قازاقستان بارىسى» قورى مەن «نۇر وتان» پارتياسى بىرلەسە وتىرىپ، مەملەكەت باسشىسى نۇرسۇلتان نازارباەۆتىڭ ۇلت دەنساۋلىعىن بۇقارالىق سپورت نەگىزىندە نىعايتۋ جونىندەگى ساياساتىن جۇزەگە اسىرۋعا كىرىستى. قازاقتىڭ ۇلتتىق دۇنيەسى سانالاتىن ۇلتتىق ويىندارى - بۇل اتادان بالاعا جالعاسىپ كەلە جاتقان يگلىكتى ءداستۇردىڭ ءبىرى. ءبىز ۇلتتىق ويىندارعا جاي عانا ويىن دەپ قاراماعانىمىز ابزال. قازاققا عانا ءتان ۇلتتىق ويىنداردىڭ بالانىڭ دەنساۋلىعىنا جاقسى اسەرىن تيگىزەتىن دە جاقسى جاقتارى بار. اتتىڭ جالىندا وسكەن، اسىق ويناپ، دوپ قۋالاعان، ءبىر-بىرىمەن الىسىپ، بالۋان كۇرەسىنە قاتىسقان قارادومالاقتىڭ شىمىر دا، مىعىم بولىپ وسەتىنىنە كەپىلدىك بەرۋگە بولادى. سوندىقتان، قازاقتىڭ ۇلتتىق سپورتىن دامىتۋ دەگەنىمىز - ۇلتتىڭ دەنساۋلىعىن جاقسارتۋ دەگەنىمىز.

قازاقستان بارىسى» قورى مەن «نۇر وتان» پارتياسى بىرلەسە وتىرىپ، مەملەكەت باسشىسى نۇرسۇلتان نازارباەۆتىڭ ۇلت دەنساۋلىعىن بۇقارالىق سپورت نەگىزىندە نىعايتۋ جونىندەگى ساياساتىن جۇزەگە اسىرۋعا كىرىستى. قازاقتىڭ ۇلتتىق دۇنيەسى سانالاتىن ۇلتتىق ويىندارى - بۇل اتادان بالاعا جالعاسىپ كەلە جاتقان يگلىكتى ءداستۇردىڭ ءبىرى. ءبىز ۇلتتىق ويىندارعا جاي عانا ويىن دەپ قاراماعانىمىز ابزال. قازاققا عانا ءتان ۇلتتىق ويىنداردىڭ بالانىڭ دەنساۋلىعىنا جاقسى اسەرىن تيگىزەتىن دە جاقسى جاقتارى بار. اتتىڭ جالىندا وسكەن، اسىق ويناپ، دوپ قۋالاعان، ءبىر-بىرىمەن الىسىپ، بالۋان كۇرەسىنە قاتىسقان قارادومالاقتىڭ شىمىر دا، مىعىم بولىپ وسەتىنىنە كەپىلدىك بەرۋگە بولادى. سوندىقتان، قازاقتىڭ ۇلتتىق سپورتىن دامىتۋ دەگەنىمىز - ۇلتتىڭ دەنساۋلىعىن جاقسارتۋ دەگەنىمىز.

وسى ورايدا، قازاقشا كۇرەستى دامىتۋعا كۇش سالىپ جۇرگەن «قازاقستان بارىسىنىڭ» العاشقى قادامى دا وڭ ناتيجەسىن بەرىپ وتىر. سوندىقتان «قازاقستان بارىسى» مەن «نۇر وتان» حدپ ۇلتتىق قاسيەتىمىزدىڭ بەلگىسى بولىپ سانالاتىن قازاقشا كۇرەستى جاس ۇرپاق اراسىندا ناسيحاتتاپ، قالىڭ جۇرتشىلىققا تانىتۋدا جاقسى ءۇردىستى قولعا الماقشى. ەل پرەزيدەنتى نۇرسۇلتان نازارباەۆتىڭ جۇلدەسى ءۇشىن «قازاقستان بارىسى» ەكى مارتە رەسپۋبليكالىق دەڭگەيدە وتكىزىلگەن ەدى. ەندى بۇل جوبا قاناتىن كەڭگە جايماقشى. ءارى ەكى تاراپ تا بۇل سپورت ءتۇرىنىڭ كەڭ ەتەك جايۋىنا مۇددەلى بولىپ وتىر. ولار سالاماتتى ءومىر سالتىن ناسيحاتتاۋدان بولەك، تالانتتى قىز-بوزبالانى، اتاپ ايتقاندا، اۋىل جاستارىن تانىتۋ ءۇشىن، ءارى ولاردى كاسىپقوي سپورتقا باۋلۋ ماقساتىندا الەۋمەتتىك تۇرعىدا كوتەرمەلەۋگە نيەتتى.
«نۇر وتان» حدپ حاتشىسى ەرلان كارين مەموراندۋمعا قول قويۋ راسىمىندە: «ءبىز «قازاقستان بارىسى» جوباسىن تەك سپورتتىق جوبا عانا ەمەس، كوپتىڭ مۇددەسىنە باعىتتالعان الەۋمەتتىك جوبا دەپ سانايمىز. وسى جوبانىڭ ارقاسىندا جانە جەر-جەرلەردە وتكىزىلىپ جاتقان سپورتتىق تۋرنيرلەردىڭ ارقاسىندا جاستار قابىلەت-قارىمىن شىڭداپ، بويداعى تەپسىنگەن بۇلا تالانتىن جارقىراتا كورسەتۋگە، سويتە ءجۇرىپ، ءبىر-بىرىمەن ارالاسىپ-قۇرالاسۋىنا جانە ءوزارا تاجىريبە الماسۋىنا مۇمكىندىك تۋادى.
بۇل جوبانىڭ اياسىندا جەتكىنشەكتەردىڭ رەسپۋبليكالىق دەڭگەيدە جارىستارعا قاتىسىپ، كوپتىڭ الدىنا شىعۋىنا ءھام كاسىپقوي ماماندار مەن كانىگى جاتتىقتىرۋشىلاردىڭ نازارىنا ىلىگىپ قالۋىنا دا جاسالىپ جاتقان ۇلكەن ءبىر مۇمكىندىك دەپ ساناۋعا بولادى.
«نۇر وتان» پارتياسى مۇنىڭ وسىنداي الەۋمەتتىك ماڭىزىن جانە جان-جاقتى تيىمدىلىگىن ەسكەرە وتىرىپ، وسى جوباعا اتسالىسۋعا ىنتا ءبىلدىردى، - دەپ اتاپ ءوتتى. ىنتىماقتاستىق مەموراندۋمىنا قول قويۋشى تاراپتار بارلىق دەڭگەيدەگى تۋرنيرلەردىڭ اۋقىمدى جانە ساپالى وتۋىنە مۇددەلىلىك تانىتپاق. كوپ ۇزاماي اۋىلدىق، اۋداندىق، قالالىق جانە وبلىستىق دەڭگەيدەگى دودالاردى وتكىزۋ شارالارى انىقتالاتىن بولادى. ەكىجاقتى كەلىسىمگە وراي، ۇلتتىق ويىن وتكىزىلەتىن تۋرنيرلەردى بىرىگىپ ىسكە اسىرۋعا قاجەتتى مۇمكىندىكتەردى تارتۋعا ەكى جاق بىردەي ىنتالى.
- «نۇر وتاننىڭ» ايماقتاردا فيليالدارى كوپ. «قازاقشا كۇرەستى» دامىتۋ قورىنىڭ ماقساتتارىنىڭ ءبىرى - رەسپۋبليكالىق تۋرنيرلەرگە ەڭ لايىقتىلار مەن دارىندىلاردى عانا تارتۋ. ول ءۇشىن جەرگىلىكتى جەرلەردەگى ىرىكتەۋ سايىستارىنىڭ ادىلەتتى وتۋىنە قاداعالاۋ بولىپ تابىلادى. سوندىقتان، وسى ماسەلەدە «نۇر وتان» اتسالىسسا، ويىمىزداعى بولادى دەپ ويلايمىز. سولايشا، ەڭ كۇشتى، ەڭ مىقتى دەگەن جاس سپورتشىلاردىڭ باعىن اسىرۋ ءۇشىن ادىلدىك كۇتەمىز، - دەيدى «قازاقستان بارىسى» قازاقشا كۇرەستى دامىتۋ قورى قامقورشىلار كەڭەسىنىڭ توراعاسى ارمان شوراەۆ.
قازاقشا كۇرەستى دامىتۋعا مۇددەلى بولىپ وتىرعان «قازاقستان بارىسى» مەن «نۇر وتان» حدپ -نىڭ بۇل يگىلىكتى شاراسى قۋانتارلىق جايت. قازاقتىڭ وزىنە عانا ءتان ۇلتتىق ويىندارىن دامىتىپ قانا قويماي، ونى الەمدىك دەڭگەيدەگى سپورت تۇرلەرىنىڭ قاتارىنا قوسۋ دا باستى ماقسات بولۋى ءتيىس. قازاقتىڭ كۇرەسىن قازاق قانا تانىماۋى كەرەك. ونى الەم مويىنداۋعا ءتيىس. قازاقتىڭ قاجىمۇقاندارى ەلدىڭ اراسىندا كوپتەپ سانالادى. بولاشاق بارىستاردى تانۋ، ءارى ونى تانىتۋ - ساۋاپتى ءىس.

"اباي-اقپارات"