2017 جىلى Abai.kz  اقپاراتتىق پورتالىندا سۇيەۋباي بايقاديۇلىنىڭ «سەمەي قايتادان وبلىس بولا ما؟» اتتى ماقالاسى ماقالاسىن جاريالاعان بولاتىن. ەندى جۇرتتى تولعاناندىرعان وسى ساۋالعا پرەزيدەنت وسى جولعى جولداۋىندا نۇكتە قويدى.

بىراق 1916 جىلعى ۇلت ازاتتىق قوزعالىسىندا ەرەك ورىن العان تورعايدىڭ وبلىس اتانباۋى كوپشىلىكتىڭ جۇرەگىن كۇپتى ەتتى. بۇل تۋراسىندا تانىمال سىنشى امانگەلدى كەڭشىلىكۇلى:

«جاڭادان ءۇش وبلىس اشىلاتىن بولدى. بىراق تورعايدىڭ سول اشىلاتىن ايماقتاردىڭ ساناتىنا ەنبەي قالۋى جانىما قاتتى باتتى.  احمەت پەن مىرجاقىپ دۇنيەگە كەلگەن تورعاي –  التى الاشتىڭ  التىن بەسىگى. سوڭعى 30 جىلدا تاپ وسى ءبىزدىڭ تورعايداي  ازىپ-توزىپ كەتكەن ەلدىمەكەن جوق شىعار. باسقاسىن ايتپاعاندا، احاڭ مەن جاحاڭنىڭ اۋىلىنا (اقكول مەن بيدايىق) باراتىن جول جوق. پرەزيدەنتكە جولداۋدى دايىنداپ بەرگەن كەڭەسشىلەرى نەگە تورعايدى ەلەپ-ەسكەرمەگەن؟.. توقسانىنشى جىلدارداعى اسىراسىلتەۋشىلىكتىڭ كەسىرىنەن جابىلعان وبلىس قايتا اشىلسا، بۇل – تورعايعا عانا ەمەس، ۇلتىمىزدىڭ رۋحىنا كورسەتىلگەن قۇرمەت بولار ەدى عوي»، - دەپ ءوز پىكىرىن ورتاعا سالدى.

سەمەيدىڭ وبلىس اتانۋىنا قاتىستى قر پارلامەنتى ءماجىلىسى دەپۋتاتى، «اق جول» پارتياسى توراعاسى ورىنباسارى قازىبەك يسا:

«مىسالى، پارلامەنتتىڭ وكىلەتتىگىن كەڭەيتۋ، پرەزيدەنتتىڭ پارتيادا بولماۋى، اكىمدەردىڭ پارتيا فيليالدارىن باسقارماۋى جانە سەمەيدى قايتا وبلىس ەتىپ اشۋ نەمەسە جەكە ستاتۋس بەرۋ تۋرالى پارتيا توراعاسى، ءماجىلىس دەپۋتاتى ازات پەرۋاشەۆ پارلامەنتتە تالاي كوتەرگەن بولاتىن.

ءبىز ءۇش-ءتورت جىل بۇرىن سەمەي قالاسىنا ابايدىڭ اتىن بەرۋ كەرەك دەپ جازعانىمىزدا كوپشىلىگى قولداعانمەن، قارسى  شىققاندار دا بولىپ ەدى. مىنە، ەندى ۇلى ابايدىڭ اتى قالا تۇگىلى وبلىسقا بەرىلدى.

پارلامەنتتە حالىق مۇددەسىن قورعاپ كەلە جاتقان «اق جول» پارتياسى ساياسي باعدارلاماسىنىڭ باسىم بولىگى پرەزيدەنت جولداۋىندا قولداۋ تاۋىپ، ىسكە اسىپ جاتقانى ءۇشىن حالىققا دا،  قۇرىلعانىنا بۇگىن 20 جىل تولىپ جاتقان پارتيامىزعا دا زور تارتۋ دەپ بىلەمىز.

ءيا، جاڭا ءداۋىردى جاساۋعا ءبارىمىز ءوز ۇلەسىمىزدى قوسۋىمىز كەرەك!»، - دەپ ءوزىنىڭ پىكىرىن ءبىلدىردى.

ءبىز ءوز تاراپىمىزدان سەمەيدىڭ وبلىس اتانۋىنا قاتىستى جورنالشىلدىق زەرتتەۋ جۇرگىزگەن شاعىمىزدا، «الدىمىزدان ايماقتىق بيلىكتىڭ ورىنتاعىنا قونجياتىندار ورىس تىلدىلەر بولا ما، الدە قازاق تىلدىلەر بولا ما» دەگەن ساۋالدىڭ باسى اشىق قالۋدا» دەپ، مەملەكەتشىلدىك رۋحتاعىلار زار قاقتى.

بۇل جاڭادان اشىلاتىن ءۇش وبىلىستىڭ شەنەۋىنىكتىك قۇرامىنىڭ تىلدىك احۋالعا قاتىستى قالاي قالىپتاسۋى - قازاق ءتىلدى ورتانىڭ مۇدەسىنە جاۋاپ بەرە الا ما دەگەن تۇيتكىلدى شەشىپ بەرە الا ما؟!

ءابىل-سەرىك الىاكبار

Abai.kz