قولىنا قالام ۇستاپ جازۋدى سەرىك ەتكەن اقىن-جازۋشىلاردىڭ 70 جاسقا كەلگەندەرى از ەمەس. مەرەيتويىن بيلىككە تويلاتقىزىپ، ەل ارالاپ جۇرگەندەرى دە بارشىلىق. بايقاپ باعامدالىق، سول مەرەيتوي يەلەرى ءدال مۇحتار شاحانوۆتاي حالىق ىقىلاسىنا بولەندى مە؟ ويلاندىراتىن كۇردەلى سۇراق. ءيا، شاحانوۆ 70 جاسقا قازاق تاريحىندا بۇرىن سوڭدى بولماعان ابىرويمەن جەتتى. ابىروي دەيمىز-اۋ...  حالىق الدىنداعى جاساعان پەرزەنتتىك پارىزى مەن ازاماتتىق مىندەتتەرىنىڭ ارقاسىندا مۇحاڭ بۇل جاسقا مۇلدەم بولەك بەدەلمەن كەلدى.

ۇلتتىق مۇددە مەن مەملەكەتتىك ءتىلدىڭ قازىرگى احۋالىنا بەي-جاي قارامايتىن ازاماتتار بىرلەسىپ، استانا قالاسىندا اقىن اعامىزدىڭ «سارىارقادان تارتۋ» اتتى مۇحتار شاحانوۆتىڭ 70 جاسقا تولۋىنا وراي مەرەيتوي يەسىنىڭ شىعارماشىلىق كەشىن ۇيىمداستىرعاندارىن ەستىپ، ءبىز دە بالا-شاعامىزدى ەرتىپ، كونگرەسس حوللعا تارتتىق. كەشتىڭ باستالۋىنا 1 ساعاتتان استام ۋاقىت بارىنا قاراماي، جينالعان حالىقتىڭ كوپتىگىنەن بالاممەن كىرەر ەسىككە جاقىنداي المادىم. سول كەزدە ويىما 2009 جىلى بيلىك «قازاقستاندىق ۇلت» يدەياسىن قازاقستان حالقى اسسامبلەياسىنىڭ «ەل بىرلىگى» دوكتريناسى ارقىلى ەنگىزبەكشى بولعاندا مۇقاڭ دوكترينانى توقتاتۋ تۋرالى تالاپ قويىپ، اشتىق جاريالاماقشى بولعاندا ءتورت مىڭنان استام ادام  ونى قولداپ شىققاندا بيلىك شاحانوۆتىڭ تالابىنا ەرىكسىز كونىپ، قازاق حالقىنا  زيان اكەلەتىن «قازاقستاندىق ۇلتتان» بيلىكتىڭ باس تارتقانى  ەسىمە ءتۇستى. بۇكىل قازاق ۇلتى ءبىر شاحانوۆتىڭ سوڭىنان ەرەدى ەكەن. سوعان تاعى دا كوزىم جەتتى.

قولىنا قالام ۇستاپ جازۋدى سەرىك ەتكەن اقىن-جازۋشىلاردىڭ 70 جاسقا كەلگەندەرى از ەمەس. مەرەيتويىن بيلىككە تويلاتقىزىپ، ەل ارالاپ جۇرگەندەرى دە بارشىلىق. بايقاپ باعامدالىق، سول مەرەيتوي يەلەرى ءدال مۇحتار شاحانوۆتاي حالىق ىقىلاسىنا بولەندى مە؟ ويلاندىراتىن كۇردەلى سۇراق. ءيا، شاحانوۆ 70 جاسقا قازاق تاريحىندا بۇرىن سوڭدى بولماعان ابىرويمەن جەتتى. ابىروي دەيمىز-اۋ...  حالىق الدىنداعى جاساعان پەرزەنتتىك پارىزى مەن ازاماتتىق مىندەتتەرىنىڭ ارقاسىندا مۇحاڭ بۇل جاسقا مۇلدەم بولەك بەدەلمەن كەلدى.

ۇلتتىق مۇددە مەن مەملەكەتتىك ءتىلدىڭ قازىرگى احۋالىنا بەي-جاي قارامايتىن ازاماتتار بىرلەسىپ، استانا قالاسىندا اقىن اعامىزدىڭ «سارىارقادان تارتۋ» اتتى مۇحتار شاحانوۆتىڭ 70 جاسقا تولۋىنا وراي مەرەيتوي يەسىنىڭ شىعارماشىلىق كەشىن ۇيىمداستىرعاندارىن ەستىپ، ءبىز دە بالا-شاعامىزدى ەرتىپ، كونگرەسس حوللعا تارتتىق. كەشتىڭ باستالۋىنا 1 ساعاتتان استام ۋاقىت بارىنا قاراماي، جينالعان حالىقتىڭ كوپتىگىنەن بالاممەن كىرەر ەسىككە جاقىنداي المادىم. سول كەزدە ويىما 2009 جىلى بيلىك «قازاقستاندىق ۇلت» يدەياسىن قازاقستان حالقى اسسامبلەياسىنىڭ «ەل بىرلىگى» دوكتريناسى ارقىلى ەنگىزبەكشى بولعاندا مۇقاڭ دوكترينانى توقتاتۋ تۋرالى تالاپ قويىپ، اشتىق جاريالاماقشى بولعاندا ءتورت مىڭنان استام ادام  ونى قولداپ شىققاندا بيلىك شاحانوۆتىڭ تالابىنا ەرىكسىز كونىپ، قازاق حالقىنا  زيان اكەلەتىن «قازاقستاندىق ۇلتتان» بيلىكتىڭ باس تارتقانى  ەسىمە ءتۇستى. بۇكىل قازاق ۇلتى ءبىر شاحانوۆتىڭ سوڭىنان ەرەدى ەكەن. سوعان تاعى دا كوزىم جەتتى.

... سودان اۋپىرىمدەپ ىشكە كىرسەك، زالدا ينە شانشار ورىن جوق. مىنە، قىزىق. كەش باستالۋىنا ءالى ساعاتتان استام ۋاقىت بولسا دا زالدا وتىراتىن ورىندىقتان بولەك 500-گە جۋىق ادام تۇرىپ تۇر. سىرتتا تاعى وسىنشا ادام.

نە كەرەك، كەش باستالدى. ءبارىمىزدىڭ كوكەيىمىزدى - اقىن اعامىز قايدا؟ ساحناعا قاشان شىعار ەكەن؟ - دەگەن سۇراق تەسىپ بارادى. زالداعىلار مويىندارىن سوزىپ تىپىرشي باستادى.

ءبىر ۋاقىتتا جۇرگىزۋشىلەر - مۇحتار اعامىزدىڭ كەشتىڭ باستالارىنان جارتى ساعات بۇرىن جەدەل جاردەممەن اۋرۋحاناعا تۇسكەنىن حابارلادى. ءدال سول ءسات كوزىمە ىستىق جاس تولىپ، اينالامدى كورە الماي قالدىم. بايقاسام زال تەگىس ابىر-سابىرعا تۇسكەن. جينالعان كوپشىلىك تۇگەلدەي اقىننىڭ اماندىعىن تىلەۋدە.

جۇرگىزۋشىلەر: «مۇحتار اعامىز كەشتىڭ سوڭىنا دەيىن كەلىپ قالار، تەز ساۋىعىپ كەتۋىن تىلەيىك» - دەپ كوپشىلىكتى تىنىشتالدىردى. كەيىننەن بەلگىلى بولعانداي، شىعارماشىلىق كەش استانادا اي بۇرىن جوسپارلانىپ قويعاندىقتان مۇحتار اعامىز الماتىدا اۋرۋحاناعا جاتقان جەرىنەن ۇيىمداستىرۋشىلاردىڭ ءوتىنىشىن جەرگە تاستاماي ەلورداعا كەلگەن ەكەن. تولىق ەم شارالارىن قابىلداپ بولماعان اقىن دەنساۋلىعىنا بايلانىستى ءوزىن تاعاتسىز توسقان قاۋىممەن كەزدەسە المادى.

كونگرەسس حوللدا جينالعان 2 مىڭ حالىق تاعاتى تاۋسىلا اقىنىنىڭ تىلەۋىن تىلەپ، كەشتىڭ سوڭىنا دەيىن اقىن شىعارماشىلىعىمەن سۋسىندادى. ال، ىشكە كىرە الماي، ءارى-ءسارى بولعان تاعى 2 مىڭعا جۋىق ادام  ۇيىمداستىرۋشىلارعا «شاحانوۆتىڭ شىعارماشىلىق كەشىن نەگە كىشكەنتاي زالدا وتكىزىپ جاتىرسىڭدار» دەپ وكپە-رەنىشتەرىن  جاسىرمادى. «استانادا كونگرەسس حوللدان الدەقايدا ۇلكەن كونتسەرتتىك زالدار بار. مۇحتار شاحانوۆتىڭ شىعارماشىلىق كەشى سونداي زالدا وتسە جاراسپاي ما؟» - دەپ كوزىنە جاس الىپ، كەمسەڭدەگەن قارت كىسىلەردى كورگەندە ءبىزدىڭ دە جۇرەگىمىز شىمىرلاپ كەتتى.

مۇحتار اعامىزدان، ونىڭ جىرلارىنان ءار قازاق ءوزىنىڭ ۇلتتىق رۋحىن ساقتاۋعا، ەسەلەۋگە دانەكەر بولاتىن جالىن الىپ قالۋعا جانتالاسقانىن سەزىنگەندە ەرەكشە كۇيگە بولەندىم.

اقىن بىردەن اۋرۋحانانىڭ جانساقتاۋ بولىمىنە ءتۇسىپتى. قولدان كەلەر جالعىز ءىسىمىز - جاراتۋشى ءبىر اللادان مۇحتار اعامىزدىڭ تەز ايىعىپ كەتۋىن تىلەۋ عانا...

«Masa.kz»