دۇيسەنبى, 28 قاراشا 2022
ساڭلاق 1976 0 پىكىر 24 ناۋرىز, 2022 ساعات 14:05

دوپينگ: نيجات راحيموۆ التىنىنان ايىرىلدى

قازاقستاندىق اۋىر اتلەت نيجات راحيموۆ 2016 جىلى ريو-دە-جانەيرودا وتكەن جازعى وليمپيادانىڭ التىن مەدالىن قايتارىپ العىسى كەلەتىنىن ايتتى. بۇل تۋرالى سپورتشى ءوزىنىڭ الەۋمەتتىك جەلىدەگى پاراقشاسىندا جاريالادى.

"دوستار، وسى ناۋرىز كۇندەرى 2016 جىلعى الىنعان سىناماعا قاتىستى «CAS دوپينگكە قارسى دەپارتامەنتىنىڭ» قابىلداعان شەشىمى مەنى قاتتى تاڭعالدىردى. بۇل جاعدايعا قاتىسىم جوعى تۋرالى دالەلدەرىمدى بىلتىر تامىز ايىندا وتكەن سوت تىڭدالىمىندا تورەشى قابىلدامادى. سونداي-اق، ولاردىڭ تاراپىنان سىنامالاردى العان، جالپى وسى پروتسەسكە جاۋاپتى ادامداردىڭ ءىس-ارەكەتتەرىنە باعا بەرىلمەدى. شىندىعىندا سۇراق سولارعا قويىلۋى كەرەك ەدى. ولاردىڭ «قولى تازا ەمەس» ەكەنىن ۋاقىت كورسەتتى، - دەدى راحيموۆ.

ونىڭ ايتۋىنشا، جاعدايعا قاتىستى «سۇراق كوپ، جاۋاپ جوق».

"سوندىقتان مەن بۇل شەشىممەن كەلىسپەيمىن! ەڭ سوراقىسى، وليمپيادا ويىندارى كەزىندە تاپسىرىلعان مەنىڭ سىناماما ەشقانداي سۇراق قويىلمادى، بىراق مەنىڭ جانە بۇكىل قازاقستاننىڭ باستى ماراپاتى- ريو-دە-جانەيرو وليمپيادا ويىندارىنىڭ التىن مەدالىن تارتىپ العىسى كەلەدى. سوندىقتان مەن بۇل شەشىمگە شاعىمدانۋعا نيەتتىمىن. قۇداي ءوزى جار بولسىن!" - دەدى راحيموۆ.

ەستەرىڭىزگە سالا كەتەيىك، 24 ناۋرىزدا سپورت تورەلىك سوتىنىڭ دوپينگكە قارسى ءبولىمى (CAS ADD) راحيموۆتى سپورتتان سەگىز جىلعا شەتتەتىپ، 2016 جىلعى 15 ناۋرىز بەن 2021 جىلعى 18 قاڭتار ارالىعىندا العان بارلىق ماراپاتتارىنان، ونىڭ ىشىندە 2016 جىلعى وليمپيادادا العان "التىنىنان" ايىرعانى بەلگىلى بولدى.

Abai.kz

0 پىكىر

ۇزدىك ماتەريالدار

انە، كوردىڭ بە؟

ورىس ءپاتريوتيزمى جانە ياحتا

ەسبول ۇسەنۇلى 1501
قازاقتىڭ ءتىلى

قازاقتىڭ ءتىلى ولمەسىن دەسەك...

كامشات تاسبولاتوۆا 1583
سوعىستا جۇرگەن سۇلۋلار

مايدانداعى ۋكراينا ارۋلارى: مارگاريتا ريۆچاچەنكو

ايجان تەمىرحان 1751