جۇما, 9 جەلتوقسان 2022
انە، كوردىڭ بە؟ 2370 7 پىكىر 13 ماۋسىم, 2022 ساعات 13:17

ءۇش اي سوعىس - ءۇش ستسەناري

رەسەيدىڭ ۋكرايناعا باسىپ كىرگەنىنە ءۇش ايدان استى. الەمنىڭ اككى اسكەري ساراپشىلارى ءتۇرلى ساراپتامالار جاساۋدا. ولار رەسەيدىڭ ءبىر اپتا ىشىندە كيەۆتى باسىپ الادى دەگەن بولجامدارىنىڭ ىسكە اسپاعانىن مويىنداپ، رەسەي اسكەري كۇشىن تىم جوعارى باعالاعانىن ايتادى. 

ساراپشى روبەرت مەننينگ ۋكراينا سوعىسىنا قاتىستى ءۇش ءتۇرلى ستسەناريدى كەلتىرەدى. ول سوعىس ءالى شەشۋشى فازاعا جەتپەدى دەگەن ويدا.

ءبىرىنشى ستسەناري بويىنشا رەسەي ۋكراينانى القىمنان الۋدى توقتاتپايدى. رەسەي قىرىمعا اپاراتىن قۇرلىق جولىن باسىپ الىپ، ونى نىعايتۋدا. ۋكرايناعا تيەسىلى بولعان قارا تەڭىز جاعالاۋىنىڭ ءبىر بولىگىنە يەلىك ەتۋدە. ەندىگى ۋاقىتتا ول ودەسساعا شابۋىلىن ۇدەتىپ، كيەۆتى تەڭىزدەن ايىرۋدى كوزدەيدى. ءپۋتيننىڭ ماقساتى پريدنەستروۆەگە دەيىن جەتىپ، مولدوۆامەن شەكارا اشۋ جانە ناتو-عا قارسى كۇش رەتىندە اتالمىش ايماقتى اسكەري بازا قۇرۋ دەيدى ول. پۋتين ۋكراينا سوعىسى ارقىلى: "قىرىمدى ناتو رەسەيدىكى دەپ مويىنداۋى ءتيىس دەگەن لوگيكامەن ارەكەت ەتۋدە، الايدا ناتو ونى مويىندامايدى جانە سانكتسيالاردى المايدى", - دەيدى ساراپشى.

الەمدە رەسەيدىڭ ارەكەتىنەن جانارماي جانە استىق تاپشىلىعى ارتىپ، كوپتەگەن ەلدەردە تولقۋلار بولۋدا. بۇل ءوز كەزەگىندە رەسەيدەن سانكتسيانى السىرەتۋگە دەگەن ۇرانداردى كوبەيتەرۋ انىق. رەسەي ونى جاقسى ءتۇسىنىپ، ۋكراينا پورتتارىن بلوكتاۋدى توقتاتپايدى دەيدى مامان.

ەكىنشى ستسەناري بويىنشا رەسەي اسكەرىنىڭ دونباسستى باسىپ الۋى ۇلكەن ادامي جانە تەحنيكالىق شىعىنمەن اياقتالادى. ۋكراينا اسكەرى باتىستىق قارۋمەن ءوز اۋماعىن قايتارا باستايدى. 24 اقپانعا دەيىنگى ايماقتى قايتارىپ الۋى مۇمكىن. الايدا ارى قاراي جىلجۋ پوزيتسياسى مەن قورعانىسىن كۇشەيتكەن سەپاراتيستەر مەن رەسەي قورعانىسىن بۇزىپ وتۋگە جەتپەيدى. سوندىقتان 24 اقپانعا دەيىنگى اۋماقتى قايتارعان سوڭ، رەسەي مەن ۋكراينا كەلىسسوزگە وتىرادى.

ءۇشىنشى ستسەناري ۋكراينا بارلىق اۋماعىن قايتارىپ الادى. باتىس رەسەي اسكەرىنىڭ رۋحى تومەن ەكەنىن جاقسى بىلەدى جانە رەسەيدىڭ ەكونوميكالىق السىرەۋى كۇشەيگەن ساتتە، ۋكرايناعا قارۋ بەرۋدى ارتتىرادى. سالدارىنان رەسەي اسكەرىنىڭ ۇرىس دالاسىندا شىعىنى ارتىپ، شەگىنە باستايدى. بۇل رەسەيدە ءپۋتيندى تاقتان تايدىرۋعا اكەلەتىن پروتسەسستەردى باستاۋى مۇمكىن.

ساراپشى ءدال وسىنداي ءۇش ءتۇرلى ستسەناريدى ايتادى. مامانداردىڭ باسىم كوپشىلىگى پۋتين اسكەرى ايتارلىقتاي جەڭىسكە جەتپەسە، وندا كۇزدە رەسەيدە تولقۋلار بولىپ، توڭكەرىسكە ۇلاسۋى مۇمكىن دەگەن ويدا.

اسحات قاسەنعالي

Abai.kz

7 پىكىر

ۇزدىك ماتەريالدار

قۇيىلسىن كوشىڭ

قانداستار قازاققا، قازاقستانعا نە بەردى؟

رايىس ءارىپجانۇلى 2623
الاشوردا

تۇركىلىك تەك جانە تۇركى-موعول بىرلىگى

ءجادي شاكەنۇلى 1784
قاۋىپ ەتكەننەن ايتامىن

گازدىڭ گەوساياسي «گەموررويى»

ءامىرجان قوسان 1891