سارسەنبى, 17 تامىز 2022
بيلىك 1741 0 پىكىر 27 ماۋسىم, 2022 ساعات 16:01

قازاق جاستارى قۇرعان كومپانيا $2,4 ملن ينۆەستيتسيا تارتتى

بالتابەك مۇقاشەۆ پەن ادام كاپيتالىن دامىتۋ قورى EPG Education وتاندىق تەحنولوگيالىق حولدينگتىڭ دامۋىنا $2,4 ملن ينۆەستيتسيا سالدى.

Bugin Holding نەگىزىن قالاۋشىلار اكتسيونەرلەر بولىپ قالادى جانە كومپانيانى دامىتۋدى جالعاستىرادى. ال ينۆەستيتسيا ونىمدەردى دامىتۋعا جانە شەتەلدىك نارىقتارعا شىعۋعا جۇمسالادى. 2022 جىلى Bugin Holding-ءتىڭ تابىسى شامامەن 2,8 ملرد تەڭگەنى قۇرايدى دەپ كۇتىلۋدە.

Bugin Holding ءۇش سالانى قامتي وتىرىپ جۇمىس اتقارادى. ولار – قۇندىلىق، ءبىلىم، يننوۆاتسيا! اتالعان ءۇش سالا دا كەز كەلگەن ادامنىڭ ياكي مەملەكەتتىڭ بولسىن دامۋىنا تىكەلەي اسەرىن تيگىزەدى. ماسەلەن، قۇندىلىقسىز ادامعا ءبىلىم دارىمايدى، ال ءبىلىمسىز يننوۆاتسيانى كوتەرۋ تىپتەن مۇمكىن ەمەس. Bugin Holding وسى ءۇش سالا بويىنشا قانداي قارەكەتتەر جاساۋدا؟ وسى سۇراققا جاۋاپ رەتىندە كومپانيانىڭ ەكوسيستەماسىن العا تارتۋعا بولادى.

ەكوجۇيەنىڭ العاشقى ساتىسى – «OrdaGen» بالالارعا ارنالعان ارناۋلى جوبا. بۇل ەڭبەكتەپ ەس بىلگەن بالانىڭ بويىنا ءداستۇر مەن ءدىلدى دارىتا وتىرىپ، قۇندىلىقتىڭ قۇنارىن بەرۋ. OrdaGen-دە قازىرگى تاڭدا مىڭنان استام ەرتەگى بار. ولاردى ءموبيلدى قوسىمشا، كىتاپ جانە انيماتسيالىق مۋلتفيلم تۇرىندە تاراتىپ، بالالارعا ارنالعان قازاقتىلدى كونتەنتتىڭ دامۋىنا ۇلەسىن قوسىپ كەلەدى. OrdaGen الدىڭعى كوشتەن ەرەكشەلەنىپ، قوردىڭ كوپ بولىگىن اۆتورلىق ەرتەگىگە ۇلەستىردى. وندا ءبىز بۇرىن وقىپ كورمەگەن پسيحولوگيالىق، فانتاستيكالىق جانرلارداعى ەرتەگىلەر بار. ءتورت ءىرى قۇندىلىققا نەگىزدەلگەن ەرتەگىلەردى وقىپ وسكەن بالا، ەندى كەز كەلگەن ءبىلىمدى تەز ءسىڭىرىپ الا الادى.

وسى ورايدا ەكوجۇيەنىڭ ەكىنشى باسپالداعى باستالادى. ول – Daryn.Online رەسپۋبليكالىق ءبىلىم بەرۋ پلاتفورماسى. Daryn.Online قازاقستاندىق وقۋشىلارعا ۋاقىت پەن قاشىقتىق تەڭسىزدىگىنە قاراماي ءبىلىم الۋعا مۇمكىندىك بەرەدى. جوبا ماقساتى – ساپالى ءبىلىمدى قولجەتىمدى ەتۋ. بۇگىنگە دەيىن پلاتفورماعا 3,6 ملن وقۋشى مەن 350 000 جۋىق مۇعالىم تىركەلگەن. پلاتفورما بازاسىندا بعم ستاندارتىنا ساي جاڭارتىلعان باعدارلاما بويىنشا 1-11 سىنىپ وقۋشىلارىنا 24 000 استام ۆيدەوساباقتار ءتۇسىرىلىپ، 250 000 تەست تاپسىرمالارى دايىندالعان. مەكتەپ تۇلەكتەرى بىلىكتى مەتوديستەر دايىنداعان ۇبت بايقاۋ سىناعىن 1 200 000 مارتە تاپسىرعان. رەسپۋبليكا بويىنشا پلاتفورمامەن 2000 نان استام مەكتەپ جۇمىس جاساعان.

پلاتفورمادا وقۋشى مەن ۇستازعا قوسىمشا قولداۋ كورسەتەتىن بىرقاتار جوبالار ىسكە قوسىلدى. مىسالى، Daryn Teacher قىسقا ۋاقىتتىڭ ىشىندە وقۋشىنىڭ بەلگىلى ءبىر تاقىرىپتى ۇيرەنۋىنە نەمەسە ءۇي جۇمىسىن ءتۇسىنىپ ورىنداۋىنا كۇش جۇمسايدى. بۇل ءوز كەزەگىندە پلاتفورمادا ءبىلىم بەرۋشى ۇستازعا قوسىمشا تابىس اكەلەدى. قازاقستاننىڭ بارلىق ۇستازدارىنا تىركەلىپ، تابىسىن ارتتىرۋىنا مۇمكىندىك بار.

ەكوجۇيەنىڭ كەلەسى باسپالداعى – Daryn Tandau. اتى ايتىپ تۇرعانداي، بۇل جوبا مەكتەپ ءبىتىرۋشى تۇلەكتەرگە نەمەسە مامانداندىرىلعان مەكتەپتەرگە تۇسۋگە ۇمىتكەر وقۋشىعا دۇرىس تاڭداۋ جاساۋعا كومەك بەرەدى. بۇل جوبانى ءبىر جاعىنان «ۆيرتۋالدى كورمە» دەپ اتاۋعا دا بولادى. سەبەبى تاڭداۋ جاساۋ ءۇشىن «قابىلداۋ ءبولىمىن» شارلاپ قاجەت ەمەس. ۆيرتۋالدى كورمەدە تەك وتاندىق وقۋ ورىندارىن عانا ەمەس شەتەلدىك وقۋ ورىندارىن دا تاڭداۋعا بولادى.

Bugin.kz اقپاراتتىق جانە تانىمدىق باعىتتاعى مەدياپلاتفورما. پلاتفورما ونلاين مەديا سەرۆيستەر سالاسىن كوتەرۋ جانە ءوز باعىتى بويىنشا ساپالى كونتەنت ۇسىنۋ ءىسىن جۇرگىزەدى. ال، Educenter – بۇل ونلاين كۋرسىن جاساعىسى كەلەتىن رەپەتيتور، بلوگەر، ينفوبيزنەسمەندەرگە ارنالعان پلاتفورما. پلاتفورما ءار ەكسپەرت ءۇشىن جەكە جاسالادى.

"EPG Education مىندەتى - ساپالى جانە قولجەتىمدى مەكتەپتەر قۇرۋ. قازاقستان نارىعىندا ءبىلىم بەرۋ پلاتفورمالارى اراسىنان كوش باستاپ تۇرعان  Daryn.Online جوباسىنا ينۆەستيتسيا قۇيۋ بىزگە وقىتۋدىڭ وڭتايلى ونلاين جانە وفلاين فورماتىن جاساۋعا كومەكتەسەدى. بۇل قازاقستان بويىنشا ميلليونداعان وقۋشىلارعا ساپالى ءبىلىم الۋعا مۇمكىندىك", - دەدى EPG Education ديرەكتورى دوسىم بەسباي.

ال بالتابەك مۇقاشەۆ: "Bugin Holding ونىمدەرى، سونىڭ ىشىندە Daryn.Online مەكتەپ وقۋشىلارى ءۇشىن گەوگرافيالىق شەكتەۋلەردى جويا وتىرىپ، وڭىرلەردە ساپالى ءبىلىم بەرۋ ءۇشىن ۇلكەن ماڭىزعا يە جوبا. مىسالى، اۋىل وقۋشىلارى ءىرى قالالارداعى مۇعالىمدەردەن قاشىقتا وتىرىپ-اق قوسىمشا ءبىلىم الا الادى. نەگىزگى ماماندىعىم مۇعالىم بولعاندىقتان ءبىلىم بەرۋ جۇيەسىنە نە قاجەت ەكەنىن بىلەمىن ءارى ءبىلىم سالاسىنداعى ماسەلەلەرگە بەي-جاي قاراي المايمىن. Bugin Holding-ءتىڭ نەگىزىن قالاۋشى جىگىتتەر دە وتاندىق ءبىلىم بەرۋ ءىسىن جاڭا دەڭگەيگە كوتەرۋ ءۇشىن وقىتۋدىڭ يننوۆاتسيالىق ستاندارتتارىن ۇسىنىپ وتىر. سونداي-اق بىزگە شەتەلدىك نارىقتارعا شىعۋ ءۇشىن وتاندىق جاس IT كومپانيانى قولداۋ ماڭىزدى", - دەپ ءوز ويىمەن ءبولىستى.

Bugin Holding ۇجىمىنىڭ العا قويعان ماقساتتارى مەن جوسپارلارى بارشا قازاق جاستارىن جىگەرلەندىرەدى دەسەك ارتىق ايتپاعان بولار ەدىك. تارتىلعان ينۆەستيتسيا حولدينگ جوبالارىن قازاقستان نارىعىندا  دامىتۋعا، سونداي-اق LMS جاڭا ءونىمى (مەكتەپ پروتسەستەرىن اۆتوماتتاندىرۋ) مەن تمد-داعى العاشقى گيبريدتىك مەكتەپتى قۇرۋعا جۇمسالادى. سونداي-اق، Daryn.Online مەن EduCenter جوبالارىن وزبەكستان نارىعىنا شىعارۋعا قاراجات سالىنادى. ودان كەيىن ورتا ازيا مەن يران نارىعىنا شىعۋ جوسپارلانۋدا. وسىلايشا وتاندىق ستارتاپ جوبا الەمگە ايگىلى برەندكە اينالماق.

Abai.kz

0 پىكىر

ۇزدىك ماتەريالدار

الاشوردا

الاش-ارمان

بەيبىت قويشىباەۆ  2588
بىلگەنگە مارجان

حيلدا حۋكحەم جانە ۇلى قولباسشىلار

بەيسەنعازى ۇلىقبەك 2103
ادەبيەت

ءتۇس

ەرعالي باقاش 1776
انە، كوردىڭ بە؟

ارحيمەد كىمدى قورعاشتايدى؟

جايبەرگەن بولاتوۆ 2868