جاڭادان ءۇش وبلىس قۇرىلادى. بۇل تۋرالى بۇگىن مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا ايتتى.

ءبىرىنشى: اباي وبلىسى قۇرىلادى. وبلىس ورتالىعى – سەمەي قالاسى بولماق.

«سەمەي ايماعىندا اباي وبلىسىن قۇرۋدى ۇسىنامىن. سەمەي قالاسى جاڭا وبلىستىڭ ورتالىعى بولادى. وسى ماسەلەنى ايماق تۇرعىندارى كوپتەن بەرى ايتىپ جۇرگەنىن بىلەمىن. قازىر ول جاقتا شەشىمىن تاپپاعان تۇيتكىلدەر از ەمەس. مىسالى، ايماقتىڭ ىشكى ينفراقۇرىلىمى ابدەن توزعان»، - دەدى پرەزيدەنت.

ەكىنشى: ۇلىتاۋ وبلىسى قۇرىلادى. ورتالىعى – جەزقازعان قالاسى بولماق.

«تاعى ءبىر ماسەلە. بۇرىنعى جەزقازعان وبلىسىنىڭ اۋماعىندا ۇلىتاۋ وبلىسىن قۇرۋ قاجەت. جەزقازعان قالاسى قايتادان وبلىس ورتالىعى بولادى. بۇل ايماقتا دەربەس وبلىس قۇرۋ – ەكونوميكالىق قانا ەمەس، رۋحاني جاعىنان دا ماڭىزدى شەشىم»، - دەدى توقاەۆ.

ءۇشىنشى: جەتىسۋ وبلىسى. ورتالىعى – قاپشاعاي قالاسى بولماق.

«ءۇشىنشى ماسەلە. الماتى اگلومەراتسياسىنا قاتىستى تۇيتكىلدەر كوپ. وسى جانە باسقا دا جايتتاردى ەسكەرە وتىرىپ، الماتى وبلىسىن ەكىگە ءبولۋدى ۇسىنامىن. بۇل وڭىردە جەتىسۋ جانە الماتى وبلىستارى قۇرىلادى. الماتى وبلىسىنىڭ ورتالىعى قاپشاعايدا بولۋى كەرەك. ال، جەتىسۋ وبلىسىنىڭ ورتالىعى تالدىقورعاندا ورنالاسادى»، - دەدى پرەزيدەنت.

«جاڭادان قۇرىلاتىن وبلىستاردىڭ اباي، ۇلىتاۋ، جەتىسۋ دەپ اتالۋىندا ەرەكشە ءمان بار. ءبىز ۇلانعايىر جەرىمىزدىڭ بايىرعى اتاۋلارىن، ۇلى تۇلعالارىمىزدىڭ ەسىمىن ۇرپاق ساناسىندا جاڭعىرتا بەرەمىز»، - دەدى مەملەكەت باسشىسى.

Abai.kz