بۇگىن پرەزيدەنت جولداۋىندا پارتيالاردى تىركەۋ جانە قۇرۋدى جەڭىلدەتۋ كەرەكتىگىن ايتقان ەدى. ەندىگى تاڭدا پارتيا قۇرۋ ءۇشىن 20 مىڭ قول ەمەس، 5 مىڭ قول جيناۋ جەتكىلىكتى بولماق. بۇل ساياسي باسەكەلەستىكتى دە ارتتىرارى انىق. 

قوعام بەلسەندىسى مۇحتار تايجان پارتيا قۇراتىنىن مالىمدەپ ۇلگەردى. ول تۋرالى ءوزىنىڭ فەيسبۋك پاراقشاسىندا جازدى. "دوستار، اعايىن!
بۇگىننەن باستاپ مەن جاڭا ساياسي پارتيانى قۇرۋعا كىرىسەمىن. ناعىز ساياسي جانە ەكونوميكالىق رەفورمالاردى جۇزەگە اسىرتۋ ءۇشىن بۇگىنگى بيلىك - ياعني بۇگىنگى زالىندا وتىرعانداردىڭ - ءماجىلىس، سەنات جانە ۇكىمەت 80-90% ءسوزسىز اۋىسۋ كەرەك.

ول ءۇشىن ءبىز - ەل مەن ۇلت جاناشىرلارى - جاڭا پارتيا قۇرىپ كەلەسى سايلاۋدا نۇروتان-امانات پارتياسىن ادال جارىستا جەڭىپ - بيلىككە كەلۋىمىز قاجەت!

ءبىزدىڭ جاڭا ساياسي پارتيامىزدىڭ اتاۋى جەر قورعانى بولسىن. جەر دەگەن ۇعىم ءار قازاق ءۇشىن قاسيەتتى دەپ بىلەم. جەرىمىزدى قورعاي الساق ۇرپاق ءۇشىن بولاشاققا جول اشامىز دەگەن ءسوز.

مەنىڭ جانجاقتى ۇستانىمدارىمدى، پىكىرلەرىمدى جاقسى بىلەسىزدەر دەپ ويلايمىن. ەگەر مەنىڭ ساياسي جانە ەكونوميكالىق كوزقاراسىمدى قولدايتىن بولساڭىزدار - بۇل سىلتەمەگە كىرىپ تىركەلىڭىزدەر! https://jerqorgany.kz

كەلەسى سايلاۋدىڭ ناتيجەسىندە (بالكىم بيىل) ءبىزدىڭ پارتيامىزدىڭ بەلسەندىلەرىمىز پارلامەنت پەن مۇلدەم جاڭا ۇكىمەتتە تابىلىپ ەلىمىزگە ناعىز، وتىرىك ەمەس، شىنايى رەفورمانى ەنگىزەتىن بولامىز!
قۇرمەتپەن، مۇحتار تايجان، 16.03.22" دەپ جازدى ول.

Jerqorgany.kz سايتىندا پارتيانىڭ باستاپقى ماقساتتارى دا جازىلىپتى.

ا/ش جەرلەردى قر-نىڭ ازاماتتارىنا جەكە مەنشىككە ساتۋعا تۇبىگەيدى تىيىم سالۋ.شەتەلدىكتەرگە جەردى ساتۋعا/جالعا بەرۋگە قاتاڭ تىيىم سالۋ.
جەردىڭ اشىق كاداسترىن ورناتۋ. جەردى كىم جالداپ وتىر – بۇنداي اقپارات اشىق بولۋى ءتيىس.

بوس جاتقان جەرلەردى كوسمومونيتورينگ ارقىلى جانە تسيفرلىق تەحنولوگيامەن مەملەكەتكە قايتارۋ.

ءار اۋىلدىڭ مانايىنداعى 5-20 راديۋسىندا جايىلىم جەرلەرىن مەملەكەتتىك مەنشىگىنە قايتارۋ. قوعامدىق جايىلىمداردى ورناتۋ.

جەردىڭ ءبولۋ مەن بەرۋ پروتسەسىن تسيفرلاندىرۋ، اشىق قىلۋ. بۇل پروتسەسكە اكىمدەر جانە اكىمدەردىڭ كوميسسيالارى بۇدان بىلاي ارالاسپاۋ كەرەك.
سۋبارەنداعا جول جابۋ، سۋبارەنداتورلاردى جاۋاپكەرشىلىككە تارتۋ.

بانكتتەردىڭ كەپىلدىكتەرىندە تۇرعان جەرلەرىن مەملەكەتتىك مەنشىگىنە قايتارۋ.
قر ازاماتتارىنا جەردى جالعا بەرۋ ءتارتىبىن كۇشەيتۋ. قر ازاماتتىعىن بەرۋ ءتارتىبىن قاتاڭداتۋ.

جەردىڭ پايدالانۋ قۇقىقتارىن جال مەرزىمدەرى بىتكەن سوڭ تەك اشىق كونكۋرس ارقىلى ۇزارتۋى.

باسقا جەردىڭ پروبلەمالارى ءبىزدىڭ نازارىمىزدا بولادى: دەماركاتسيا پروتسەسى، اسكەري پوليگوندار، ورماندار، كولدەر، وزەندەر، ءوندىرىس جەرلەر، 10 سوتىك جەر تب.

بۇعان دەيىن سانجار بوقاەۆ تا "نامىس" اتتى پارتيا قۇراتىنىن جاريالاعان بولاتىن.

Abai.kz