جۇما, 12 تامىز 2022
ساڭلاق 3166 0 پىكىر 14 ماۋسىم, 2022 ساعات 12:20

Cەنساتسيا: قازاقستان فۋتبولى جاراپ تۇر!

فۋتبولدان قازاقستان قۇراماسى ۋەفا ۇلتتار ليگاسى اياسىندا سلوۆاكيانى جەڭىپ، تاعى ءبىر سەنساتسيا جاسادى.

اپتا بۇرىن قۇرامالار ترناۆادا كەزدەسىپ، قازاقستاندىقتار 1:0 ەسەبىمەن جەڭگەن ەدى. ەلورداداعى كەزدەسۋ قازاقستاندىقتار ءۇشىن ءساتتى باستالدى. الاڭ يەلەرى ۇزىلىسكە دەيىن ەكى گول سوقتى 18-مينۋتتا وڭ قاپتالدان اسىرىلعان پاستى يان ۆوروگوۆسكي قاقپادا تۋلاتتى. ال 39-مينۋتتا ەلحان استانوۆ باسپەن ءدال سوققى جاساپ، ەسەپتى ەسەلەدى.

ۇزىلىستەن كەيىن سلوۆاكيالىقتار ەسەپ ايىرماسىن قىسقارتا الدى. 51-مينۋتتا ماتۋش بەرو ايىپ الاڭىنا ەنەر تۇستا جاقىن بۇرىشتى ءدال كوزدەدى. دەگەنمەن قازاقستان فۋتبولشىلارى ماتچ سوڭىنا دەيىن جەڭىس ەسەبىن ساقتاپ قالا الدى. ال ويىن سوڭىنا قاراي وندرەي دۋدا دورەكى ويناعانى ءۇشىن الاڭنان قۋىلدى. قورىتىندى ەسەپ - 2:1.

قازاقستان قۇراماسى C ديۆيزيونىنىڭ 3-توبىندا كوش باسىنداعى ورنىن ساقتاپ قالدى. كوماندا ءتورت كەزدەسۋدەن سوڭ 10 ۇپاي جينادى. ەكىنشى ورىنداعى سلوۆاكيادان ءتورت ۇپايعا وزىپ تۇر.

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2090
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2024
ادەبيەت

ءتۇس

ەرعالي باقاش 1710
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2743