وسكەمەن قالاسىندا قر پرەزيدەنتى جانىنداعى جاستار ساياساتى جونىندەگى كەڭەستىڭ كەزەكتى ون ەكىنشى وتىرىسى وتۋدە.
كۇن تارتىبىندە مەملەكەت باسشىسىنىڭ قازاقستان حالقى اسسامبلەياسىنىڭ XIX سەسسياسىندا ايتىلعان مەملەكەتتىك جاستار ساياساتىن جەتىلدىرۋ تۋرالى تاپسىرماسىنىڭ ورىندالۋ بارىسى تۋرالى  جانە 2012 جىلعا دەيىنگى مەملەكەتتىك جاستار ساياساتى جونىندەگى تۇجىرىمداما جوباسىن تالقىلاۋ ماسەلەلەرى قاراستىرىلدى.
قر پرەزيدەنتى جانىنداعى جاستار ساياساتى جونىندەگى كەڭەستىڭ توراعاسى عابيدۋللا ءابدىراحىموۆ كەڭەيتىلگەن قۇرامدا جاستار ءىسى جونىندەگى ايماقتىق باسقارمالارى باستىقتارىنىڭ، اۋدان جانە قالا اكىمدەرى ورىنباسارلارىنىڭ، شىعىس قازاقستان جانە پاۆلودار وبلىستارىنىڭ جاستار ءىسى جونىندەگى كەڭەسى حاتشىلارىنىڭ، سونىمەن قاتار ەكى ايماقتىڭ جوعارى وقۋ ورىندارى مەن كوللەدجدەرىنىڭ، جاستار ۇيىمدارى وكىلدەرىنىڭ قاتىسۋىمەن كەڭەيتىلگەن ءماجىلىس وتكىزەدى.
ءبىلىم جانە عىلىم مينينسترلىگىنىڭ جاۋاپتى حاتشىسى ءاليا عالىموۆانىڭ حابارلاعانىنداي، مەملەكەت باسشىسىنىڭ تاپسىرماسىن ورىنداۋ اياسىندا قر ءبىلىم جانە عىلىم مينيسترلىگىنىڭ جاستار ءىسى جونىندەگى كوميتەتى، ال ەلىمىزدىڭ بارلىق ايماقتارىندا جاستار ءىسى جونىندەگى باسقارمالار قۇرىلدى.
جاستار اياسىندا بولىپ جاتقان ۇردىستەردى تەرەڭ زەردەلەۋ، بولجاۋ ماقساتىندا ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى بازاسىندا «جاستار» عىلىمي زەرتتەۋ ينستيتۋتى قۇرىلدى.

وسكەمەن قالاسىندا قر پرەزيدەنتى جانىنداعى جاستار ساياساتى جونىندەگى كەڭەستىڭ كەزەكتى ون ەكىنشى وتىرىسى وتۋدە.
كۇن تارتىبىندە مەملەكەت باسشىسىنىڭ قازاقستان حالقى اسسامبلەياسىنىڭ XIX سەسسياسىندا ايتىلعان مەملەكەتتىك جاستار ساياساتىن جەتىلدىرۋ تۋرالى تاپسىرماسىنىڭ ورىندالۋ بارىسى تۋرالى  جانە 2012 جىلعا دەيىنگى مەملەكەتتىك جاستار ساياساتى جونىندەگى تۇجىرىمداما جوباسىن تالقىلاۋ ماسەلەلەرى قاراستىرىلدى.
قر پرەزيدەنتى جانىنداعى جاستار ساياساتى جونىندەگى كەڭەستىڭ توراعاسى عابيدۋللا ءابدىراحىموۆ كەڭەيتىلگەن قۇرامدا جاستار ءىسى جونىندەگى ايماقتىق باسقارمالارى باستىقتارىنىڭ، اۋدان جانە قالا اكىمدەرى ورىنباسارلارىنىڭ، شىعىس قازاقستان جانە پاۆلودار وبلىستارىنىڭ جاستار ءىسى جونىندەگى كەڭەسى حاتشىلارىنىڭ، سونىمەن قاتار ەكى ايماقتىڭ جوعارى وقۋ ورىندارى مەن كوللەدجدەرىنىڭ، جاستار ۇيىمدارى وكىلدەرىنىڭ قاتىسۋىمەن كەڭەيتىلگەن ءماجىلىس وتكىزەدى.
ءبىلىم جانە عىلىم مينينسترلىگىنىڭ جاۋاپتى حاتشىسى ءاليا عالىموۆانىڭ حابارلاعانىنداي، مەملەكەت باسشىسىنىڭ تاپسىرماسىن ورىنداۋ اياسىندا قر ءبىلىم جانە عىلىم مينيسترلىگىنىڭ جاستار ءىسى جونىندەگى كوميتەتى، ال ەلىمىزدىڭ بارلىق ايماقتارىندا جاستار ءىسى جونىندەگى باسقارمالار قۇرىلدى.
جاستار اياسىندا بولىپ جاتقان ۇردىستەردى تەرەڭ زەردەلەۋ، بولجاۋ ماقساتىندا ل.گۋميلەۆ اتىنداعى ەۋرازيا ۇلتتىق ۋنيۆەرسيتەتى بازاسىندا «جاستار» عىلىمي زەرتتەۋ ينستيتۋتى قۇرىلدى.
«جاس وتان» جاستار قاناتىمەن 2013-2020 جىلدارعا ارنالعان دامۋ ستراتەگياسىن جاساۋ ماقساتىندا بەلسەندى جۇمىس جاسالۋدا.
ءبىلىم جانە عىلىم مينيسترلىگى مەن قر پرەزيدەنتى جانىنداعى جاستار ساياساتى جونىندەگى كەڭەسى بىرلەسىپ، 2020 جىلدارعا دەيىنگى مەملەكەتتىك جاستار ساياساتى تۇجىرىمداماسىن قۇرۋ بويىنشا جۇمىستار جۇرگىزۋدە.
تۇجىرىمداما جوباسى جاس ازاماتتىڭ جان-جاقتى دامۋىنا باعىتتالعان مەملەكەتتىك جاستار ساياساتىمەن الەۋمەتتىك ەكونوميكالىق شارالاردى جۇزەگە اسىرۋ ءۇشىن اعىمداعى جاعدايلاردى دامىتۋ مەن تالداۋعا قاتىستى  2 تاراۋدان تۇرادى.
تۇجىرىمدامانىڭ سوڭعى نۇسقاسىن اعىمداعى جىلدىڭ قاراشا ايىندا تانىستىرۋ كوزدەلىپ وتىر.
پلەنارلىق وتىرىس بارىسىندا قازاقستان جاستار كونگرەسىمەن بالالار مەن جاسوسپىرىمدەر ۇيىمدارى قىزمەتىنىڭ باياندامالارى تىڭدالدى.
بۇگىنگى كۇنى «جاس ۇلان» بىرىڭعاي بالالار مەن جاسوسپىرىمدەر ۇيىمى ەلىمىزدىڭ بارلىق ايماقتارىندا كەڭەيتىلگەن فيليالدار جۇيەسى بار، ەڭ ءىرى ۇيىم بولىپ تابىلادى.
اتالعان ۇيىمنىڭ ماقساتى - وسكەلەڭ ۇرپاقتى قازاقستاندىق پاتريوتيزم نەگىزىندە ادامگەرشىلىك قاسيەتتەرگە تاربيەلەۋ بولىپ تابىلادى.
تاربيەلەۋ جۇمىسى جاستار ساياساتىنىڭ ماڭىزدى اسپەتىلەرى بولىپ تابىلادى.
ول جاستار مەن جۇمىستىڭ ءتۇرلى فورمالارى مەن باعىتتارىن قامتيدى، وسىعان بايلانىستى جاستاردى تاربيەلەۋ باعىتىنداعى جەكە قۇرىلىمدى قۇرۋدى قاجەت ەتكەن-ءدى.
ۇيىم 2011 جىلى 6 شىلدەدەگى قازاقستان رەسپۋبليكاسىنىڭ تاۋەلسىزدىگىنىڭ 20 جىلدىعى قارساڭىندا جاستار ۇيىمدارى كوشباسشىلارىنىڭ باستاماسىمەن قۇرىلعان بولاتىن.
«جاس ۇلان» ۇيىمىنىڭ ءتورايىمى نازيرا بولدۋرۋكوۆانىڭ ايتۋىنشا، وتكەن كەزەڭنىڭ تاربيەلەۋ باعىتىنداعى وڭ ىستەرىن جالعاستىرا وتىرىپ، ۇيىم بۇگىنگى كۇنى ول تاجىريبەنى قازىرگى كەزەڭنىڭ تالاپتارىنا سايكەس قولدانادى.
قاتارىندا 700 مىڭنان استام  جاستار بار جاسۇلاندىقتار جاستار ساياساتىن دامىتۋدىڭ بارلىق ءىس-شارالارىن بەلسەندى قولدايدى، وسىعان بايلانىستى تاربيەلەۋ كومپونەنتتەرىن كۇشەيتۋ ماقساتىندا كەشەندى جوسپارلارعا قاجەتتى ۇسىنىستار ەنگىزەدى، وسىنداي جۇمىستارعا تىكەلەي اتسالىسادى.
ۇيىممەن فورۋمدار، ءتۇرلى مادەني جانە وقىتۋ ءىس-شارالارى جۇرگىزىلىپ وتىرادى. جىل سايىن 5000 بالا مەن جاسوسپىرىمدەر «بالداۋرەن» جانە «بوبەك» وقىتۋ-ساۋىقتىرۋ ورتالىقتارىندا وقۋدان وتەدى.
بيىلعى جىلى قازاقستان جاستار كونگرەسىنە 10 تولىپ وتىر. وسى جىلدار بارىسىندا كونگرەستىڭ نەگىزگى ماقساتى - رەسپۋبليكالىق جانە ايماقتىق كوممەرتسيالىق ەمەس جاستار ۇيىمدارىنىڭ قىزمەتىن ۇيلەستىرۋ، قولداۋ، جاستاردىڭ ەلىمىزدىڭ قوعامدىق، ەكونوميكالىق جانە مادەني ومىرىنە بەلسەندى اتسالىسۋى، جاستارعا ارنالعان الەۋمەتتىك ماڭىزى بار جوبالاردى جۇزەگە اسىرۋعا قاتىسۋ بولىپ تابىلادى جانە وسى ماقسات بولىپ قالا بەرەدى.
10 جىل ىشىندە كونگرەسس مەملەكەتتىك ورگاندار، ۇكىمەتتىك ەمەس ۇيىمدار، كوممەرتسيالىق قۇرىلىمدار قاتارىنان كەڭ كولەمدى سەرىكتەستىكتەرى بار مەملەكەتتىك جاستار ساياساتىنىڭ تولىققاندى قاتىسۋشىسى بولىپ تابىلادى جانە بۇل ارتىقشىلىقتار ۇيىمعا الەۋمەتتىك جوبالاردى ساپالى جانە ءونىمدى جۇزەگە اسىرۋعا مۇمكىندىك بەرەدى.
بۇرىنعى كوشباسشى، قازىرگى تاڭدا اقمولا وبلىسىنىڭ جاستار ءىسى جونىندەگى باسقارما باستىعىنىڭ مىندەتىن اتقارۋشى شاحماردان بايمانوۆتىڭ ايتۋىنشا، قازاقستان جاستار كونگرەسى - بۇل ءوز ەلىنىڭ جارقىن بولاشاعى ءۇشىن ەڭبەك ەتۋگە دايار كاسىبي جاستار كادرلارىنىڭ «ۇستاحاناسى» بولىپ تاىلادى.
بۇرىنعى «كونگرەسسمەندەردىڭ» كوبى قازىردىڭ وزىندە ورتالىق مەملەكەتتىك ورگانداردا، بيزنەس-قۇرىلىمداردا جاۋاپتى قىزمەتتەردى اتقارىپ، رەسپۋبليكالىق ۇكىمەتتىك ەمەس ۇيىمداردى باسقارىپ وتىر.
رەسپۋبليكالىق جاستار ۇيىمدارى مەملەكەتتىك باعدارلامالار مەن جوبالاردىڭ باستاماشىسى جانە مەملەكەتتىك جاستار ساياساتىن دامىتۋدىڭ باستى قوزعاۋشى كۇشى بولىپ تابىلادى.
جۇزەگە اسىپ جاتقان ءبىلىم سالاسى مەن جاستاردى تاربيەلەۋ سالاسىنداعى جوبالار، ولاردى جۇمىسقا ورنالاستىرۋ مەن جاستار سالاسىنداعى سالاۋاتتى ءومىر سالتىن قالىپتاستىرۋ جاستار اراسىندا كەڭ قولداۋ تاۋىپ وتىر.
بۇگىن، 19 قازاندا كەڭەس مۇشەلەرى ايماقتاعى ستۋدەنت، جۇمىسشى جاستار جانە جاس سپورتشىلار قاۋىمىمەن كەزدەستى.
ماجىلىسكە قاتىسۋشىلارمەن جاستار ساياساتى سالاسىنداعى كونسۋلتاتيۆتىك كەڭەس بەرۋ ورگاندارى مەن ستراتەگيالىق جوسپارلاۋ جۇيەسىندە سەمنار-ترەنينگتەر وتكىزۋ جوسپارلانىپ وتىر.
«اباي-اقپارات»