇيىمىن جاقتايتىن ەرلان كارين تىزگىندى العاندىعى جاقسىلىق ەمەس.

ولار داۋرەن اباەۆ سياقتى «ۇڭگىرلىك ۇلتشىلىق» دەپ، بىزگە جالتاقتامايدى. ءبارىن قالىپتى دەسابەتتەندىرۋ (دەكوممۋنيزاتسيا), دەورىستاندىرۋ (دەرۋسيفيكاتسيا) ءۇردىسىنىڭ كورىنىسى دەپ سانايدى. 1920-1930 جج. اشارشىلىقتى باستى ورىنعا قويىپ، انتيرەسەيلىك كوزقاراس تۋدىرادى»، - دەيدى.

ءتىپتى، ۇلتشىل شەنەۋىنىكتەردىڭ شەرۋىنە قازاقتىڭ باس ءمۇفتي دە قوسىلىپ وتىر ەكەن. ناۋرىزباي قاجى تاعانۇلىنىڭ ايىبى - قازاق جانە وا جەرىندە بولعان 1916-1945 جج. اۋەلى اق، كەيىن قىزىل بيلىككە قارسى شىققانداردى اقتاۋ كەرەك دەگەن ءسوزى. بۇل سولتۇستىك كورشىمىزگە جاقپايتىنى اۆتوردىڭ ءسوز ساپتاسىنان تانىلادى. ول 1916-1945 جج. بيلىككە قارسى باس كوتەرگەندەردى – «باسماشتار مەن ساتقىندار»، دەپ اتايدى.

«قازىرگى ەل پرەزيدەنتى قانشا جەردەن رەسەيشىل باعدار ۇستانسا دا، ونىڭ دەگەنىن وليگارحتار اقشاسىمەن لەپىرگەن ۇلتشىلدىق باعىت-باعدار ەش بولدىرمايدى. سوندىقتان پرەزيدەنت توقاەۆ تاريحتى رەسەي كوزىمەن باعامداپ، بۇنداي لەپىرۋلەردى ءۇزىلدى-كەسىلدى تىيۋى كەرەك»، - دەپ جازادى.

ءابىل-سەرىك الىاكبار

Abai.kz