18 قازان كۇنى قازاقستان-رەسەي ۋنيۆەرسيتەتى، «ابايتانۋ» عىلىمي-تانىمدىق ورتالىعىنىڭ جانىنان استانا قالاسى ونەرلى جاستار اراسىنان «اباي      نۇرى» كلۋبى قۇرىلدى. قالاداعى وقۋ وردالارىنىڭ تالاننتى اقىن، ءانشى ستۋدەنتتەرى مەن جاس ابايتانۋشىلار، اباي وقۋلارىنان جۇلدەلى ورىن العان ونەرلى جاستارىنان قۇرىلعان «اباي نۇرى» تۇساۋكەسەرىنە قالا جۇرتشىلىعى مەن زيالى قاۋىم، اقىن جازۋشىلار قاتىستى. وسىنداي يگى باستامالاردىڭ باسى-قاسىندا جۇرگەن ونەر جاناشىرى قازاقستان-رەسەي ۋنيۆەرسيتەتىنىڭ ديرەكتورى ادبىعالي رەدجەپۇلى  «اباي نۇرى» ونەرلى جاستار كلۋبىنىڭ  بولاشاعىنا ۇزاق عۇمىر تىلەدى.

18 قازان كۇنى قازاقستان-رەسەي ۋنيۆەرسيتەتى، «ابايتانۋ» عىلىمي-تانىمدىق ورتالىعىنىڭ جانىنان استانا قالاسى ونەرلى جاستار اراسىنان «اباي      نۇرى» كلۋبى قۇرىلدى. قالاداعى وقۋ وردالارىنىڭ تالاننتى اقىن، ءانشى ستۋدەنتتەرى مەن جاس ابايتانۋشىلار، اباي وقۋلارىنان جۇلدەلى ورىن العان ونەرلى جاستارىنان قۇرىلعان «اباي نۇرى» تۇساۋكەسەرىنە قالا جۇرتشىلىعى مەن زيالى قاۋىم، اقىن جازۋشىلار قاتىستى. وسىنداي يگى باستامالاردىڭ باسى-قاسىندا جۇرگەن ونەر جاناشىرى قازاقستان-رەسەي ۋنيۆەرسيتەتىنىڭ ديرەكتورى ادبىعالي رەدجەپۇلى  «اباي نۇرى» ونەرلى جاستار كلۋبىنىڭ  بولاشاعىنا ۇزاق عۇمىر تىلەدى.

ۇيىمداستىرۋشىلار قازاقستان-رەسەي ۋنيۆەرسيتەتى، «ابايتانۋ» عىلىمي-تانىمدىق ورتالىعى  مەن استانا قالاسى جاستار ساياساتىن قولداۋ مەملەكەتتىك قورى. دانا ابايدىڭ ءاربىر جىرى-ۇلاعات، "قارا ءسوزى"-تۇنعان ءتالىم. ال، مۇنداي تۇڭعيىق دانىشپاندىقتىڭ تۇگەسىلمەس تۇما بۇلاقتاردان باستاۋ الىپ، تەرەڭ يىرىمدەرگە اينالعانى ءسوزسىز. وسىنداي اقىن ارناسىنان سۋسىنداپ، مارجان سوزدەرىن تەرىپ، ءان مەن جىرىن ومىرلىك ازىق ەتۋ - بۇگىنگى جاستاردىڭ ماقسۇتىنا اينالۋى ءتيىس «اباي نۇرى» كلۋبىنىڭ مۇشەلەرىنىڭ تۇساۋكەسەر لەنتاسىن قازاقستان جازۋشىلار وداعىنىڭ استاناداعى بولىمشە باسشىسىنىڭ ورىنباسارى، س.سەيفۋللين اتىنداعى مۇراجاي مەڭگەرۋشىسى، اقىن - ەرقوجا تىلەپبەرگەنۇلى، استانا قالاسى جاستار ساياساتىن قولداۋ مەملەكەتتىك قورىنىڭ ديرەكتورى - تولەپبەرگەنوۆ امانبەك كورپەبايۇلى، جانە قازاق راديوسىنىڭ باس رەداكتورى، قازاقستان مادەنيەت قايراتكەرى  ماقات سادىق قيدى. امانبەك تولەپبەرگەنۇلى ءوز تاراپىنان ارنايى جاساپ اكەلگەن «اباي نۇرى» توسبەلگىسى مەن كلۋب مۇشەلەرىنىڭ ارقايسىسىنا جازبا بلوكنوت سالتاناتپەن تاپسىردى.

كلۋب جەتەكشىلەرى جاس اقىن، جاستار سارايى مادەني مەكەمەسىنىڭ قىزمەتكەرى - جۇلدىزاي ىسقاق پەن كومەكشىلەرى قازاقستان-رەسەي ۋنيۆەرسيتەتىنىڭ ستۋدەنتتەرى - شولپان ءابىلوۆا مەن عالىمجان گۇلدانا الداعى ۋاقىتتا «ابايتانۋ» عىلىمي-تانىمدىق ورتالىعىنىڭ ديرەتورى - الماحان مۇحامەتقاليقىزىمەن بىرلەسە جۇمىس اتقاراتىن بولادى.

سالتاناتتى تۇساۋكەسەر بارىسىندا «اباي نۇرى» كلۋبى مۇشەلەرىنىڭ ونەرىن تاماشالاپ، اباي ءانى ورىندالىپ، جاس اقىندار ولەڭ وقىدى. ارنايى كەلگەن تابىل قۇلياس، اسان وماروۆ، سارۋار قاماەۆا، شولپان بەيسەنوۆا سىندى اقىندار مەن عالىمدار جىلى لەبىزدەرىن ءبىلدىرىپ، كلۋب مۇشەلەرىنىڭ شىعارماشىلىق ىزدەنىسى مەن ونەرىن تاماشالادى.

اباي اندەرىن ورىنداۋشىلار مەن اباي ولەڭدەرىن ناقىشىنا كەلتىرىپ وقيتىندار تىڭدالدى.

جۇرتشىلىقتى قۋانىشقا بولەگەن «اباي نۇرى» كلۋبىنىڭ باستى ماقساتى استانا جاستارىن ۇلت رۋحانياتىنا تاربيەلەۋ، اباي شىعارماشىلىعىن كەڭىنەن ناسيحاتتاۋ ارقىلى ۇلتتىڭ ءتىلى مەن ءدىلىن وياتۋ. تالانتتى جاستاردىڭ شىعارماشىلىعىن شىڭداۋ، ابايدىڭ شىعارماشىلىق ونەر مەكتەبىن قالىپتاستىرۋ.

«Abai.kz»