رەسەي سىرتقى ىستەر ءمينيسترى سەرگەي لاۆروۆ يوردانيادا سيريانىڭ وسى ەلگە قاشىپ كەلگەن بۇرىنعى پرەمەر-ءمينيسترى رياد حيدجابپەن كەزدەستى.

حيدجاب تامىز ايىندا يوردانياعا كەتىپ قالىپ، سيريا وپپوزيتسياسىنىڭ قاتارىنا وتكەنىن مالىمدەگەن ەدى.

كەزدەسۋدەن سوڭ لاۆروۆ سيريا وپپوزيتسياسىن پرەزيدەنت باشار اساد بيلىكتەن كەتپەي، قاقتىعىستى توقتاتۋ تۋرالى كەلىسىمگە كەلمەيتىنى تۋرالى تالاپ قويۋ ارقىلى قانتوگىستى سوزىپ وتىر دەپ ايىپتادى.

لاۆروۆ بۇعان قوسا باشار اساد رەجيمىمەن كۇرەسىپ جاتقان كوتەرىلىسشىلەردە اقش-تا جاسالعان 50 "ستينگەر" زىمىرانى بارىن دا ايتتى. ول مۇنداي قارۋدىڭ كوتەرىلىسشىلەر قولىنا قالاي ءتۇسىپ جۇرگەنىن ايتپادى.

رياد حيدجاب "اسساد بيلىكتەن كەتكەن جاعدايدا عانا قاقتىعىس توقتايدى" دەگەن ۇستانىمدا.

سيريانىڭ مەملەكەتتىك اگەنتتىگى "تەرروريستەردىڭ" سەيسەنبىدە داماسكىدە سيريا پارلامەنتى سپيكەرى جيھاد ءال-لاھامنىڭ تۋىسى مۋحامماد ءال-لاھامدى ولتىرگەندەرىن حابارلادى. رەسمي داماسك "تەرروريستەر" دەپ كوتەرىلىسشىلەردى اتايدى.

دەرەككوز: azattyq.org

رەسەي سىرتقى ىستەر ءمينيسترى سەرگەي لاۆروۆ يوردانيادا سيريانىڭ وسى ەلگە قاشىپ كەلگەن بۇرىنعى پرەمەر-ءمينيسترى رياد حيدجابپەن كەزدەستى.

حيدجاب تامىز ايىندا يوردانياعا كەتىپ قالىپ، سيريا وپپوزيتسياسىنىڭ قاتارىنا وتكەنىن مالىمدەگەن ەدى.

كەزدەسۋدەن سوڭ لاۆروۆ سيريا وپپوزيتسياسىن پرەزيدەنت باشار اساد بيلىكتەن كەتپەي، قاقتىعىستى توقتاتۋ تۋرالى كەلىسىمگە كەلمەيتىنى تۋرالى تالاپ قويۋ ارقىلى قانتوگىستى سوزىپ وتىر دەپ ايىپتادى.

لاۆروۆ بۇعان قوسا باشار اساد رەجيمىمەن كۇرەسىپ جاتقان كوتەرىلىسشىلەردە اقش-تا جاسالعان 50 "ستينگەر" زىمىرانى بارىن دا ايتتى. ول مۇنداي قارۋدىڭ كوتەرىلىسشىلەر قولىنا قالاي ءتۇسىپ جۇرگەنىن ايتپادى.

رياد حيدجاب "اسساد بيلىكتەن كەتكەن جاعدايدا عانا قاقتىعىس توقتايدى" دەگەن ۇستانىمدا.

سيريانىڭ مەملەكەتتىك اگەنتتىگى "تەرروريستەردىڭ" سەيسەنبىدە داماسكىدە سيريا پارلامەنتى سپيكەرى جيھاد ءال-لاھامنىڭ تۋىسى مۋحامماد ءال-لاھامدى ولتىرگەندەرىن حابارلادى. رەسمي داماسك "تەرروريستەر" دەپ كوتەرىلىسشىلەردى اتايدى.

دەرەككوز: azattyq.org