قازاقستان رەسپۋبليكاسى تاۋەلسىزدىگىنىڭ 35 جىلدىعى قارساڭىندا رەسپۋبليكالىق پاتريوتتىق اندەر بايقاۋى جاريالاندى.

بايقاۋ وتان، تۋعان جەر جانە ەل بىرلىگى تاقىرىبىنداعى جاڭا تۋىندىلاردى تانىتۋعا، تالانتتى اۆتورلاردى انىقتاۋعا جانە زاماناۋي پاتريوتتىق اندەر قورىن تولىقتىرۋعا باعىتتالادى.

بايقاۋعا ەلىمىزدىڭ بارلىق وڭىرىنەن اقىندار مەن كومپوزيتورلار، سونىڭ ىشىندە شىعارماشىلىق جولىن ەندى باستاعان اۆتورلار قاتىسا الادى. بۇعان دەيىن جاريالانباعان جانە ورىندالماعان اندەر قابىلدانادى.

بايقاۋ ءۇش باعىت بويىنشا وتەدى. ولار: سالتاناتتى پاتريوتتىق اندەر، ليريكالىق پاتريوتتىق اندەر جانە زاماناۋي پاتريوتتىق اندەر. قاتىسۋشىلار ءبىر نەمەسە بىرنەشە باعىت بويىنشا شىعارما ۇسىنا الادى.

تۋىندىلاردى كومپوزيتورلار، اقىندار مەن مۋزىكا ماماندارىنان قۇرالعان ساراپشىلار كەڭەسى باعالايدى. ساراپشىلار باعا بەرۋدە ءاننىڭ اۋەنى، ءماتىنىنىڭ ساپاسى، اۆتورلىق يدەياسىنىڭ تىڭ بولۋى جانە تىڭدارمانعا اسەرىن نەگىزگە الادى.

ساراپشىلار كەڭەسىنىڭ مۇشەسى، اقىن قالقامان ءساريننىڭ ايتۋىنشا، بايقاۋ وتان مەن ۇلتتىق بولمىس تاقىرىبىن ارقاۋ ەتەتىن ءارى تىڭدارمان كوڭىلىنەن شىعاتىن اندەردىڭ جازىلۋىن كوزدەيدى.

بايقاۋدىڭ جالپى جۇلدە قورى – 30 ملن تەڭگە. قاراجاتتى دەمەۋشىلەر بولگەن. جۇلدەلەر تومەندەگىدەي بەلگىلەنگەن:

باس جۇلدە – 6 ملن تەڭگە;

I ورىن – ارقايسىسى 4 ملن تەڭگەدەن ءۇش جۇلدە;

II ورىن – ارقايسىسى 3 ملن تەڭگەدەن ءۇش جۇلدە;

III ورىن – ارقايسىسى 1 ملن تەڭگەدەن ءۇش جۇلدە.

وتىنىمدەر 2026 جىلعى 5 جەلتوقسانعا دەيىن khabar.kz/konkurs⁠ سايتىندا قابىلدانادى. جەڭىمپازدار قازاقستان رەسپۋبليكاسىنىڭ تاۋەلسىزدىك كۇنى قارساڭىندا جاريالانادى.

جوبانىڭ باس اقپاراتتىق سەرىكتەسى – «حابار» اگەنتتىگى» اق.

قر مادەنيەت جانە اقپارات مينيسترلىگىنىڭ ءباسپاسوز قىزمەتى

Abai.kz