ونەركاسىپتى ءوڭىر زىريان اۋدانىندا ءتورت جۇزگە تارتا شاعىن جانە ورتا كاسىپكەرلىك نىساندارى بار. باسىم بولىگى اۋىل شارۋاشىلىعى مەن ساۋدا-ساتتىق، قايتا وڭدەۋ، قۇرىلىس سالاسىندا جۇمىس ىستەپ جاتىر.
ەلىمىزدە جۇزەگە اسىرىلىپ جاتقان ۇدەمەلى يندۋستريالىق دامۋ باعدارلاماسى بۇل اۋداندا بۇرىن-سوڭدى بولماعان تىڭ ءوندىرىس ورىندارىنىڭ، جاڭا يننوۆاتسيالىق جوبالار قاتارىنىڭ كوبەيە تۇسۋىنە ءوز ىقپالىن تيگىزىپ وتىر.

ماسەلەن، «فاۆوريت» جشس - ايماقتا اعاش وڭدەۋمەن اينالىسىپ جاتقان جالعىز-جارىم كاسىپورىننىڭ ءبىرى. وتكەن جىلى بۇل شاعىن كاسىپورىن وبلىستىڭ يندۋستريالاندىرۋ كارتاسىنا ەنگىزىلىپ، «بيزنەستىڭ جول كارتاسى - 2020» باعدارلاماسى بويىنشا ءوندىرىس قۋاتىن ارتتىرۋعا مۇمكىندىك العان بولاتىن. جاڭا جوبانىڭ جۇزەگە اسىرىلۋىمەن بىرگە كاسىپورىندا ەلۋ جاڭا جۇمىس ورنى اشىلدى.

قايتا جاراقتاندىرۋعا دەيىن مۇندا ايىنا 75-78 تەكشە مەتر فانەر شىعارىلىپ كەلسە، قازىر 210-220 تەكشە مەتر ءونىم وندىرىلۋدە. تامىز ايىنان بەرى تسەح تولىق قۋاتىندا جۇمىس ىستەۋگە كوشكەن. جىل سوڭىنا دەيىن ەكى مىڭ تەكشە مەتر فانەر شىعارۋدى جوسپارلاپ وتىرعان كاسىپورىن باسشىلىعى «قازاقستان تەمىرجولى» اق-مەن، امەريكاندىق «تمس» كومپانياسىمەن، الماتى ۆاگون جوندەۋ زاۋى-تىمەن ءوزارا كەلىسىم جاساسىپ، ونىمدەرىنىڭ تەڭ جارتىسىنا جۋىعىن سولارعا جونەلتۋدە.

ونەركاسىپتى ءوڭىر زىريان اۋدانىندا ءتورت جۇزگە تارتا شاعىن جانە ورتا كاسىپكەرلىك نىساندارى بار. باسىم بولىگى اۋىل شارۋاشىلىعى مەن ساۋدا-ساتتىق، قايتا وڭدەۋ، قۇرىلىس سالاسىندا جۇمىس ىستەپ جاتىر.
ەلىمىزدە جۇزەگە اسىرىلىپ جاتقان ۇدەمەلى يندۋستريالىق دامۋ باعدارلاماسى بۇل اۋداندا بۇرىن-سوڭدى بولماعان تىڭ ءوندىرىس ورىندارىنىڭ، جاڭا يننوۆاتسيالىق جوبالار قاتارىنىڭ كوبەيە تۇسۋىنە ءوز ىقپالىن تيگىزىپ وتىر.

ماسەلەن، «فاۆوريت» جشس - ايماقتا اعاش وڭدەۋمەن اينالىسىپ جاتقان جالعىز-جارىم كاسىپورىننىڭ ءبىرى. وتكەن جىلى بۇل شاعىن كاسىپورىن وبلىستىڭ يندۋستريالاندىرۋ كارتاسىنا ەنگىزىلىپ، «بيزنەستىڭ جول كارتاسى - 2020» باعدارلاماسى بويىنشا ءوندىرىس قۋاتىن ارتتىرۋعا مۇمكىندىك العان بولاتىن. جاڭا جوبانىڭ جۇزەگە اسىرىلۋىمەن بىرگە كاسىپورىندا ەلۋ جاڭا جۇمىس ورنى اشىلدى.

قايتا جاراقتاندىرۋعا دەيىن مۇندا ايىنا 75-78 تەكشە مەتر فانەر شىعارىلىپ كەلسە، قازىر 210-220 تەكشە مەتر ءونىم وندىرىلۋدە. تامىز ايىنان بەرى تسەح تولىق قۋاتىندا جۇمىس ىستەۋگە كوشكەن. جىل سوڭىنا دەيىن ەكى مىڭ تەكشە مەتر فانەر شىعارۋدى جوسپارلاپ وتىرعان كاسىپورىن باسشىلىعى «قازاقستان تەمىرجولى» اق-مەن، امەريكاندىق «تمس» كومپانياسىمەن، الماتى ۆاگون جوندەۋ زاۋى-تىمەن ءوزارا كەلىسىم جاساسىپ، ونىمدەرىنىڭ تەڭ جارتىسىنا جۋىعىن سولارعا جونەلتۋدە.

بيىل زىريان اۋدانىندا 14 شاعىن ءوندىرىس ىسكە قوسىلىپ، ەلۋدەن استام جاڭا جۇمىس ورنى اشىلعان. «سپەتستسەمەنتمونتاج»، «بۋحتارمادورستروي» كاسىپورىندارى بۇگىنگى نارىققا اسا قاجەت بەتوندى جاقتاۋلار، كيسلورود ستانتسياسى وندىرىستەرىن اشقان.

كەنشىلەر قالاسىندا تاياۋ كۇندەرى تاعى ءبىر جاڭا ءوندىرىس نىسانى ىسكە قوسىلعالى وتىر. ول - قۇراستىرمالى تەمىر قورشاۋلار ءوندىرىسى. وسىدان بىرەر جىل بۇرىن ەلىمىزدە العاشقىلاردىڭ ءبىرى بولىپ، شىنى جيھازدار جاساۋدى قولعا العان كاسىپكەر نيكولاي كامەنسكي ەندى وبلىستىڭ وزگە جەرىندە كەزدەسپەيتىن قۇراستىرمالى تەمىر قورشاۋلار شىعارۋدى ىسكە اسىرۋ ۇستىندە. قۇراستىرمالى تەمىر قورشاۋلار - استىق ساقتايتىن قويما، گاراج، ماشينا-تراكتور شەبەرحانالارىن جاساۋعا، قىسقاسى، تۇرمىستاعى قاي قاجەتتىلىككە بولماسىن كەرەك ونىمدەر. حالىقتىڭ سۇرانىسىن تۋدىرىپ وتىرعان دۇنيەلەردى شىعارىپ، كاسىپ كوزىن تاپقان ول ءوز ونىمدەرىنىڭ تۇتىنۋشىلارى كوپ بولاتىنىنا سەنىمدى. قۇرال-جابدىقتارى ورناتىلىپ، دايىن تۇرعان بۇل ءوندىرىس تە يندۋستريالاندىرۋ باعدارلاماسىنا ەنگىزىلگەن.

«بيزنەستىڭ جول كارتاسى - 2020» باعدار-لاماسى بويىنشا اۋداندا ومىرگە كەلگەن تاعى ءبىر تىڭ دەپ ايتۋعا تۇرارلىق جوبا - جەكە كاسىپكەر يگور كوپتەۆتىڭ «جولاۋشىلار تاسىمالى» جوباسى. توعىز شەتەلدىك سۋ جاڭا كولىك ساتىپ الىپ، بيزنەسىن باستاعان كاسىپكەردىڭ «Luxe» تاكسيى - زىرياندىقتار ءۇشىن ناعىز قاجەتتى قىزمەت بولىپ شىققان جايى بار. باعدارلاما ارقىلى 9 پايىزدان العان نەسيەسىنىڭ 7 پايىزىن مەملەكەت تاراپىنان بەرىلگەن سۋبسيديا ارقىلى جاۋىپ وتىرعان ول الداعى ۋاقىتتا كولىكتەر سانىن تاعى كوبەيتە ءتۇسۋدى جوسپارلاپ وتىر.

- تاكسي شاقىرىپ، كوڭىلىڭىز جايلانىپ ەسىكتىڭ الدىنا شىقساڭىز، موتورى بارىلداعان، ءىشى شاڭ-شاڭ، سۇرىقسىز ەسكى كولىك كول-دەنەڭ كەلىپ الدىڭىزعا تۇرا قالسا، تاكسيگە تولەگەن اقشاڭىزدى ويلاپ قانا قويماي، وعان وتىرعان ءوزىڭىزدى دە كىنالارىڭىز حاق. مۇنداي ەسكى تاكسيلەر ءبىر تاۋدىڭ تۇكپىرىندەگى زىرياندا عانا ەمەس، وبلىس ورتالىعى - وسكەمەندە دە جەتىپ جاتىر. تاكسي قىزمەتىنە ەسكى ماشيانالار عانا پايدالانىلىپ جاتىر. ال مەن حالىققا ونداي كولىكتەرمەن قىزمەت كورسەتۋدى حوش كورمەدىم، - دەيدى يگور كوپتەۆ.

كاسىپكەر وسىلايشا بيزنەس جوباسىن جۇزەگە اسىرۋداعى ەڭ ءبىرىنشى شارۋانى جاڭا كولىك ساتىپ الۋدان باستاپتى. قازىر قالالىقتاردىڭ بارلىعى دەرلىك ءوزى جاڭا، ءوزى جىلدام، باعاسى تومەن «Luxe» تاكسيىنىڭ قىزمەتىن پايدالانىپ جاتىر.

تاكسي كولىكتەرى تازا بولۋىمەن قوسا سەنىمدى بولۋى دا اسا ماڭىزدى. ءبىزدىڭ كولىكتەردىڭ جۇرگىزۋشىلەرىنىڭ ءبارى تاڭەرتەڭ كەڭسەگە كەلە سالىسىمەن مەديتسينالىق تەكسەرۋدەن، ماشينالارى تەحنيكالىق بايقاۋدان وتكىزىلەدى. ءوزىمىزدىڭ تەحنيكالىق قامتۋ ستانسامىز، ماشينا جوندەيتىن شەبەرحانامىز بار. جۇرگىزۋشىلەردىڭ ءبارى دە اتى-جوندەرى جازىلعان بەيدجيكتەرمەن قامتىلعان. ول ماشينانىڭ ىشىندە ءىلىنىپ تۇرادى. سونىمەن قاتار ءار تاكسيدىڭ سىرتىندا ماشينانىڭ جەكە مەملەكەتتىك نومىرىنەن باسقا ءوزىنىڭ رەتتىك ءنومىرى جازىلىپ تۇر. قىسقاسىن ايتقاندا، جولاۋشىلاردىڭ قاۋىپسىزدىگى ءۇشىن بارلىق شارالار جاسالعان، - دەپ اڭگىمەسىن جالعاستىرعان كاسىپكەر تاعى دا «بيزنەستىڭ جول كارتاسى - 2020» باعدارلاماسى ارقىلى نەسيە الىپ، قىزمەتتەرىن كەڭەيتەتىندىكتەرىن جەتكىزدى. كەشەندى قىزمەت كورسەتۋ ورتالىعىندا بارلىعى 20 جۇمىس ورنى اشىلىپتى. جوسپارلانىپ وتىرعانداي، قىزمەت ءتۇرى ءارى قاراي جەتىلدىرىلگەن جاعدايدا وسىندا ەڭبەك ەتەتىندەردىڭ سانى 30 ادامعا ارتپاق.
«اباي-اقپارات»