«رەسەي قوعامى ۋكرايناداعى سوعىستان ۇتىلاتىنىن ءالى تۇسىنبەيدى، ال بۇدان ۆلاديمير ءپۋتيننىڭ ديكتاتۋراسى امان قالمايدى. سوندىقتان كيەۆكە جەڭىسكە جەتۋگە كومەكتەسۋ كەرەك»، دەدى رەسەي وپپوزيتسياسىنىڭ وكىلى گاري كاسپاروۆ ۆيلنيۋسكە ساپارى كەزىندە.

«شىن مانىندە، قازىر حالىقارالىق ساياساتتىڭ مىندەتى – ەرەجە ساقتاعىسى كەلمەيتىن ەلدەردى ەرەجەگە باعىنۋعا ماجبۇرلەۋ. ويتكەنى ناقتى حالىقارالىق مىندەتتەمەلەر، كەلىسىمدەر بار. سونىمەن قاتار حالىقارالىق ۇيىمداردىڭ ءپۋتيندى كوپتەگەن جىل بويى جازاسىز قالدىرۋى ءبىزدى قازىرگى جاعدايعا الىپ كەلدى» - دەدى كاسپاروۆ.

ول سونداي-اق، شاحمات ويىنىنداعىداي، رەسەيدىڭ ۋكرايناعا قارسى سوعىسى تەڭ ناتيجە بەرە المايتىندىعىن اتاپ ءوتتى.

«بۇل سوعىستا تەڭ ناتيجە بولمايدى. ۋكراينا ءالى دە جەڭىسكە جەتىپ، بۇكىل اۋماعىن بوساتادى»، - دەدى ول.

وپپوزيتسيونەر سونداي-اق، رەسەيگە قارسى سانكتسيالار ۋكراينانىڭ اسكەري شىعىندارىن وتەگەنگە دەيىن جانە اسكەري قىلمىستار ءۇشىن كىنالىلەر جاۋاپقا تارتىلعانعا دەيىن قولدانىلاتىنىن اتاپ ءوتتى.

كاسپاروۆتىڭ پىكىرىنشە، سوعىس جىلدار بويى جالعاسپايدى جانە جاعداي بيىل تولىعىمەن شەشىلۋى مۇمكىن ەكەن.

ساياساتكەر سونىمەن بىرگە، رەسەي سوعىستان كەيىن «قازىرگى تەرريتورياسىن» ساقتامايدى جانە ونىڭ كەيبىر اۋماقتارى بولىنەدى دەپ بولجادى. ويتكەنى رەسەيدىڭ ۋكراينا سوعىسىنداعى جەڭىلىسى بولىپ جاتقان پروتسەستەردىڭ كاتاليزاتورىنا اينالادى.

Abai.kz