بۇگىن باس پروكۋراتۋرا، ىشكى ىستەر، سىبايلاس جەمقورلىققا قارسى قىزمەت جانە باسقا دا مەملەكەتتىك ورگان باسشىلارى «قاڭتار وقيعاسىنا» قاتىستى تەرگەۋ بارىسى تۋرالى دەپۋتاتتار ساۋالىنا جاۋاپ بەرۋ ءۇشىن پارلامەنت ءماجىلىسىنىڭ جالپى وتىرىسىنا جينالدى.

باس پروكۋرور بەرىك اسىلوۆ باستاپقىدا نارازىلىققا شىققاندار ساياسي ماسەلەنى كوتەرمەگەنىن ايتادى.

«ميتينگىلەر باستاپقىدا بەيبىت بولعانى وزدەرىڭىزگە بەلگىلى. ءبىرىنشى قاڭتاردان باستاپ باستىس وڭىردەگى تۇرعىندار گاز باعاسىن تومەندەتۋدى تالاپ ەتتى. ياعني ەشقانداي ساياسات بولعان جوق، تازا الەۋمەتتىك-ەكونوميكالىق تالاپتار قويىلدى. وڭىرگە جەدەل تۇردە جولداعان ۇكىمەت كوميسسياسى گاز باعاسىنا قاتىستى تالاپتاردى قاناعاتتاندىردى. وسىعان قاراماستان، الماتى، شىمكەنت جانە باسقا وڭىرلەردە ادامدار كوشەگە شىقتى. سولاردىڭ جالپى سانى ەكى كۇندە 50 مىڭنان استى»، - دەدى باس پروكۋرور.

«باسىندا جيىندار بەيبىت سيپاتتا ءوتتى. الايدا جاعدايدىڭ باقىلاۋدان تىس شىعۋى قاتەرى ساعات سايىن ارتا باستادى. سوندىقتان اكىمدەر مەن دەپۋتاتتار حالىقپەن سان رەت كەزدەسىپ، قوعامدىق ءتارتىپتى بۇزباۋدى سۇرادى. ال پروكۋرورلار جەر-جەردە نارازىلىق اكتسيالارىنىڭ زاڭسىزدىعىن جانە ولارعا قاتىستى قاتىسۋ ءۇشىن جاۋاپكەرشىلىكتى ءتۇسىندىردى»، - دەدى بەرىك اسىلوۆ.

Abai.kz