قازاقستاندا قازاقتىلدى كوتەرەم باسپاسوزگە ۇكىمەت تاراپىنان بولىنەتىن گرانتتار اتالمىش باسىلىمداردىڭ شايلىعىنا عانا جەتەدى، الايدا، ولاردىڭ تارالىمىن مولايتۋعا، بولماسا بىلىگى جوعارى مامانداردى تارتۋ قاراستىرىلماعان. ۇكىمەت ءالى كۇنگە دەيىن 20 جىل ىشىندە كورەر كوزگە قۇقىعى تاپتالعان قازاقتىلدى ازاماتتاردى اقپاراتپەن جەتكىلىكتى قامتۋ دەگەن (باسقاسىن بىلاي قويعاندا)  سالانى قامتيتىنداي قازاقتىلدى باسىلىمداردى دامىتارلىق ارنايى نە قاۋلى، نە پروگرامما قابىلداي الماستان، ازىن-اۋلاق گرانت تۇرىندەگى جىلۋ بەرۋمەن شەكتەلىپ كەلەدى.بۇل سالادا باستاما جاساپ جاماناتتى نە جاقسىاتتى بولعان دەپۋتاتتى دا بايقامادىق. ەلدەگى جارنامالىق تابىستاردى ءورىستىلدى باسىلىمداردىڭ جالماۋىزداي جاپىرىپ وتىرعانىنا نازار اۋدارار ەمەس، ەڭ بولماسا قازاق گازەت-جۋرنالدارىن از كولەمدى  سالىقپەن كوتەرمەلەۋگە دە قىمسىنادى، جۇرەكسىنەدى. اقىرىندا قازاق باسىلىمدارى جاباعى ءجۇنى جابىسقان كۇيى كوتەرەم بولۋدا. ونىڭ ناتيجەسى رەتىندە بىلىكسىز رەداكتورلار مەن ساۋاتسىز جۋرناليستەر اقپارات تاراتۋدى بىلاي قويعاندا، قازاق ءتىلىنىڭ دە وبالىنا قالا باستادى.

قازاقستاندا قازاقتىلدى كوتەرەم باسپاسوزگە ۇكىمەت تاراپىنان بولىنەتىن گرانتتار اتالمىش باسىلىمداردىڭ شايلىعىنا عانا جەتەدى، الايدا، ولاردىڭ تارالىمىن مولايتۋعا، بولماسا بىلىگى جوعارى مامانداردى تارتۋ قاراستىرىلماعان. ۇكىمەت ءالى كۇنگە دەيىن 20 جىل ىشىندە كورەر كوزگە قۇقىعى تاپتالعان قازاقتىلدى ازاماتتاردى اقپاراتپەن جەتكىلىكتى قامتۋ دەگەن (باسقاسىن بىلاي قويعاندا)  سالانى قامتيتىنداي قازاقتىلدى باسىلىمداردى دامىتارلىق ارنايى نە قاۋلى، نە پروگرامما قابىلداي الماستان، ازىن-اۋلاق گرانت تۇرىندەگى جىلۋ بەرۋمەن شەكتەلىپ كەلەدى.بۇل سالادا باستاما جاساپ جاماناتتى نە جاقسىاتتى بولعان دەپۋتاتتى دا بايقامادىق. ەلدەگى جارنامالىق تابىستاردى ءورىستىلدى باسىلىمداردىڭ جالماۋىزداي جاپىرىپ وتىرعانىنا نازار اۋدارار ەمەس، ەڭ بولماسا قازاق گازەت-جۋرنالدارىن از كولەمدى  سالىقپەن كوتەرمەلەۋگە دە قىمسىنادى، جۇرەكسىنەدى. اقىرىندا قازاق باسىلىمدارى جاباعى ءجۇنى جابىسقان كۇيى كوتەرەم بولۋدا. ونىڭ ناتيجەسى رەتىندە بىلىكسىز رەداكتورلار مەن ساۋاتسىز جۋرناليستەر اقپارات تاراتۋدى بىلاي قويعاندا، قازاق ءتىلىنىڭ دە وبالىنا قالا باستادى.

ءسويتىپ، شەرمەندە بولعان قازاقى باسىلىم باسشىلارى  جىل سايىن قازاقتىلدى بۇقارانىڭ كۇشىمەن تارالىمدى زورلاپ ۇستاۋعا جارىسادى.  ول ءۇشىن اكىم-قارانىڭ ەسىگىن توزدىرىپ، ولاردان جەرگىلىكتى گرانتتار جيناۋمەن، وقىرمانداردى زورلاپ جازعىزۋمەن اينالىسۋعا ءماجبۇر. قازاقتاردىڭ اقپاراتتىق قۇقىعىن بۇلايشا شەكتەۋ مەن جانشۋ ءداستۇر سەكىلدى قالىپتاسىپ قالدى. بيۋدجەت مەكەمەلەرى مەن ۇيىمدارىن جەلكەلەپ ءجۇرىپ، بيلىكتىڭ گازەت-جۋرنالدارىنا جازعىزۋ جولعا قويىلعان، بىراق سولاردىڭ اراسىنا سىنالاپ قولجايدى كۇيگە تۇسكەن قازاق باسىلىمدارىنا جازعىزۋ دا اۋپىرىممەن ءجۇرىپ جاتادى. بۇلاردىڭ ءتۇرلى جولدارى بار، ايتالىق، ايلىعى 40-50 مىڭ تەڭگەلىك مەكتەپ مۇعالىمدەرىن باسپاسوزگە جەلكەلەپ ءجۇرىپ جازعىزۋ، ءبىلىم باسقارمالارى ارقىلى  نەمەسە تانىس ديرەكتورلاردىڭ،زاۆۋچتىڭ ديكتاتىمەن ىسكە اسىرۋ بار. جىل سايىن قىركۇيەكتە جاڭا وقۋ جىلى باستالعان بويى وسىلايشا اقپاراتتى جەلكەلەپ جەتكىزۋ ناۋقانى باستالادى دا كەتەدى. قۇلدىق مىنەز بەن قۇلىقتى بويلارىنا ءسىڭىرىپ جاتقان ۇستازداردىڭ شاكىرتتەرى دە ءدال سونداي قۇلدىق قۇلىققا مويىنسۇنىپ، اقپاراتتىق قۇلدىقتىڭ بۇعاۋىن قىمتاي تۇسەتىنىن جاستاردىڭ بىرىڭعاي پىكىر مەن  قۇلدىق ۇرعان تايىز دا ۇرانشىل ويلارىنان كورىپ ءجۇرمىز.

"Abai.kz"